اتر پردیش کے اعظم گڑھ میں ایک حیران کن معاملہ سامنے آیا ہے، جس نے یوپی پولیس کو ایک بار پھر شرمندہ کر دیا ہے۔ دیپک چودھری، جو دیوگاؤں تھانہ علاقے میں تعینات تھے، کو گانجا فروخت کرتے ہوئے رنگے ہاتھوں گرفتار کیا گیا ہے۔ یہ گرفتاری اس وقت وقت ہوئی ،جب لال گنج چوکی انچارج چیکنگ کر رہے تھے،اسی دوران انہیں اطلاع ملی کہ ایک شخص لوگوں کو منشیات بیچ رہا ہے۔ پولیس موقع پر پہنچ کر اسے گرفتار کر لیا۔تحقیقات میں معلوم ہوا کہ یہ کوئی عام شخص نہیں بلکہ تھانے کا ہیڈ کانسٹیبل ہے۔جسکے بعد انہیں جیل بھیج دیا گیا ۔ اس واقعہ نے ایک بار پھر محکمہ پولیس پر سوال کھڑے کر دیے ہیں۔
کیا ہے پورامعاملہ؟
پولیس کی معلومات کے مطابق چوکی انچارج گزشتہ رات اپنی ٹیم کے ہمراہ نائٹ گشت پر تھے کہ انہیں ایک مخبر سے اطلاع ملی کہ ایک شخص پکڑی خورد روڈ پر ہائی وے موڑ کے قریب راہگیروں کو چرس،گانجا فروخت کر رہا ہے۔ پولیس نے فوری کاروائی کرتے ہوئے ملزم کو گرفتار کر لیا۔ پوچھ تاچھ کے دوران گرفتار شخص نے اپنی شناخت دیپک چودھری کے طور پر کرائی جو کہ اشوک نگر کالونی ، دانیال پور نکی گھاٹ، سارناتھ تھانہ وارانسی ضلع کا رہنے والا ہے۔ اس نے اتر پردیش پولیس میں ہیڈ کانسٹیبل کے طور پر پوسٹل ایڈوکیٹ کے طور پر تعینات ہونے کا اعتراف کیا۔
اس معاملے میں سی او لال گنج کی موجودگی میں این ڈی پی ایس ایکٹ کی دفعات کے تحت تلاشی لی گئی۔ ملزمان سے چار وائٹ پیپر پیکٹوں میں 38 گرام غیر قانونی گانجا برآمد کی گئی ۔ پولیس نے ملزم کے خلاف این ڈی پی ایس ایکٹ کی متعلقہ دفعات کے تحت مقدمہ درج کرکے اسے جیل بھیج دیا ہے۔
ایس ایس پی کا سخت کاروائی کا دعویٰ:
ایس ایس پی ڈاکٹر انیل نے بتایا کہ ملزم ہیڈ کانسٹیبل کو گرفتار کرکے جیل بھیج دیا گیا ہے۔ پولیس کے ضابطوں کے مطابق سخت قانونی کاروائی کی جائے گی۔ گانجااسمگلنگ کے الزام میں ہیڈ کانسٹیبل کی گرفتاری نے محکمہ پولیس پر ایک بار پھر سوالات کھڑے کردیئے ہیں۔ لوگ بحث کر رہے ہیں کہ جب پولیس اس طرح کام کرے گی تو جرائم کیسے رکیں گے۔
