آندھراپردیش کے وزیر اعلیٰ این چندرابابو نائیڈو کو ملک کے معروف بزنس ڈیلی نیوزپیپردی اکنامک ٹائمز کی طرف سے باوقار 'بزنس ریفارمر آف دی ایئر' ایوارڈ کے لیے منتخب کیا گیا ہے۔ تلگو دیشم پارٹی نے اس ایوارڈ کو بصیرت انگیز قیادت اور تبدیلی پسند حکمرانی کا ایک اہم اعتراف قرار دیا ہے۔
یہ ایوارڈ آندھراپردیش کی کاروباری دوستانہ پالیسیوں کے فعال عمل آوری، دور رس صنعتی اصلاحات اور آندھرا پردیش کو سرمایہ کاری کی ترجیحی منزل کے طور پر پوزیشن دینے میں مسلسل کوششوں کا اعتراف کرتا ہے۔ ان کی قیادت میں، ریاست نے بڑے پیمانے پر ملکی اورعالمی سرمایہ کاری کو راغب کیا، جس سے معاشی ترقی اور روزگار کے مواقع پیدا ہوئے۔یہ ایوارڈ باضابطہ طور پر چیف منسٹر کو مرکزی وزیر خزانہ نرملا سیتا رمن مارچ میں منعقد ہونے والی ایک خصوصی تقریب میں پیش کریں گے۔
یہ انتخاب ایک ممتاز، اعلیٰ سطحی جیوری کے ذریعے کیا گیا تھا جس میں ہندوستان کے چند معزز صنعت کار، مالیاتی ماہرین اور قانونی ماہرین شامل تھے۔ جیوری میں بھارتی گروپ کے چیئرمین سنیل بھارتی متل، جے ایس ڈبلیو گروپ کے چیئرمین سجن جندال، کوٹک مہندرا بینک کے بانی ادے کوٹک، نارائنا ہیلتھ کے بانی ڈاکٹر دیوی شیٹی، سینئر ایڈوکیٹ ابھیشیک منو سنگھوی، اور ٹاٹا ٹرسٹ کے چیئرمین نول ٹاٹا سمیت دیگر شامل ہیں۔ ڈیلوئٹ نے جیوری کے علم اور مشاورتی پارٹنر کے طور پر کام کیا۔
پچھلے سالوں میں، ’بزنس ریفارمر آف دی ایئر‘ کا ایوارڈ نامور لیڈروں جیسے اشونی ویشنو (2024)، ایس جے شنکر (2023)، نرملا سیتا رمن (2021)، مہاراشٹر کےوزیر اعلیٰ دیویندر فڈنویس کو سال (2019) میں ، ارون جیٹلی (2017)، اور پیوشل گوئل (2015) کو دیا جا چکا ہے۔
چندرابابونائیڈوجمعہ کودہلی میں،6 مرکزی وزرا سےکریں گے ملاقات
اےپی چیف منسٹراین چندرابابو نائیڈوجمعہ کو، وہ آندھرا پردیش میں مختلف جاری اور مجوزہ ترقیاتی منصوبوں کے لیے مرکزی تعاون پر تبادلہ خیال کرنے کے لیے چھ مرکزی وزراء سے ملاقات کریں گے۔
وزیر اعلیٰ مرکزی وزیر داخلہ امت شاہ، مرکزی وزیر خزانہ نرملا سیتا رمن، مرکزی وزیر سڑک ٹرانسپورٹ اور ہائی ویز نتن گڈکری، مرکزی وزیر جل شکتی سی آر پاٹل، پٹرولیم اور قدرتی گیس کے مرکزی وزیر ہردیپ سنگھ پوری اور بندرگاہوں، جہاز رانی اور آبی گزرگاہوں کے مرکزی وزیر سربانند سونووال سے ملاقات کرنے والے ہیں۔
وزیر اعلیٰ جمعہ کی رات امراوتی واپس آئیں گے۔ ہفتہ کے روز، وہ انکاپلی ضلع میں ’سوارنا آندھرا-سوچھا آندھرا‘ پروگرام میں حصہ لیں گے۔
