دہلی کی راؤس ایونیو کورٹ نے 1984 کے سکھ فسادات کیس میں مجرم قرار دیے گئے کانگریس کے سابق رہنما سجن کمار کی سزا پر فیصلہ محفوظ کر لیا ہے۔ متاثرہ فریق نے سجن کمار کو سزائے موت دینے کا مطالبہ کیا ہے۔ تمام فریقین کے دلائل سننے کے بعد خصوصی جج کاویری باویجا نے 25 فروری کو فیصلہ سنانے کا حکم دیا ہے۔یاد رہے کہ سجن کمار کو 1984 کے سکھ مخالف فسادات کے دوران سرسوتی وہار علاقے میں جسونت سنگھ اور تروندیپ سنگھ کے قتل کے معاملے میں قصوروار ٹھہرایا گیا ہے۔
12 فروری کو عدالت نے سجن کمار کو مجرم قرار دیا
راؤس ایونیو کورٹ کی خصوصی جج کاویری باویجا نے سجن کمار کی سزا پر دلائل سننے کے لیے 21 فروری کی تاریخ کو درج کیا تھا۔تا ہم آج جمعہ کو متاثرہ فریق کی جانب سے وکیل نے سجن کمار کی سزا پر بحث پر عدالت میں تحریری دلائل پیش کیے۔آپ کو بتا دیں کہ 12 فروری کو عدالت نے سجن کمار کو مجرم قرار دیا تھا۔ یہ مقدمہ یکم نومبر 1984 کا ہے، جس میں سردار جسونت سنگھ اور سردار تروندیپ سنگھ کو مغربی دہلی کے راج نگر میں قتل کر دیا گیا تھا۔ شام تقریباً 4.30 بجے راج نگر علاقے میں فسادیوں کے ایک ہجوم نے لوہے اور لاٹھیوں سے متاثرین کے گھر پر حملہ کیا۔ شکایت کنندگان کے مطابق، ہجوم کی قیادت سجن کمار کر رہے تھے، جو اس وقت بیرونی دہلی لوک سبھا سیٹ سے کانگریس کے رکن پارلیمنٹ تھے۔
شکایت کے مطابق سجن کمار نے ہجوم کو حملہ کرنے پر اکسایا جس کے بعد ہجوم نے سردار جسونت سنگھ اور سردار ترون دیپ سنگھ کو زندہ جلا دیا۔ ہجوم نے متاثرین کے گھروں میں توڑ پھوڑ، لوٹ مار اور آگ لگا دی۔ اس وقت کے رنگناتھ مشرا کی سربراہی میں انکوائری کمیشن کے سامنے شکایت کنندہ کی طرف سے دیے گئے حلف نامہ کی بنیاد پر، شمالی ضلع کے سرسوتی وہار پولیس اسٹیشن میں ایف آئی آر درج کی گئی تھی۔ ایف آئی آر میں تعزیرات ہند کی مختلف دفعات کے تحت الزامات شامل تھے۔
15438078-3f11-488a-8409-7a904bbbd5d02022025144226.jpg)
07ecd51e-595b-4652-801c-6e793214fe59202202514629.jpg)
3f091d02-60f3-49ed-a495-ba7819da5bfb2022025122255.jpg)
cf4290c1-c451-48e6-a88e-cfff42447c102022025112056.jpg)
