پاکستان کے ساتھ جاری کشیدگی کے درمیان شہری دفاع کی تیاریوں کو جانچنے کے لیے جمعہ کی سہ پہر قومی دارالحکومت میں فضائی حملے کے سائرن کا تجربہ کیا گیا ۔اس دوران تمام محکموں کے افسران اور ملازمین کے ساتھ رضاکار بھی موجود تھے۔اس کے ساتھ ہی دہلی کے تمام اہم اداروں کی سیکورٹی میں بھی اضافہ کر دیا گیا ہے اور تمام عوامی مقامات پر تلاشی کی سخت کارروائیاں کی جا رہی ہیں۔
ٹیسٹ سہ پہر 3 بجے کیا گیا۔
دہلی میں آئی ٹی او میں واقع کثیر المنزلہ PWD عمارت پر نصب ہوائی حملہ سائرن کا سہ پہر 3 بجے تجربہ کیا گیا۔ ٹیسٹ دوپہر میں 15-20 منٹ تک جاری رہا۔ اس دوران لوگوں سے امن برقرار رکھنے اور نہ گھبرانے کی اپیل بھی کی گئی۔اس موقع پر دہلی کے عوامی تعمیرات کے وزیر پرویش ورما بھی موجود تھے۔ انہوں نے کہا کہ سول ڈیفنس کی تیاریوں کو جانچنا بہت ضروری ہے۔ جسکے تحت یہ مشق کی گئی ہے۔
ان مقامات پر سیکورٹی سخت کر دی گئی ہے۔
ایک سینئر پولیس افسر نے کہا کہ اضافی پولیس فورس بشمول نیم فوجی دستے، تمام اہم تنصیبات کی حفاظت کے لیے تعینات کیے جا رہے ہیں، جن میں سرکاری عمارتوں، سیوریج ٹریٹمنٹ پلانٹس، واٹر ٹریٹمنٹ پلانٹس، عدالتوں اور غیر ملکی سفارت خانوں شامل ہیں۔پولیس نے بازاروں، ریلوے سٹیشنوں، مالز، پارکوں اور میٹرو سٹیشنوں سمیت پر ہجوم والے علاقوں میں بھی نگرانی بڑھا دی ہے۔لوگوں سے کہا گیا ہے کہ وہ کسی بھی مشکوک چیز کو ہاتھ نہ لگائیں اور کسی بھی شبہ پر پولیس کو اطلاع دیں۔
