چھتیس گڑھ کے دنتے واڑہ میں ایک ساتھ 37 نکسلیوں نے ہتھیار ڈال دیے ہیں۔ اس میں 27 نکسلائٹس ایسے ہیں جن پر 65 لاکھ روپے کا انعام تھا۔ ان میں بارہ خواتین نکسلیوں نے بھی خودسپردگی کی۔ نکسلیوں نے دنتے واڑہ میں ڈی آر جی آفس میں سینئر پولیس افسران کی موجودگی میں خودسپردگی کی۔ مرکزی دھارے میں واپس آنے پر، ان تمام نکسلائٹس کو حکومت کی بازآبادکاری پالیسی کے تحت 50,000 روپے کی فوری امداد دی گئی۔
خیال رہے کہ حکومت نے تمام ہتھیار ڈالنے والے ماؤنوازوں کو فوری طور پر 50,000 روپے کی ترغیب فراہم کی ہے۔ مزید برآں، انہیں بحالی کی پالیسی کے تحت ملازمتیں، تربیت، اور محفوظ رہائش جیسے فوائد فراہم کیے جائیں گے۔ پولیس کا کہنا ہے کہ یہ اقدام دیگر فعال ماؤ نوازوں کے لیے ایک مثال قائم کرے گا۔
پولیس نے کہا، ہماری کوششوں اور مقامی لوگوں کی حمایت رنگ لے آئی ہے۔
دنتے واڑہ کے پولیس سپرنٹنڈنٹ گورو رائے نے کہا، ہماری مسلسل کوششوں اور مقامی لوگوں کی حمایت کا نتیجہ نکلا ہے۔ ہتھیار ڈالنے والے نکسلائیٹ کہہ رہے ہیں کہ ان کے لیے جنگل میں رہنا مشکل ہو گیا تھا۔ پولیس ہر جگہ پہنچ رہی ہے، اور گاؤں والے بھی اب ان کا ساتھ نہیں دے رہے ہیں۔واضح رہے کہ گزشتہ 23 مہینوں میں 2200 سے زیادہ نکسلائیٹس نے خودسپردگی کی ہے۔
23 مہینوں میں 2200 سے زیادہ نکسلیوں نے خودسپردگی کی:
رپورٹس کے مطابق چھتیس گڑھ میں گزشتہ 23 مہینوں میں 2200 سے زیادہ نکسلائیٹس بشمول کئی سرکردہ لیڈروں نے ہتھیار ڈال دیے ہیں۔ یہ اعداد و شمار بتاتے ہیں کہ ریاست میں نکسل ازم کمزور ہو رہا ہے اور پولیس اور انتظامیہ کی حکمت عملی تیزی سے کامیاب ثابت ہو رہی ہے۔اسکے علاوہ نکسلی اب جنگلوں سے باہر آکر گاؤں اور شہروں میں عام زندکی گزارنے کی خوہش رکھ رہے ہیں۔جسکے تحت وہ مسلسل ہتھیار ڈال کر جنگلوں سے باہر آ رہے ہیں۔اور خود سپردگی کر رہے ہیں۔
کن نکسلیوں نے ہتھیار ڈالے؟
ہتھیار ڈالنے والے نکسلیوں میں کمالی عرف انیتا مانڈاوی، گیتا عرف لکشمی مڈکم، رنجن عرف سوما مانڈاوی، اور بھیما عرف جھاز کلمو شامل ہیں۔ حکام نے بتایا کہ ان سب پر 8 لاکھ روپے کا انعام تھا۔ کمپنی نمبر 2 کا رکن بھیما عرف جہاز 2020 منپا حملے میں ملوث تھا، جس میں 26 فوجی ہلاک ہوئے تھے۔ان میں کماری مونی کرما، لکشمی اتمی، کرشنا پدمی، منگلی ہیمالا، دشرو دودی، نندو منڈاوی اور وجا مِچھا جیسے نام بھی شامل ہیں۔
