پہلگام حملے کے بعد بھارتی فوج نے سرچ آپریشن تیز کر دیا ہے۔ این آئی اے نے بھی جموں و کشمیر پولیس کے ساتھ مل کر حملے کی تحقیقات شروع کر دی ہے۔ پہلگام حملے میں دہشت گرد آصف شیخ کا نام بھی سامنے آیا تھا۔ پولیس سرچ آپریشن کے لیے آصف کے گھر گئی تھی۔ اس دوران اس کا گھر ایک دھماکے سے اڑ گیا۔ پولیس کا کہنا ہے کہ اس کے گھر میں بھی مشکوک اشیاء موجود تھیں۔
پہلگام حملے کے بعد بھارتی فوج ایکشن میں ہے۔ پولیس بھی اس کا ساتھ دے رہی ہے۔ پولیس ترال میں آصف شیخ کے گھر سرچ آپریشن کے لیے گئی تھی۔ اس دوران مشکوک اشیاء دیکھ کر خطرے کا احساس ہوا۔ یہ دیکھ کر سیکورٹی فورس کے اہلکار فوراً پیچھے ہٹ گئے اور پھر زور دار دھماکہ ہوا۔ اس میں مکان کو شدید نقصان پہنچا۔ پولیس کا کہنا ہے کہ گھر میں دھماکہ خیز مواد موجود تھا۔ یہی وجہ ہے کہ دھماکہ ہوا۔
پاکستان کی ایل او سی کے قریب فائرنگ
پاکستان اپنی سرگرمیوں سے باز نہیں آرہا ہے۔ اس نے ایل او سی کے کچھ حصوں میں فائرنگ کی۔ بھارتی فوج نے بھی جوابی کروائی کی۔ تاہم کسی نقصان کی کوئی خبر نہیں ہے۔ پہلگام میں دہشت گردانہ حملے کے بعد سرحد پر کشیدہ صورتحال پیدا ہوگئی ہے۔ بھارتی فوج بھی ہائی الرٹ ہے۔
بھارتی آرمی چیف سری نگر ادھم پورکا کریں گے دورہ
سرحد پر کشیدگی کے درمیان بھارتی آرمی چیف اوپیندر دویدی سری نگر اور ادھم پور کا دورہ کریں گے۔جنرل اوپیندر دویدی سیکورٹی ایجنسیوں کے عہدیداروں سے ملاقات کریں گے اور صورتحال کا جائزہ لیں گے۔ پہلگام دہشت گردانہ حملے کے بعد مرکزی وزیر داخلہ امت شاہ بھی پہلگام پہنچ گئے۔ اس کے بعد وزیر اعظم نریندر مودی کے ساتھ سی سی ایس کی میٹنگ ہوئی۔ جس میں اہم فیصلے کئے گئے۔
