آندھرا پر دیش کے وزیراعلی چندرا بابو نا ئیڈو کی صدارت میں کابینہ کا اجلاس منعقد ہوا۔ اجلاس میں کابینہ میں کئی ایک اہم فیصلوں کو منطوری دی۔ آندھرا پردیش کی حکومت دنیا بھر میں جغرافیائی اور سیاسی تناؤ اور معاشی بحرانوں کے پیش نظر الرٹ ہو گئی ہے۔ "میرا ملک - میری ذمہ داری" کے نعرے کے ساتھ اس نے ریاست بھر میں بڑے پیمانے پر کفایت شعاری کے اقدامات شروع کیے ہیں۔ حکومت نے ورک فرم ہوم کا بھی اعلان کیا ہے۔
کفایت شعاری اور بچت پر زور
وزیر کولسو پارتھا سارتھی نے انکشاف کیا کہ وزیر اعلیٰ کی زیر صدارت کابینہ کی میٹنگ میں اس سلسلے میں اہم فیصلے لیے گئے۔ اجلاس کے بعد میڈیا سے بات کرتے ہوئے انہوں نے واضح کیا کہ یہ احتیاطی اقدامات اس بات کو یقینی بنانے کی نیت سے اٹھائے جارہے ہیں کہ معاشرہ آنے والے مشکل حالات کا مقابلہ کرنے کے لیے تیار ہے۔
وزیر اعظم نریندر مودی نے لوگوں سے ایندھن کی بچت کرنے کی اپیل کی تھی ۔ اس موقع پر ایندھن کی بچت پر بھی تبادلہ خیال کیا گیا ۔ کابینہ نے فیصلہ کیا کہ تمام وزراء چند سالوں کے لیے غیر ملکی دورے منسوخ کر دیں۔
جمعہ کو 'نو وہیکل ڈے'
کا بینہ کے اجلاس کے بعد ریاستی وزیر پا رتھا سارتھی نے میڈیا سے بات کرتے ہوئے کا بینہ میں لئے گئے فیصلوں سے واقف کروایا ۔ انہوں نے ہفتے میں ایک دن (جمعہ) کو 'نو وہیکل ڈے' منانے اور اس دن گاڑیوں کا استعمال کیے بغیر عملی طور پر میٹنگ کرنے کا مشورہ دیا۔ اہلکاروں سے گاڑیاں بانٹ کر ایندھن کی بچت کرنے کو بھی کہا گیا۔ کابینہ نے فیصلہ کیا کہ سرکاری محکموں میں ایندھن کی کھپت کا ہفتہ وار جائزہ لیا جائے اور اس بات کو یقینی بنایا جائے کہ نئی خریدی گئی گاڑیاں الیکٹرک (ای وی) گاڑیاں ہوں۔
وزیراعلیٰ کےقافلہ میں کمی
وزیر اعظم مودی نے مغربی ایشیا کے بحران کے ضمن میں ایندھن کی بچت کرنے کی اپیل کی ہے ۔ وزیر اعظم کی اپیل پرآندھرا پردیش کے وزیر اعلی چندرابابو نائیڈو نے اپنی قا فلہ کی گا ڑیوں میں کمی ہے ۔ وزیراعلیٰ کا قافلہ 11 گاڑیوں سے چار گاڑیوں تک محدود ہو گیا ہے۔ وزیر اعلیٰ آج این ایس جی سیکورٹی اور 2 گاڑیوں کے ایسکارٹ کے ساتھ سکریٹریٹ پہنچے ۔ حکومت کے اس فیصلے کو عوامی سطح پر ایک سادہ اور ذمہ دار طرزِ حکمرانی کے طور پر دیکھا جا رہا ہے۔
لوکیش نے بھی قافلے کو کم کیا
اسی دوران آندھراپردیش کے وزیر آئی ٹی نارا لوکیش نے اپنے قافلے کو کم کرنے کا فیصلہ کیا ہے۔ لوکیش نے سیکوریٹی عہدیداروں کو قافلے کو آدھا کم کرنے کے احکامات جاری کیے ہیں۔ ان احکامات کے بعد اب لوکیش کا قافلہ صرف دو گاڑیوں تک محدود رہے گا۔ لوکیش مرکزی حکومت کی طرف سے فراہم کردہ سی آر پی ایف اور ریاستی حکومت کی حفاظت میں ہے۔ اگرچہ سیکورٹی وجوہات کی بناء پر کافی گاڑیاں ہونی چاہئے لیکن انہوں نے وزیراعظم کی اپیل کے بعد قافلے کو کم کرنے کا حکم دیا ہے۔لوکیش نے کہاکہ ہمیں قومی مفاد میں سوچتے ہوئے وزیراعظم کی اپیل پر بہتر ردعمل دینے کی ضرورت ہے۔
تلنگانہ سی ایم نے بھی قافلہ سےگاڑیاں کم کی
وزیر اعظم نریندر مودی کی طرف سے تیل کے تحفظ کے سلسلے میں دی گئی کال کے مطابق چیف منسٹر ریونت ریڈی نے بھی ایک قدم آگے بڑھایا ہے۔ انہوں نے عہدیداروں کو اپنے قافلے میں ضرورت کے مطابق گاڑیوں کی تعداد کم کرنے کی ہدایت دی ہے۔ اسی مناسبت سے سینئر انٹلی جنس حکام نے مشق شروع کر دی ہے۔ تاہم چیف منسٹر ریونت ریڈی کا قافلہ فی الحال 9 گاڑیوں کے ساتھ جاری رہے گا۔ حکام سے ملنے والی اطلاعات کے مطابق تیل کی بچت کے دوران چیف منسٹر کے ق قافلے کو بھی 4 سے 5 گاڑیوں تک کم کر دیا جائے گا۔ وزیر اعظم نریندر مودی نے ملک کے لوگوں سے تیل کی کھپت کو زیادہ سے زیادہ کم کرنے کی اپیل کی تھی۔
