دہلی میں اقتدار کھونے کے بعد عام آدمی پارٹی نے ایک بڑا فیصلہ لیا ہے اور اب دہلی میونسپل کارپوریشن کے میئر کے انتخاب سے دستبردار ہو گئی ہے۔اپوزیشن لیڈر آتشی اور سوربھ بھردواج نے پیر کو ایک پریس کانفرنس میں کہا، ہم نے فیصلہ کیا ہے کہ اس بار ہم میئر کے انتخابات میں پارٹی کے امیدوار کو کھڑا نہیں کریں گے۔ بی جے پی کو اپنا میئر خود چننا چاہیے، بی جے پی کو اپنی اسٹینڈنگ کمیٹی بنانی چاہیے اور حکومت چلانی چاہیے۔
پارٹی نے یہ فیصلہ کیوں لیا؟
بھاردواج نے کہا کہ بی جے پی نے پہلے بھی میونسپل انتخابات کو روک دیا تھا اور حد بندی کے دوران وارڈوں میں کافی گڑبڑ کی تھی۔انہوں نے کہا کہ حد بندی کے دوران بدعنوانی ہوئی لیکن پھر بھی بی جے پی الیکشن ہار گئی، اب بی جے پی کے کونسلر کارپوریشن میٹنگوں میں ہنگامہ برپا کرتے ہیں۔بھاردواج نے کہا کہ اس کے پیش نظر پارٹی نے فیصلہ کیا ہے کہ وہ میئر کے انتخابات میں امیدوار نہیں کھڑا کرے گی۔ بی جے پی کی 3 انجن والی حکومت اسے چلائے اور دہلی کے لوگوں کو دکھائے۔
عآپ دہلی میونسپل کارپوریشن کے میئر کے انتخابات میں اپنا امیدوار کھڑا نہیں کرے گی۔
MCD मेयर चुनाव में AAP इस बार नहीं उतारेगी अपना उम्मीदवार‼️
— Saurabh Bharadwaj (@Saurabh_MLAgk) April 21, 2025
👉 BJP ने पहले भी MCD का चुनाव रुकवा दिया था। परिसीमन के दौरान वार्डों को इधर-उधर किया गया
👉 परिसीमन के दौरान जबरदस्त गड़बड़ी और भ्रष्टाचार किया गया। इसके बावजूद BJP चुनाव हारी और AAP की सरकार बनी
👉 इसके बाद भी… pic.twitter.com/sNPfJXKrVR
بی جے پی نے اپنے امیدوار کھڑے کئے:
اگرچہ AAP نے میئر کے انتخابات سے دستبرداری اختیار کر لی ہے، دہلی بی جے پی کے صدر وریندر سچدیوا نے امیدواروں کے ناموں کا اعلان کر دیا ہے۔ میئر کے لیے سردار راجہ اقبال سنگھ اور ڈپٹی میئر کے لیے جئے بھگوان یادو امیدوار ہیں۔ تاہم اب وہ بلا مقابلہ جیت جائیں گے۔
سوربھ بھردواج نے بی جے پی کو بنایانشانہ :
بی جے پی کو نشانہ بناتے ہوئے سوربھ بھردواج نے کہا کہ ایم سی ڈی میں عام آدمی پارٹی کو 134 سیٹیں ملی ہیں اور بی جے پی کو 104 سیٹیں ملی ہیں۔ اس دوران بی جے پی بے نقاب ہوگئی۔ بی جے پی عام آدمی پارٹی کے کونسلروں کو ڈرا کر لالچ دینے کی کوشش کر رہی ہے۔ عآپ میئر کے انتخابات میں اپنا امیدوار کھڑا نہیں کرے گی۔ بی جے پی اپنا میئر بنائے، ٹرپل انجن والی حکومت بنائے اور دہلی کو دکھائے۔
