جمعرات، 10 اپریل کو سونے کی قیمت میں اضافہ ہوا ہے۔ پانچ دن کی کمی کے بعد، اس میں پچھلے دو دنوں سے مسلسل اضافہ دیکھا گیا ہے۔ بدھ کے مقابلے سونا صرف 10 روپے مہنگا ہوا اور بیشتر حصوں میں یہ 90,400 روپے سے اوپر کی قیمت پر فروخت ہو رہا ہے۔ جبکہ چاندی 92,900 روپے فی کلو کے حساب سے فروخت ہو رہی ہے جو گزشتہ روز کے مقابلے قیمت میں 100 روپے کی کمی ہے۔
دہلی میں 22 کیرٹ سونے کی نئی قیمت 83،060 روپے، چنئی میں 82،910 روپے، ممبئی میں 82،910 روپے، کولکتہ میں 83،060 روپے اور بنگلورو میں 82،910 روپے فی 10 گرام ہے۔ وہیں جمعرات کو 24 کیرٹ سونے کی نئی قیمت دہلی میں 90,600 روپے، چنئی میں 90,450 روپے، ممبئی میں 90,450 روپے، کولکتہ میں 90,450 روپے اور بنگلور میں 90,450 روپے فی 10 گرام ہے۔
صدر ڈونلڈ ٹرمپ کی جانب سے عائد کردہ ٹیرف اور امریکا اور چین کے درمیان بڑھتی ہوئی تجارتی کشیدگی کے باعث سونے کی قیمت گزشتہ چند روز سے مسلسل گر رہی ہے۔ تاہم بین الاقوامی مارکیٹ میں ایک بار پھر سونے کی قیمت میں مسلسل اضافہ دیکھا جا رہا ہے۔ اس کا براہ راست اثر ہندوستانی بازاروں پر بھی نظر آرہا ہے۔بین الاقوامی مارکیٹ میں سونا 3163 ڈالر فی 10 گرام سے گر کر 3100 ڈالر فی گرام پر آگیا۔ ہندوستان میں سونے کی روزانہ بدلتی قیمت کا بڑا عنصر ٹیکس، درآمدی ڈیوٹی، عالمی شرح اور دیگر چیزوں پر منحصر ہے۔
ایک دن پہلے بدھ کو ملٹی کموڈٹی ایکسچینج میں سونے کی قیمت نمایاں اضافے کے ساتھ کھلی اور 87,998 روپے فی 10 گرام تک پہنچ گئی۔ عالمی مارکیٹوں میں بدھ کو سونے کی قیمتوں میں نمایاں اضافہ ریکارڈ کیا گیا۔ کامیکس پر سونے کی قیمتوں میں اضافہ ہوا اور تقریباً 3,021 ڈالر فی اونس پر کاروں بار ہوئی۔
