دہلی میونسپل کارپوریشن انتخابات کے لیے بی جے پی نے میئر کے عہدے کے لیے راجہ اقبال سنگھ اور ڈپٹی میئر کے عہدے کے لیے جے بھگوان یادو کو نامزد کیا ہے ۔اس کے ساتھ ہی یہ بات تقریباً طے ہے کہ اقبال سنگھ دہلی کے نئے میئر بنیں گے، کیونکہ عام آدمی پارٹی (اے اے پی) نے الیکشن لڑنے سے انکار کر دیا ہے اور بی جے پی کے پاس بھی اکثریت حاصل کرنے کے لیے کافی ووٹ ہیں۔
اقبال سنگھ کون ہیں؟
اقبال سنگھ شمالی دہلی کے میئر رہ چکے ہیں اور دوسری بار میونسپل کونسلر منتخب ہوئے ہیں۔ وہ اس سے قبل 2017 سے 2018 تک سول لائنز زون کے صدر رہ چکے ہیں۔اور جون 2023 سے اپوزیشن لیڈر کے طور پر خدمات انجام دے رہے ہیں، تب قریب 15سال بعد بی جے پی کے کسی لیڈر کو یہ عہدہ ملا تھا۔فی الحال وہ مکھرجی نگر سے کونسلر ہیں۔ ان کے سسر جہانگیرپوری سے تین بار کونسلر رہ چکے ہیں۔
اقبال سنگھ اکالی دل میں رہ چکے ہیں:
اقبال سنگھ نے 1992 میں دہلی یونیورسٹی کے سری گرو تیغ بہادر خالصہ کالج سے بی ایس سی کی ڈگری حاصل کی۔ اس کے بعد انہوں نے چوہدری چرن سنگھ یونیورسٹی، میرٹھ سے ایل ایل بی کی تعلیم حاصل کی۔اقبال سنگھ سیاست میں آنے سے پہلے امریکہ میں کام کرتے تھے ۔اور ان کا خاندان ایک عرصے سے اکالی دل سے وابستہ تھا ۔ تاہم، اکالی دل نے فارم قوانین پر بی جے پی سے تعلقات توڑنے کے بعد اقبال بی جے پی میں شمولیت اختیار کی۔
اقبال میئر بننے کے لیے تیار ہیں:
ایم سی ڈی کے پاس فی الحال 238 ممبران ہیں اور اکثریتی تعداد 132 ہے۔ فی الحال بی جے پی کے پاس 117، عآپ کے 113 اور کانگریس کے پاس 8 کونسلر ہیں۔7 لوک سبھا ممبران پارلیمنٹ اور گورنر کے ذریعہ نامزد کردہ 14 میں سے 11 ایم ایل ایز کے ساتھ، بی جے پی کی طاقت 135 تک پہنچ گئی ہے، جو اکثریت کے اعداد و شمار سے 3 زیادہ ہے۔AAP اپنے نامزد ایم ایل ایز، 3 راجیہ سبھا ممبران پارلیمنٹ اور کانگریس کے ووٹوں کو شامل کرنے کے بعد بھی اکثریت سے دور ہے۔
AAP نے الیکشن سے خود کو کیوں دور کیا؟
AAP لیڈر سوربھ بھاردواج اور سابق وزیر اعلیٰ آتشی نے کہا، "AAP اس بار MCD میئر کے الیکشن میں اپنا امیدوار کھڑا نہیں کرے گی۔ بی جے پی نے MCD الیکشن پہلے بھی روک دیا تھا۔ حد بندی کے دوران وارڈوں کو ادھر ادھر منتقل کر دیا گیا تھا۔ حد بندی کے دوران بہت زیادہ دھاندلی اور بدعنوانی ہوئی تھی۔ اس کے باوجود بی جے پی الیکشن ہار گئی اور عآپ کی جیت ہوئی ۔تاہم عآپ ایم سی ڈی میں بھی مضبوط اپوزیشن کا کردار ادا کرے گی۔ہم خرید و فروخت کی سیاست نہیں کرتے۔
گزشتہ انتخابات کے نتائج کیا تھے؟
ایم سی ڈی میئر کا آخری انتخاب نومبر 2024 میں ہوا تھا۔ تب عآپ کے مہیش کھنچی نے بی جے پی کے کشن لال کو صرف 3 ووٹوں سے شکست دے کر الیکشن جیتا تھا۔الیکشن میں 263 ووٹ ڈالے گئے جن میں سے کھنچی کو 133 اور کشن لال کو 130 ووٹ ملے اور 2 ووٹ کالعدم قرار پائے۔ کانگریس کونسلروں نے انتخابات کا بائیکاٹ کیا تھا۔ایم سی ڈی میں بی جے پی پچھلے 3 سالوں سے اپوزیشن میں ہے۔
