پنجاب کے بھٹنڈہ میں پولیس نے ایک خاتون کا سر قلم کرنے کے معاملے کا پردہ فاش کیا ہے۔ قتل کا معمہ 24 گھنٹے میں حل کر لیا گیا۔ خاتون کو اس کے شوہر نے قتل کیا تھا، جسے اس کے اپنے دوست کے ساتھ ناجائز تعلقات کا شبہ تھا۔ وہ اسے ایک ویران علاقے میں لے گیا اور اس کی گردن میں تیز دھار ہتھیار سے وار کیا۔
تین سال پہلے محبت کی شادی
پولیس حکام کے مطابق ملزم نے یوٹیوب پر سرچ کیا کہ قتل کیسے کیا جائے، شواہد کیسے تباہ کیے جائیں اور قتل کے بعد خود کو کیسے بچایا جائے۔ خاتون کی لاش ایک روز قبل خالی پلاٹ سے ملی تھی۔ اس کی تین سال قبل محبت کی شادی ہوئی تھی اور اس کا ایک دو سال کا بیٹا ہے۔ وہ ایک پرائیویٹ کمپنی کے شو روم میں کام کرتی تھی۔ ملزم شوہر نے ہفتہ کو پولیس میں بیوی کی گمشدگی کی جھوٹی شکایت درج کرائی تھی۔
تیز دھار ہتھیار سے گلا کاٹ کر قتل
بھٹنڈہ کے ایس ایس پی نے بتایا کہ ٹھنڈی سڑک کے قریب پر انے پولیس اسٹیشن نہر کے پیچھے ایک خالی پلاٹ کی جھاڑیوں میں ایک خاتون کی لاش ملی، جس کی گردن تیز دھار ہتھیار سے کٹی ہوئی تھی۔ اطلاع ملنے پر پولیس نے جائے وقوعہ پر پہنچ کر معاملے کی تفتیش کی۔ انہوں نے کہا کہ مختلف زاویوں سے تفتیش کے بعد یہ بات سامنے آئی کہ ساحل کمار نے 24 سالہ ریتیکا گوئل کا قتل کیا تھا۔
قتل کے بعد پولیس میں جھوٹی شکایت درج کرائی گئی
ساحل کمار ریتیکا کو باتھ روم جانے کے بہانے ایک ویران علاقے میں لے گیا، اس کی گردن میں تیز دھار ہتھیار سے وار کیا اور پھر اس کی لاش وہیں پھینک کر فرار ہوگیا۔ کل اس نے مکمل طور پر جھوٹی کہانی گھڑ کر پولیس میں شکایت درج کرائی۔
