بنگلورو سے ایک چونکا دینے والا معاملہ سامنے آیا ہے۔ پولیس نے سرجن مہیندر ریڈی کو اپنی بیوی کریتیکا ریڈی کے قتل کے الزام میں گرفتار کر لیا ہے۔ میڈیا رپورٹ کے مطابق، سرجن کے فون کے فرانزک جانچ سے ایک حیران کرنے والا message سامنے آیا جس میں لکھا تھا، میں نے تمہاری خاطر اپنی بیوی کو مار ڈالا۔
سرجن نے اپنی بیوی کو قتل کرنے کے فوراً بعد یہ پیغام اپنی گرل فرینڈ کو ڈیجیٹل پیمنٹ ایپ کے ذریعے بھیجا تھا۔ 32 سالہ جنرل سرجن مبینہ طور پر اس خاتون کے ساتھ تعلقات میں تھا جس کو یہ پیغام بھیجا تھا۔ پولیس نے ملزم سے پوچھ تاچھ کے بعد بیان ریکارڈ کر لیا ہے۔ تاہم اس کی شناخت ظاہر نہیں کی گئی ہے۔
اپنی بیوی کی صحت کی کمزوریوں کا فائدہ اٹھانا
پولیس نے بتایا کہ قتل کے چھ ماہ بعد گرفتار ہونے والے ملزم سرجن نے اپنی طبی مہارت اور اپنی بیوی کی صحت کی کمزوریوں کا فائدہ اٹھاتے ہوئے بڑی احتیاط سے جرم کی منصوبہ بندی کی۔ مہیندر مبینہ طور پر یہ جاننے کے بعد پریشان ہو گیا کہ اس کی بیوی طویل عرصے سے معدے اور میٹابولک عوارض میں مبتلا ہے، جس سے وہ شادی سے پہلے لاعلم تھا۔
پولیس نے کیا کہا
وائٹ فیلڈ کے ڈی سی پی ایم پرشورام نے بتایا کہ جوڑے کی شادی 26 مئی 2024 کو ہوئی تھی۔ پولیس نے بتایا کہ ان کی شادی تیزی سے بگڑ گئی۔ ملزم ڈاکٹر کو اپنی بیوی کی طبی کمزوریوں کا علم تھا اور اس نے اس کا فائدہ اٹھانے کے لیے اپنے علم کا استعمال کیا۔ شواہد سے پتہ چلتا ہے کہ اس نے جان بوجھ کر اور اندھا دھند بے ہوشی کی دوائیاں استعمال کیں۔
راز کیسے کھلا؟
کریتیکا مبینہ طور پر بنگلورو کے مراتھا ہلی میں اپنے والد کے گھر رہ رہی تھی۔ جب وہ تھکاوٹ اور بیماری کی وجہ سے بے ہوش ہو گئی تو مہیندر علاج کے بہانے اس کے پاس گیا۔ اس کے بعد اس نے دو دن تک اینستھیٹک پر مشتمل انٹراوینس (IV) انجیکشن لگائے۔ 23 اپریل 2025 کو کریتیکا ایک بار پھر بے ہوش ہوگئی اور اسے ایک نجی اسپتال لے جایا گیا جہاں ڈاکٹروں نے اسے مردہ قرار دے دیا۔
