انڈین پریمیئر لیگ (آئی پی ایل) 2025 کے 34ویں میچ میں پنجاب کنگز (پی بی کے ایس) نے رائل چیلنجرز بنگلور (آر سی بی) کو 5 وکٹوں سے شکست دے دی۔اس میچ میں پنجاب کنگز الیون کے تیز گیند باز ارشدیپ سنگھ نے شاندار کارکردگی کا مظاہرہ کیا اور 3 اوورز میں 23 رنز دے کر 2 وکٹیں حاصل کیں۔اسکے ساتھ ہی وہ اب 'پی بی کے ایس 'کے لیے سب سے زیادہ وکٹیں لینے والے بولر بن گئے ہیں۔آئیے آئی پی ایل کی تاریخ میں پی بی کے ایس کے لیے سب سے زیادہ وکٹیں لینے والے بولرز پر ایک نظر ڈالتے ہیں۔
ارشدیپ سنگھ : 85 وکٹیں حاصل کیں
سال 2019 میں پی بی کے ایس کا حصہ بننے والے ارشدیپ اس فہرست میں سب سے اوپر ہیں۔ وہ اس ٹیم کے لیے اب تک 72 میچ کھیل چکے ہیں۔اس عرصے کے دوران انہوں نے 26.47 کی اوسط اور 8.98 کے اکانومی ریٹ سے 85 وکٹیں حاصل کیں۔ انہوں نے 3 بار 4 اور 1 بار 5 وکٹیں حاصل کیں۔ان کی بہترین کارکردگی 32 رنز کے عوض 5 وکٹیں حاصل کرنا شامل ہے۔اور وہ اس وقت پی بی کے ایس کے لیے سرکردہ بولر ہیں۔
پیوش چاولہ : 84 وکٹیں حاصل کیں
لیگ اسپنر پیوش چاولہ پی بی کے ایس کے لیے سب سے زیادہ وکٹیں لینے کے معاملے میں دوسرے نمبر پر ہیں ۔ وہ 2008 سے 2013 تک اس ٹیم کا حصہ تھے۔انہوں نے اس ٹیم کے لیے 87 میچ کھیلے اور 87 اننگز میں 26.63 کی اوسط سے 84 وکٹیں حاصل کیں۔ اس عرصے کے دوران اس کی اکانومی ریٹ 7.52 تھی۔اس دوران انہوں نے ایک بار 4 وکٹیں بھی حاصل کیں۔ ان کی بہترین کارکردگی میں 17 رنز کے عوض 4 وکٹیں حاصل کرنا شامل ہے۔
سندیپ شرما نے 73 وکٹیں حاصل کیں:
سندیپ شرما پنجاب کے لیے سب سے زیادہ وکٹیں لینے کے معاملے میں تیسرے نمبر پر ہیں۔ وہ پہلی بار سال 2013 میں اس ٹیم کا حصہ بنے اور آخری بار 2022 میں کھیلے۔وہ فی الحال راجستھان رائلز (RR) ٹیم کا حصہ ہیں ۔پیسر نے پی بی کے ایس کے لیے 61 میچ کھیلے اور 23.83 کی اوسط سے 73 وکٹیں حاصل کیں۔ ان کی بہترین کارکردگی دو بار 4وکٹوں کے ساتھ 4/20 وکٹیں تھیں۔
اکشر پٹیل نے 61 وکٹیں حاصل کیں:
اکشر پٹیل 2014 سے 2018 تک پنجاب کی ٹیم کا حصہ تھے۔ وہ اس فرنچائز کے لیے سب سے زیادہ وکٹیں لینے کے معاملے میں چوتھے نمبر پر ہیں۔انہوں نے اس ٹیم کے لیے 73 میچ کھیلے اور 27.36 کی اوسط سے 69 وکٹیں لینے میں کامیاب رہے۔اکشر پٹیل ایک بار 4 وکٹ لینے میں بھی کامیاب رہے۔ ان کی بہترین کارکردگی 4/21 وکٹیں تھیں۔ فی الحال، اکشر دہلی کیپٹلس (DC) ٹیم کے کپتان ہیں۔
