آسام میں ہمنتا بسوا سرما کی حکومت بنگالی بولنے والے مسلمانوں کے خلاف مسلسل کاروائی کر رہی ہے۔کبھی بلڈوزر ایکشن تو کبھی محض شک کی بنیاد پر سرحد پار دھکیل رہی ہے ۔کلکتہ ہائی کورٹ نے حال ہی میں دہلی سے چھ لوگوں کو بنگلہ دیش ڈی پورٹ کرنے پر مرکزی حکومت کی سرزنش کی تھی۔
کولکتہ ہائی کورٹ نے بیربھوم ضلع کی سونالی بی بی، سویٹی بی بی اور ان کے خاندان کو زبردستی بنگلہ دیش بھیجنے کے مرکزی حکومت کے فیصلے کو منسوخ کر دیا۔ اس کے علاوہ، عدالت نے انہیں چار ہفتوں کے اندر واپس لانے کا حکم دیا۔ ہائی کورٹ نے مرکزی حکومت کے اس فیصلے پر کئی اہم تبصرے کیے۔ تاہم، عدالت اور قانون کو نظر انداز کرتے ہوئے آسام کی ہمنتا بسوا سرما حکومت مسلسل د دراندازی کے نام پر بھارتی مسلمانوں کو سرحد پار دھکیل رہی ہے۔
آسام حکومت نے 24 افراد کو بنگلہ دیش بھیج دیا:
घर लौट जा परदेसी, तेरा देश तुझे पुकारे रे।
— Himanta Biswa Sarma (@himantabiswa) September 27, 2025
Assam is always at the service of lost travellers who mistake our State for their own and send them back promptly to their motherland Bangladesh.@cacharpolice apprehended 24 illegal settlers and PUSHED them BACK.
Adios lost… pic.twitter.com/OEyG7RBM4X
27 ستمبرہفتہ کو آسام کے وزیراعلیٰ ہمنتا بسوا سرما نے سوشل میڈیا پر ایک پوسٹ کرتے ہوئے کہا کہ کچھار ضلع میں غیر قانونی طور پر بھارت میں داخل ہونے والے 24بنگلہ دیشیوں کو پکڑا گیا اور انہیں فوری طور پر ہمسایہ ملک واپس بھیج دیا گیا۔ ہمنتا بسوا سرما نے کہا کہ آسام میں دراندازوں کی شناخت کر کے انہیں واپس بھیجنے کا عمل مسلسل جاری رہے گا۔
پوسٹ میں انہوں نے لکھا، آسام ہمیشہ ان بھٹکے ہوئے مسافروں کی خدمت کے لیے تیار رہتا ہے جو ہمارے صوبے کو اپنا سمجھنے کی غلطی کرتاہے ۔ ہم انہیں فوراً ان کی مادر وطن بنگلہ دیش واپس بھیج دیں گے۔سرما نے ایک ہندی گانے کی لائن بھی شیئر کی، "گھر لوٹ جا پردیسی، تیرا دیس تجھے پکارے رے۔اس کے ساتھ انہوں نے لکھا، گمشدہ مسافروں، الوداع۔
وزیراعلیٰ ہمنتا بسوا سرما نے بتایا کہ حالیہ مہینوں میں تقریباً 500 نام نہاد غیر قانونی بنگلہ دیشی دراندازوں کو آسام سے واپس بھیجا جا چکا ہے۔ سرما نے دعویٰ کیا کہ ریاستی حکومت دراندازی سے پاک آسام کے لیے پرعزم ہے اور ہر ہفتے کم از کم 35 سے 40 افراد کو واپس بھیجا جا رہا ہے۔
انہوں نے یہ بھی بتایا کہ بارڈر سیکورٹی فورس (بی ایس ایف) نے گزشتہ سال ہمسایہ ملک میں بدامنی شروع ہونے کے بعد شمال مشرق میں بھارت-بنگلہ دیش سرحد پر چوکسی مزید بڑھا دی ہے۔ آسام حکومت کی یہ کارروائی ریاست میں غیر قانونی دراندازی کو روکنے اور سرحدی سیکورٹی کو مضبوط کرنے کی سمت میں ایک سخت اقدام سمجھی جا رہی ہے۔
تاہم حکومت کے اس رویہ پر مسلموں کو نشانہ بنانے کا الزام لگ رہا ہے ،انکے حالیہ مسلم مخالف بیان اور کاروائی سے یہ ظاہر ہے کہ یوگی حکومت کی طرح آسام حکومت کی کاروائی بھی خاص طور پر ایک خاص طبقے کے خلاف ہے۔
مختلف میڈیا رپورٹس کے مطابق، آسام حکومت نے اب تک تقریباً 500 سے 600افراد کو سرحد پار دھکیل دیا ہے۔ستمبر میں اب تک آسام حکومت تین بار میں 68 افراد کو سرحد پار بھیج چکی ہے، جس میں آج کے اعداد و شمار شامل نہیں ہیں۔ وزیراعلیٰ سرما کئی بار اپنے بیانات میں مسلمانوں کو نشانہ بنانے کی بات دہرا چکے ہیں اور اکثر محض شک کی بنیاد پر نو مینس لینڈ میں دھکیلنے کے حوالے سے سوالات اٹھتے رہے ہیں۔
dd6f55e8-4d26-4f59-8e7c-0f05317330d51892025175824.jpg)
