جونپورمیں لاپتہ جوڑے کا معاملہ کو اترپردیش پولیس نے حل کردیا ہے۔ پولیس نےمقتول بزرگ جوڑے کے بیٹے امبیش کو دوہرے قتل کے الزام میں گرفتار کر لیا ہے۔ بتایا جارہا ہےکہ امبیش کا اپنے والدین سےاسکی مسلم بیوی کو قبول نہیں کرنے کے معاملے پر تنازعۃ چل رہا تھا۔اور ساتھ ہی رقم کے معاملے پرجاری تنازعہ دوہرے قتل کے انجام پر اختتام کو پہنچا۔ امبیش نے مبینہ طور پر اپنی ماں اور باپ کو پیٹ پیٹ کرقتل کردیا ۔ اوران کی لاشوں کے تکڑے، تکڑے کرکے دریا میں بہا دیا۔
دردناک، دل دہلادینےوالی کہانی
اترپردیش کی پولیس نے جونپور میں ایک دردناک دوہرے قتل، ایک دل دہلا دینے اور انسانیت کو شرمسار کرنے والی کہانی کو منظر عام پر لایا، کہ کس طرح ایک باپ کی ضد اور بیٹے کے غصے نے ایک سانحہ کو جنم دیا۔
قتل کےالزام میں بیٹا گرفتار
انجینیئر امبیش کو مبینہ طور پر اپنے والدین شیام بہادر (62) اور ببیتا (60) کو قتل کرنے، ان کی لاشوں کو آری سے کاٹ کر دریا میں پھینکنے کے الزام میں گرفتار کیا گیا ہے۔ پولیس کے مطابق، امبیش اور اس کے والدین کا اس کی مسلم بیوی کو قبول کرنے کےمعاملے پر جھگڑا چل رہا تھا۔ اس کےوالدین بیٹے کی بین مذہبی شادی کےخلاف تھے۔ انھوں نے مسلم بہوکو قبول کرنے سے انکار کر دیا تھا۔ انہوں نے واضح کیا کہ وہ کسی مسلمان بہو کو اپنے گھر میں داخل نہیں ہونے دیں گے۔ اس کے علاوہ، باپ، شیام بہادر نے اپنے بیٹے، امبیش سے کہا کہ وہ اپنی مسلم بیوی کو چھوڑ دے۔ جس کی وجہ سے کافی دنوں سے اس معاملے پر خاندان میں جھگڑا چل رہا تھا۔ جو دوہرے قتل پر اختتام کو پہنچا۔
گمشدگی کی شکایت
13 دسمبرکوامبیش کی بہن وندنا نے جونپور کے ظفر آباد پولیس اسٹیشن میں اپنے والدین کے لاپتہ افراد کی شکایت درج کرائی۔ اس نے بتایا کہ اس کے والدین اور بھائی لاپتہ ہیں۔ وندنا نے بتایا کہ امبیش نے اسے 8 دسمبر کو فون کیا اور کہا کہ ان کے والدین جھگڑے کے بعد گھر سے چلے گئے، اور وہ ان کی تلاش کرنے جا رہا ہے۔ اس بات چیت کے بعد، امبیش کا فون بند ہو گیا، اور وندنا اس تک پہنچنے میں ناکام رہی۔ آخر کار اس نے پولیس میں شکایت درج کروائی، اور پولیس والوں نے اس کی تلاش شروع کردی۔ امبیش کی وندنا کو کال اور اس کے بند فون نے پولیس والوں کو مشکوک بنا دیا۔ جب انہوں نے ایک ہفتہ بعد امبیش کو پکڑا۔ پولیس پوچھ تاچھ کےدوران وہ ٹوٹ گیا اور اعتراف جرم کر لیا۔
عورت اوردولت بنی قتل کی وجہ!
شیام بہادر،ایک ریٹائرڈ ریلوے ملازم، اور اس کی بیوی، ببیتا کی تین بیٹیاں اورایک بیٹا تھا۔ امبیش نامی بیٹے نے تقریباً پانچ سال قبل کورونا کےدوران کولکتہ کی ایک مسلمان خاتون سے شادی کی تھی۔ اس جوڑے کے دو بچے ہیں۔ اس کے والدین نےاس رشتہ کو قبول نہیں کیا اور کہا کہ وہ اپنی مسلم بہو کو اپنے گھر میں داخل نہیں ہونے دیں گے۔ لیکن شیام بہادر نے پھر بھی امبیش کو اپنی بیوی کو گھرلانے نہیں دیا۔ امبیش نے کہا ہے کہ شیام بہادر اسے اپنی بیوی کو چھوڑنے کے لیے کہتے رہے۔ آخرکار، اس نے ہارمان لی اور اپنی بیوی سے کہا کہ وہ الگ ہو جائیں۔ اس نے رضامندی ظاہر کی اور 5 لاکھ روپے کی رقم پر دونوں علحدگی کےلئے تیار ہوگئے۔
بیٹے نے کیا اپنے حقیقی والدین کا قتل
امبیش نے اپنے والدین کے اصرار پر اپنی شادی ختم کرنے پر رضامندی ظاہر کی تھی۔ اسے 5 لاکھ روپے کی ضرورت تھی۔ وہ چند مہینوں سے جونپور میں مقیم تھا اور اس نے 8 دسمبر کو اپنے والد سے مدد کرنے کو کہا۔ شیام بہادر نے انکار کر دیا، اور اس کی وجہ سے امبیش اور اس کے والدین کے درمیان جھگڑا ہو گیا۔ ایک موقع پر، امبیش نے اپنی ماں ببیتا کو سل بتا (ایک بھاری پیسنے والا پتھر) سے مارا۔ جیسے ہی ببیتا نے درد سے سر ہلایا، شیام بہادر نے چیخنا شروع کر دیا اور مدد کے لیے پکارنے کی کوشش کی۔ لیکن اس سے پہلے کہ وہ کچھ کر پاتا، امبیش نے اس کے سر پر کئی بار مارا۔ اس طرح بوڑھے جوڑے کی جلد ہی موت ہوگئی۔
قتل کو چھپانے کی کوشش
اپنے والدین کو قتل کرنے کے بعد امبیش نے ثبوت مٹانے کا کام شروع کیا۔ اس نے لاشوں کو ٹھکانے لگانے کے لیے ایک بڑا بیگ ڈھونڈنا شروع کیا، لیکن وہ نہیں ملا۔ گیراج میں کچھ چھوٹی بوریاں تھیں، لیکن اس کے لیے اسے لاشوں کو ٹکڑے ٹکڑے کرنے کی ضرورت تھی۔ اسے گیراج میں آری ملی اور کام پر لگ گیا۔ اس نے اپنے والدین کی لاشوں کو چھ ٹکڑوں میں کاٹ کر بوریوں میں ڈالا، بوریوں کو گاڑی کے بوٹ میں رکھا اور پھر صبح کے اولین وقت دریا میں پھینک دیا۔اس کے بعد اس نے اپنی بہن وندن کو فون کیا اور بتایا کہ ان کے والدین جھگڑے کے بعد گھر سے چلے گئے ہیں اور وہ ان کی تلاش میں جا رہا ہے۔ اس کے بعد اس نے اپنا فون بند کر دیا۔
اعتراف جرم
وندنا کو کال کرنے کے بعد سے امبیش چھ دن تک لاپتہ تھا۔ اس دوران وہ گھومتا رہا اور اپنا فون بند رکھا۔ 14 دسمبر کو وہ اچانک جونپور واپس آگیا۔ جب اس کی بہنوں اور دیگر رشتہ داروں نے شیام بہادر اور انکی بیوری کے ٹھکانے کے بارے میں اس سے سوالات کئے تو وہ معقول جواب نہیں دے سکا۔ آخر کارانہوں نے پولیس میں شکایت کی۔ جب پولیس نے اس سے پوچھ گچھ کی تو اس نے شروع میں انہیں گمراہ کرنے کی کوشش کی۔ لیکن وہ ٹوٹ گیا اور اپنے والدین کے گھناؤنے قتل کا اعتراف کرلیا۔
پولیس کوملی کامیابی
اس کے بعد پولیس نے لاشوں کی تلاش شروع کردی۔ انہیں شیام بہادر کے جسم کا ایک حصہ ملا اور دونوں لاشوں کو کاٹنے کے لیے استعمال ہونے والی آری اور پیسنے والا پتھر بھی برآمد ہوا جو قتل کا ہتھیار تھا۔ ایڈیشنل سپرنٹنڈنٹ آف پولیس آیوش سریواستو نے کہا کہ غوطہ خوروں کی ایک ٹیم دریا میں باقی جسم کے اعضاء کی تلاش کر رہی ہے، اور انہیں جلد ہی برآمد کر لیا جائے گا۔
