نظام آباد کے بی جے پی رکن پارلیمنٹ دھرم پوری اروند نے بی آر ایس کے ورکنگ صدر کے ٹی آر پر طنز کیا۔ انہوں نے کے ٹی آر پر شخصی تبصرہ کیا۔ کے ٹی آر ان دنوں چہرے کو کلین شیو نہیں کر رہےہیں۔ اس ڈی ارویند کا کہا کہنا ہےکہ کے ٹی آر ایسا اس لئے کر رہے ہیں، کیوں کہ انھیں کسی نے کہا کہ اگر وہ داڑھی رکھیں گے تو وہ وزیر اعلیٰ بن جائیں گے،اور جب تک وہ داڑھی نہیں رکھیں گے وہ وزیر اعلیٰ نہیں بن سکتے۔
تلنگانہ میں بھگوا سونامی یقینی
انہوں نے اس پروپیگنڈے کو مسترد کردیا کہ ریاست میں بی جےپی کا سیاسی مستقبل روشن نہیں ہے۔نظام آباد کے رکن پا رلیمنٹ دھرم پوری اروند نے اس بات کو مسترد کردیا ہے کہ تلنگانہ میں بی جے پی خاموش ہے۔ بی جے پی لیڈر نے یقین ظاہر کیا کہ 2028 کے ریاستی اسمبلی انتخابات میں تلنگانہ میں بھگوا سونامی یقینی ہے اور بی جے پی تنہا اپنے بل بوتے پر اقتدار میں آئے گی۔
جیت کےلئےپس پردہ کام جاری
انہوں نے کہا کہ بی جے پی کی جیت کے لئے پردے کے پیچھے کام کیا جا رہا ہے۔ انہوں نے کہا کہ آئندہ انتخابات میں کسی جماعت سے اتحاد کیے بغیر جیتیں گے۔ جمعرات کو نظام آباد میں منعقدہ ایک میڈیا کانفرنس میں انہوں نے کانگریس اور بی آر ایس پارٹیوں پر تنقید کی۔ انہوں نے کہا کہ سیاسی طوفان برپا کرنے کے لیے پس پردہ کام جاری ہے۔اروند نے الزام لگایا کہ کانگریس اور بی آر ایس لیڈر ایک دوسرے کو بچا رہے ہیں۔ انہوں نے کہا کہ ریاست میں ان دونوں جماعتوں کے درمیان اتحاد کی بات چیت جاری ہے۔ انہوں نے تبصرہ کیا کہ کانگریس ہائی کمان سی ایم ریونت ریڈی سے ناخوش ہے اور بی آر ایس کے ساتھ اتحاد کے ذریعہ انہیں عہدے سے ہٹانے کا منصوبہ بنا رہی ہے۔
داڑھی بڑھاسکتےہیں لیکن سی ایم نہیں بن سکتے
اروند نے داڑھی بڑھانے پر بی آر ایس کے ورکنگ صدر کے ٹی آر پر بھی طنز کیا۔ انہوں نے طنز کیا کہ کے ٹی آر ایسا اس لیے کر رہے ہیں کہ کسی نے ان سے کہا کہ اگر وہ داڑھی رکھیں گے تو وہ وزیر اعلیٰ بن جائیں گے۔ انہوں نے یاد دلایا کہ ماضی میں کانگریس لیڈر اتم کمار ریڈی نے بھی داڑھی بڑھائی تھی اور ان کی داڑھی تو بڑھی لیکن کانگریس پارٹی اقتدار تک نہیں بڑھ سکی۔ انہوں نے کہا کہ ماضی میں کے سی آر نے نیا سکریٹریٹ بنایا کیونکہ کسی نے ان سے کہا کہ اگر وہ پرانے سکریٹریٹ میں گئے تو وہ ہار جائیں گے، لیکن وہ انتخابات نہیں جیت سکے۔ اروند نے کہا کہ کے ٹی آر داڑھی تو بڑھا سکتے ہیں لیکن وہ وزیراعلیٰ نہیں بنیں گے۔ بی آر ایس لیڈر کی توہم پرستی کو تنقید کا نشانہ بنایا۔
تلنگانہ میں اگلی حکومت بی جےپی کی
اروند نے تنقید کی کہ کالیشورم پروجیکٹ بی آر ایس کے دور حکومت میں بدعنوانی کا پلیٹ فارم بن گیا ہے۔ انہوں نے سوال کیا کہ لوگ بی آر ایس کو دوبارہ ووٹ کیوں دیں گے جب اس پر ماضی میں لاکھوں کروڑوں کی لوٹ مار کے الزامات کا سامنا کرنا پڑا تھا۔ انہوں نے سوشل میڈیا پر اپنی ادا شدہ مہمات پر فخر کرنے پر پارٹی کو تنقید کا نشانہ بنایا۔انہوں نے کہا کہ جلد ہی بی جے پی اخبارات، ٹی وی چینلز اور سوشل میڈیا پلیٹ فارم پر مزید جارحانہ انداز میں کام کرے گی۔ انہوں نے کہا کہ بی آر ایس کو ان کے سوالات کا جواب دینا ہوگا۔ انہوں نے تبصرہ کیا کہ اگلے انتخابات میں بی آر ایس ختم ہو جائے گی۔ انہوں نے کہا کہ کسی کو بھی کانگریس کو شکست دینے کی ضرورت نہیں ہے بلکہ پارٹی خود ہی ختم ہو جائے گی۔
