تلنگانہ کے ضلع یادادری بھواناگیری میں ایک فارماسیوٹیکل یونٹ میں ایک ری ایکٹر دھماکے سے آگ لگنے کے بعد دو افراد ہلاک اور کئی دیگر شدید زخمی ہوگئے، حکام نے ہفتہ کو بتایا۔پولیس کے مطابق یہ واقعہ جمعہ کی رات دیر گئے اس وقت پیش آیا جب کارکن شفٹیں بدل رہے تھے۔پولس کے مطابق فارما کمپنی پوچم پلی منڈل علاقے میں واقع ہے۔
ایک اہلکار نے بتایا کہ "پوچم پلی منڈل میں دوتھی گوڑیم کے قریب فارما یونٹ ہیزیلو لیب پرائیویٹ لمیٹڈ میں جمعہ کی رات دیر گئے ایک المناک صنعتی حادثہ پیش آیا۔ ایک ری ایکٹر میں دھماکے کے نتیجے میں دو ملازمین کی موت ہو گئی اور کئی دیگر زخمی ہو گئے،"۔
حکام نے بتایا کہ اطلاع ملنے پر پولیس اور فائر ڈپارٹمنٹ کے ساتھ ریسکیو اور ریلیف حکام موقع پر پہنچ گئے۔انہوں نے مزید کہا کہ کارکنوں کو بچا لیا گیا اور زخمیوں کو علاج کے لیے قریبی اسپتالوں میں داخل کرایا گیا۔ دو کو طبی حکام نے مردہ قرار دے دیا۔
دھماکے سے لگنے والی آگ پر فائر بریگیڈ کے عملے نے قابو پالیا۔پولیس کا کہنا ہے کہ مقدمہ درج کر لیا گیا ہے اور واقعے کی تحقیقات جاری ہیں۔پولیس نے کہا کہ دھماکے کی وجہ معلوم نہیں ہے، اور حکام اس بات کا تعین کرنے کے لیے تحقیقات کر رہے ہیں کہ اس سانحہ کی وجہ کیا ہو سکتی ہے۔مزید تفصیلات کا انتظار ہے۔
ایک الگ واقعہ میں جھارکھنڈ کے رام گڑھ ضلع میں ایک فیکٹری میں دھماکہ ہوا جس میں تین انجینئر ہلاک اور ایک زخمی ہوگیا۔حکام نے بتایا کہ یہ دھماکہ جمعہ کی دیر رات رام گڑھ ضلع کے پتراتو بلاک کے تحت ہیہل میں واقع ایک سپنج آئرن فیکٹری ما چھنمستیکا سیمنٹ اور اسپات پرائیویٹ لمیٹڈ میں ہوا۔حکام کے مطابق آگ فیکٹری کے پاور پلانٹ سائٹ پر پروڈکشن کے کام کے دوران لگی۔ جس سے رات کی شفٹ میں مزدوروں میں خوف و ہراس پھیل گیا۔
اطلاع ملتے ہی پولیس اور فائر بریگیڈ نے جائے وقوعہ پر پہنچ کر مزدوروں کو بچا لیا۔ تاہم تین انجینئرز اور مزدور فیکٹری کے اندر پھنس گئے۔زخمیوں کو قریبی اسپتال منتقل کر دیا گیا ہے۔فیکٹری انتظامیہ کا کہنا ہے کہ دھماکے کی وجہ پلانٹ میں زیادہ گرم ہونا ہے۔تفتیش جاری ہے، مزید تفصیلات کا انتظار ہے۔
