دہلی یونیورسٹی اسٹوڈنٹس یونین (ڈی یوایس یو) کے انتخابات میں، بی جےپی سے وابستہ تنظیم اے بی وی پی (ABVP) نے مرکزی پینل کے چار میں سے تین عہدے اپنے نام کر لیے، جبکہ آزاد امیدوار دیپانشو شوکین۔، جنہیں این ایس یو آئی (NSUI) کی جانب سے ٹکٹ نہیں دیا گیا تھا ۔، نے نائب صدر کا عہدہ جیت لیا۔کانگریس کی حمایت یافتہ تنظیم این ایس یو آئی (NSUI) مرکزی پینل کے چاروں عہدوں میں سے کوئی ایک بھی حاصل کرنے میں ناکام رہی، جبکہ اے بی وی پی نے صدر، سیکریٹری اور جوائنٹ سیکریٹری کے عہدوں پر قبضہ کیا۔
ڈی یو ایس یو نتائج میں اے بی وی پی کا دبدبہ
صدارتی مقابلے میں، اے بی وی پی کے یش دباس نے 24,576 ووٹ حاصل کیے اور این ایس یو آئی کے وجے شنکر مینا کو 2,053 ووٹوں کے فرق سے شکست دی۔ سخت مقابلہ کرتے ہوئے صدر کا عہدہ حاصل کیا۔ بی جے پی کے طلبہ ونگ نے سکریٹری، جوائنٹ سکریٹری کے عہدوں پر بھی قبضہ کیا ہے۔ اس دوران آزاد امیدوار دیپانشو شوکین نے نائب صدر کا عہدہ حاصل کیا۔ DUSU الیکشن میں ووٹر ٹرن آؤٹ 40.46 فیصد رہا۔
DUSU الیکشن 2026: پوسٹ کیلئےحاصل شدہ ووٹس
صدر
اے بی وی پی یش دباس: 22,434
این ایس یو آئی وجے مینا: 21,390
نائب صدر
آزاد دیپانشو شوکین: 28,873
اے بی وی پی اشو موریہ: 15,346
این ایس یو آئی ویر چترتھ: 4,010
سیکرٹری
اے بی وی پی ریا چھاوڑی: 19,846
این ایس یو آئی نمرتا چودھری 13,963
جوائنٹ سیکرٹری
اے بی وی پی لکشیا راج سنگھ: 14,965
این ایس یو آئی گوپال چودھری: 14,482
آزاد ویشیش یادو: 14,836
دہلی ہائی کورٹ نے فتح کے جلوسوں پرلگائی پابندی
دہلی ہائی کورٹ نے دہلی یونیورسٹی اسٹوڈنٹس یونین (DUSU) کے انتخابات کی مہم کے دوران ہوئے تشدد کے بعد فتح کے جلوسوں پر روک لگا دی ہے۔ یہ حکم اس وقت سامنے آیا ہے جب ڈے کلاسز میں شرکت کرنے والے طلباء کے لیے پولنگ جاری ہے۔ ہائی کورٹ نے تمام طلبہ تنظیموں کو شوکاز نوٹس جاری کرتے ہوئے پوچھا ہے کہ قواعد کی خلاف ورزی پر ان پر اجتماعی انتخابی جرمانہ کیوں نہ لگایا جائے۔ عدالت نے DUSU الیکشن لڑنے والے تمام امیدواروں کو شوکاز نوٹس بھی جاری کر دیے ہیں۔
ہائی کورٹ نے کہا کہ دہلی پولیس کو صرف اس لیے ملوث افراد کے خلاف کاروائی کرنے میں ہچکچاہٹ محسوس نہیں کرنی چاہیے کیونکہ وہ طالب علم ہیں۔ عدالت نے کہا، "وہ طالب علم نہیں ہیں۔ اور مجھے نہیں معلوم کہ طلبہ تنظیمیں کیا کر رہی ہیں۔" ہائی کورٹ نے اس بات کا اعادہ کیا کہ دہلی یونیورسٹی اور دیگر حکام کو یہ یقینی بنانے کے لیے تمام ضروری اقدامات کرنے چاہئیں کہ لنگوہ کمیٹی کی سفارشات یا وقتاً فوقتاً جاری کردہ مختلف احکامات کی خلاف ورزی نہ ہو۔ ہائی کورٹ نے دہلی پولیس اور ڈی یو حکام کو مزید ہدایت دی کہ وہ DUSU انتخابات کے دوران خلاف ورزیوں کو روکنے کے لیے احتیاطی تدابیر اختیار کریں۔
پچھلا DUSU الیکشن کس نے جیتا تھا؟
پچھلے DUSU انتخابات میں، بی جے پی کی حمایت یافتہ ABVP نے تین عہدے حاصل کیےتھے، جبکہ کانگریس کی NSUI نے ایک عہدہ جیتا تھا۔ اے بی وی پی کے آرین مان نے صدر، دیپیکا جھا کو جوائنٹ سکریٹری اور کنال چودھری نے سکریٹری کا عہدہ حاصل کیا۔ NSUI نے واحد نائب صدر کا عہدہ حاصل کیا۔ DUSU انتخابات میں ABVP، کانگریس سے منسلک نیشنل اسٹوڈنٹس یونین آف انڈیا (NSUI) اور AISA-SFI اتحاد کے درمیان چار مرکزی پینل کے عہدوں -- صدر، نائب صدر، سکریٹری اور جوائنٹ سکریٹری کے درمیان مقابلہ دیکھنے کو ملا۔
