آندھراپردیش کےوزیراعلیٰ این چندرا بابو نائیڈو نے اعلان کیا کہ آندھرا پردیش کو جلد ہی مشرقی ساحل کے گیٹ وے کے طور پر تیار کیا جائے گا ۔۔اور عالمی معیارات پر پورا اترنے کے لیے عالمی معیار کے لاجسٹک ہب کے قیام کیا جائےگا۔ انہوں نے کہا کہ ریاست اس شعبے کو مزید مضبوط کرنے کے لیے ایک لاجسٹک یونیورسٹی اور ایک سول ایوی ایشن یونیورسٹی قائم کرے گی۔
چیف منسٹر نے بندرگاہ کی قیادت والی شپنگ صنعتوں کے ماہرین پر زور دیا کہ وہ 20 رکنی مشاورتی ادارہ تشکیل دیں تاکہ آندھرا پردیش کو عالمی لاجسٹک مرکز میں ترقی دینے کے لیے ریاستی حکومت کو تجاویز فراہم کی جاسکیں۔گلوبل فورم فار سسٹین ایبل ٹرانسفارمیشن (جی ایف ایس ٹی) اور میری ٹائم گیٹ وے کے زیر اہتمام مشترکہ طور پر ایسٹ کوسٹ اور لاجسٹکس سمٹ میں مہمان خصوصی کے طور پر خطاب کرتے ہوئے این چندرا بابو نائیڈو نے کہا کہ لاجسٹک سیکٹر معیشت کو فروغ دینے اور روزگار پیدا کرنے میں کلیدی کردار ادا کرتا ہے۔ انہوں نے نوٹ کیا کہ مجموعی ریاستی گھریلو پیداوار میں اس شعبے کا حصہ فی الحال ایک فیصد ہے اور اسے تین فیصد تک بڑھانے کی ضرورت پر زور دیا۔
ریاست کے فوائد پر روشنی ڈالتے ہوئے، سی ایم نے کہا کہ آندھرا پردیش بندرگاہ کارگو کی برآمدات کے لیے مثالی طور پر رکھا گیا ہے، جس میں چھ آپریشنل بندرگاہیں ہیں اور چار مزید ترقی کے مراحل میں ہیں۔ انہوں نے کہا کہ حکومت ریاست کی 1,050 کلومیٹر ساحلی پٹی کے ساتھ ہر 50 کلومیٹر پر بندرگاہیں یا ماہی گیری کی بندرگاہیں قائم کرنے کے لیے پرعزم ہے۔ آندھرا پردیش اس وقت سمندری کارگو ٹرانسپورٹ میں دوسرے نمبر پر ہے، اس کی بندرگاہوں کے لحاظ سے پڑوسی ریاستیں بشمول تلنگانہ، مہاراشٹر، اڈیشہ، چھتیس گڑھ، اور کرناٹک کے کچھ حصے ہیں۔
وزیراعلیٰ نائیڈو نے دگراجوپٹنم، مچھلی پٹنم اور دیگر بندرگاہوں پر جہاز سازی، کنٹینر کی مرمت اور جہاز کی ری سائیکلنگ یونٹس کو تیار کرنے کے منصوبوں کا اعلان کیا، جس میں دفاعی جہازوں کی دیکھ بھال کی سہولیات بھی شامل ہیں۔ انہوں نے ڈیجیٹل لاجسٹکس پلیٹ فارم، کارگو ٹریکنگ سسٹم بنانے اور تمام بڑی بندرگاہوں تک ریل، سڑک اور فضائی رابطہ بڑھانے کی اہمیت پر زور دیا۔
" این چندرا بابو نائیڈو نے کہا"مستقبل لاجسٹکس کا ہے، اور ہمیں مقامی اور عالمی دونوں منڈیوں کے مطالبات کو پورا کرنے کے لیے اگلی نسل کی اصلاحات کو نافذ کرنے کی ضرورت ہے،۔ مثال کے طور پر دبئی اور سنگاپور کا حوالہ دیتے ہوئے، انہوں نے لاجسٹکس کے اخراجات کو کم کرنے کے لیے بندرگاہوں کو صنعتی اکائیوں سے جوڑنے کی ضرورت پر زور دیا۔ انہوں نے نشاندہی کی کہ ہندوستان میں رسد کی لاگت دوسرے ممالک میں 8 فیصد کے مقابلے 13 فیصد ہے اور اس فرق کو کم کرنے کے لئے اقدامات کرنے پر زور دیا۔
چندرا بابو نائیڈو نے یہ بھی کہا کہ حکومت لاجسٹک اخراجات کو کم کرنے کے لیے اندرون ملک آبی نقل و حمل کو تیار کرنے کا منصوبہ بنا رہی ہے۔ بکنگھم کینال کا حوالہ دیتے ہوئے، جو تاریخی طور پر کاکیناڈا اور چنئی کے درمیان نقل و حمل کے لیے استعمال ہوتی تھی، انہوں نے اندرون ملک آبی گزرگاہوں کو بحال کرنے کی اہمیت پر زور دیا۔شپنگ انڈسٹری کے سی ای اوز کی تجاویز کا جواب دیتے ہوئے، انہوں نے کہا کہ ریاستی حکومت اہم مسائل کو حل کرنے کے لیے حکومت ہند کے ساتھ بات چیت کرے گی۔ انہوں نے مزید کہا کہ آندھرا پردیش واحد ریاست ہے جو پانی کی حفاظت فراہم کرتی ہے اور دریاؤں کو آپس میں جوڑنے پر کام کر رہی ہے۔
این چندرابابو نائیڈو نے یہ وشاکھاپٹنم، کو ہندوستان میں خواتین کے لیے سب سے محفوظ جگہ قرار د یئے جانے پر خوشی کا اظہار کیا ۔ اور کہا کہ وشاکھاپٹنم جلد ہی ایک ڈیٹا سینٹر کے قیام کے ساتھ ایک بڑے ٹیکنالوجی مرکز کے طور پر ابھرے گا۔ انہوں نے مستقبل کی صنعتی ضروریات کو پورا کرنے کے لیے اسکل ڈویلپمنٹ پر حکومت کی ترجیح کو اجاگر کیا۔
