کرناٹک کے بنگلورو میں جمعرات کو ایک پتھر کی کان میں ایک بڑی چٹان گرنے سے بہار کے کم از کم آٹھ مزدور ہلاک ہو گئے۔ پولیس کے مطابق یہ حادثہ بنگلورو ساؤتھ تعلقہ کے مڈاپٹنا (Madapattana) میں صبح سویرے اس وقت پیش آیا جب کاویری کمپنی کے ملازمین ایک چٹان پر کام کر رہے تھے۔پولیس کے مطابق، متاثرین، تمام یومیہ اجرت پر کام کرنے والے ایک پتھر کولہو کے مقام پر کام کرتے تھے، گرے ہوئے پتھر کے نیچے پھنس گئے اور موقع پر ہی ہلاک ہوگئے۔ کرناٹک کےوزیراعلیٰ اعلیٰ ڈی کےشیو کمار نے حادثہ پر افسوس کا اظہار کیا ہے۔
حادثہ کیسے ہوا؟
پولیس نے بتایا کہ مقام حادثہ پر کھدائی کے کام کے دوران پیش آیا۔ ابتدائی تحقیقات کے مطابق کان میں کام جاری تھا کہ ایک بڑی چٹان کام کرنے والے مزدوروں پر گری۔حکام کے مطابق، حادثے کے وقت کان میں 15 سے 20 مزدور کام کر رہے تھے۔ ابتدائی تحقیقات سے معلوم ہوا ہے کہ ہٹاچی مشین نئے کولہو (کرشر) یونٹ کے لیے راستہ صاف کر رہی تھی۔ اسی دوران تقریباً 100 فٹ اوپر سے ایک بڑا پتھر اچانک ٹوٹ کر نیچے گر گیا، جس کی زد میں آ کر کئی مزدور دب گئے۔
پولیس کا کہنا ہے کہ ابتدائی طور پر شبہ ہے کہ ہٹاچی مشین کے آپریٹر کو یہ معلوم نہیں تھا کہ نیچے مزدور کام کر رہے ہیں، جس کی وجہ سے یہ افسوسناک حادثہ پیش آیا۔
کئی مزدور زخمی ہو گئے۔ زخمیوں کو علاج کے لیے نجی اسپتال منتقل کردیا گیا۔ زخمیوں کی صحیح تعداد کی تصدیق کی جا رہی ہے، حالانکہ ابتدائی رپورٹوں میں بتایا گیا ہے کہ متعدد مزدور زخمی ہوئے ہیں۔ پتھر گرنے کے بعد ریسکیو اہلکار اور پولیس موقع پر پہنچ گئے اورریسکیوآپریشن شروع کر دیا۔
علاقے کو گھیرے میں لے لیا گیا۔ ملبہ ہٹایا جا رہا ہے۔ تاکہ ریکسیو میں آسانی ہو۔ پولیس نے بتایا کہ مرنے والے سبھی بہار کے رہنے والے تھے اور ان کے اہل خانہ کو مطلع کرنے کی کوششیں جاری ہیں۔ پولیس چٹان کے گرنے کی وجہ کا پتہ لگانے کے لیے تفتیش شروع کر دی ہے۔
سی ایم شیوکمار نے افسوس کا اظہار کیا
کرناٹک کے وزیر اعلیٰ ڈی کے شیوکمار نے بنگلورو جنوبی تعلقہ مڈاپٹنا میں کولہو کی دیوار گرنے سے سات مزدوروں کی موت پر غم کا اظہار کرتے ہوئے اس واقعہ کو انتہائی افسوسناک قرار دیا۔ سی ایم نے کہاکہ بنگلور جنوبی تعلقہ کے مڈاپٹنا میں کولہو کی دیوار گرنے سے 8 مزدوروں کی موت ہوئی ہے، جس سے بہت زیادہ دکھ ہوا ہے۔ میں دعا کرتا ہوں کہ مرحوم کی روح کو ابدی سکون ملے، ان کے خاندانوں کو یہ غم برداشت کرنے کی طاقت ملے، اور زخمیوں کو جلد صحت یاب کیا جائے۔
ایکس پر ایک پوسٹ میں، وزیر اعلیٰ نے اس بات پر زور دیا کہ کان کْنی میں مصروف کارکنوں کی حفاظت کو یقینی بنانا کان کے مالکان کی ذمہ داری ہے، اور کہا کہ حکومت حفاظتی ضوابط کے خلاف ورزی کرنے والی کانوں کے خلاف مناسب کاروائی کرے گی۔ انہوں نے مزید کہا، "یہ کان کے مالکان کا فرض ہے کہ وہ کان کے کاموں میں مصروف مزدوروں کی زندگی کی حفاظت کو یقینی بنائیں۔ حکومت ضابطوں کے خلاف ورزی کرنے والی کانوں کے خلاف مناسب کاروائی کرے گی۔
مرکزی وزیر کا اظہارافسوس
مرکزی وزیر کمارا سوامی نے گہرے افسوس کا اظہار کیا۔ کمارا سوامی نے کرناٹک حکومت سے مطالبہ کیاکہ چٹان گرنے سے ہلاک ہونے ولے آٹھ مزدوروں کے افراد خاندان کی ہرممکن مدد یو یقینی بنایاجائے۔ کماراسوامی نے کہاکہ مرنے والوں میں زیادہ تر کا تعلق بہار سے ہے۔ کمارا سوامی نے ڈی کے شیوکمار کی حکومت سے مطالبہ کی اکہ متاثرین کے خاندان کو ہر طرح کی امداد فراہم کی جائے اور کان مالکان کے خلاف سخت کاروائی کی جائے۔
وزیر داخلہ نے کہا افسوسناک واقعہ
کرناٹک کے وزیر داخلہ پریانک کھرگے نے بنگلورو میں پتھر کی کان میں پتھر گرنے کے حادثہ پر افسوس کا اظہار کیا۔ میڈیا سے بات کرتے ہوئے پریانک کھرگے نے کہاکہ پہلی نظر میں یہ لاپرواہی کا معاملہ معلوم ہوتاہے۔ انہوں نے کہاکہ یہ افسوسناک واقعہ ہے حکومت تمام متاثرین کی ہرممکن مدد کو یقینی بنائے گی۔ پریانک کھرگے نے کہاکہ کانوں اور محکمہ داخلہ اس کی تحقیقات کر رہے ہیں۔
مرکزی وزیر کا اظہارافسوس
مرکزی وزیر کمارا سوامی نے گہرے افسوس کا اظہار کیا۔ کمارا سوامی نے کرناٹک حکومت سے مطالبہ کیاکہ چٹان گرنے سے ہلاک ہونے ولے آٹھ مزدوروں کے افراد خاندان کی ہرممکن مدد یو یقینی بنایاجائے۔ کماراسوامی نے کہاکہ مرنے والوں میں زیادہ تر کا تعلق بہار سے ہے۔ کمارا سوامی نے ڈی کے شیوکمار کی حکومت سے مطالبہ کی اکہ متاثرین کے خاندان کو ہر طرح کی امداد فراہم کی جائے اور کان مالکان کے خلاف سخت کاروائی کی جائے۔
وزیر داخلہ نے کہا افسوسناک واقعہ
کرناٹک کے وزیر داخلہ پریانک کھرگے نے بنگلورو میں پتھر کی کان میں پتھر گرنے کے حادثہ پر افسوس کا اظہار کیا۔ میڈیا سے بات کرتے ہوئے پریانک کھرگے نے کہاکہ پہلی نظر میں یہ لاپرواہی کا معاملہ معلوم ہوتاہے۔ انہوں نے کہاکہ یہ افسوسناک واقعہ ہے حکومت تمام متاثرین کی ہرممکن مدد کو یقینی بنائے گی۔ پریانک کھرگے نے کہاکہ کانوں اور محکمہ داخلہ اس کی تحقیقات کر رہے ہیں۔
