کل مرکزی حکومت سے طرف سے بجٹ پیش کی گئی جس میں وزیر خزانہ نرملا سیتا رمن نے ٹیکس میں بڑی ریلیف سمیت کئی بڑے اعلانات کیے ہیں۔ اس دوران ملازمت پیشہ افراد کو سب سے بڑا ریلیف دیا گیا، جس میں اعلان کیا گیا کہ 12 لاکھ 75 ہزار روپے تک کی تنخواہ پر کوئی ٹیکس نہیں لگے گا۔ اس کے علاوہ میڈیکل اور آئی آئی ٹی سیٹوں کے حوالے سے بھی اعلانات کیے گئے۔ وزیر خزانہ نے کہا کہ آئی آئی ٹی کی سیٹیں کئی گنا بڑھائی جا سکتی ہیں۔ جو ملک بھر کے کروڑوں طلباء کے لیے راحت کی خبر ہے۔
وزیر خزانہ نرملا سیتا رمن نے کہا کہ ملک بھر میں شروع ہونے والے نئے آئی آئی ٹی میں 6500 سے زیادہ سیٹیں بڑھائی جائیں گی۔ اس کے علاوہ بہار میں آئی آئی ٹی پٹنہ کو وسعت دینے کا بھی اعلان کیا گیا ہے۔ وزیر خزانہ نے کہا کہ ملک کے 23 آئی آئی ٹی میں سیٹوں کی تعداد دوگنی کر دی گئی ہے۔ اس کا مطلب ہے کہ آنے والے چند سالوں میں آئی آئی ٹی کی نشستوں میں اضافہ کی توقع ہے۔ یہ ان تمام طلباء کے لیے بڑی خبر ہے جو آئی آئی ٹی میں داخلہ لینے کے لیے کئی سالوں سے محنت کر رہے ہیں۔
بجٹ پیش کرتے ہوئے نرملا سیتا رمن نے کہا، 'میک فار انڈیا، میک فار دی ورلڈ' کے لیے ہنر اور اعلیٰ سطح کی تعلیم میں سرمایہ کاری ضروری ہے، عالمی مہارت کے ساتھ 5 نیشنل سینٹر آف ایکسیلنس اور نوجوانوں کو ہنر سے آراستہ کرنے کے لیے شراکت داری کی جائے گی۔ تقریباً 500 کروڑ روپے کے بجٹ سے تعلیم کے لیے مصنوعی ذہانت میں ایک سنٹر آف ایکسی لینس بھی قائم کیا جائے گا۔ اس کے علاوہ آنے والے پانچ سالوں میں میڈیکل کی اضافی 75000 سیٹیں بڑھانے کا ہدف بھی مقرر کیا گیا ہے۔ میڈیکل کالجز اور ہسپتالوں میں ایک سال میں 10 ہزار اضافی سیٹیں شامل کی جائیں گی۔
اس کے علاوہ آنے والے پانچ سالوں میں سرکاری اسکولوں میں 50,000 اٹل ٹنکرنگ لیبز (Atal Tinkering Labs) قائم کی جائیں گی۔ نیز، بھارت نیٹ پروجیکٹ کے تحت، دیہی علاقوں میں تمام سیکنڈری اسکولوں اور بنیادی صحت مراکز کو براڈ بینڈ کنیکٹیویٹی فراہم کی جائے گی۔ اسکول اور اعلیٰ تعلیم میں ہندوستانی زبانوں کی ڈیجیٹل کتابیں فراہم کرنے کے لیے انڈین لینگویج بک پروجیکٹ شروع کیا جائے گا۔
