مرکزی وزیر خزانہ نرملا سیتا رمن آج یکم فروری 2026 کو مسلسل نویں بار بجٹ پیش کر رہی ہیں۔انہوں نے اپنے بجٹ تقریر کی شروعات میں کہا کہ پچھلے 12 سالوں میں ہماری حکومت کے دور میں معیشت نے صاف اور مضبوط سمت اختیار کی ہے۔ اس دوران معاشی استحکام برقرار رہا، حکومتی اخراجات اور خسارے پر قابو رکھا گیا، ترقی کی رفتار مسلسل برقرار رہی اور مہنگائی بھی محدود دائرے میں رہی۔
مرکزی بجٹ 2026-27 پیش کرتے ہوئے وزیر خزانہ نے 10,000 کروڑ کے ایس ایم ای گروتھ فنڈ کا اعلان کیا۔ ساتھ ہی انہوں نے یہ بھی اعلان کیا کہ حکومت ٹیکسٹائل سیکٹر کو بھی فروغ دے گی۔ حکومت 500,000 سے زیادہ آبادی والے شہروں میں انفراسٹرکچر کو فروغ دے گی۔
وزیر خزانہ نے کہا کہ بجٹ تین 'کرداروں ' پر مبنی ہے:
وزیر خزانہ نے کہا: ہم نے عوام کی جامع ترقی پر توجہ دی ہے۔ اس سے 7 فیصد کی ترقی کی شرح حاصل کرنے میں مدد ملی ہے۔انہوں نے کہا:یہ بجٹ تین کرداروں یا ذمہ داریوں پر مبنی ہے۔ پہلا - معاشی ترقی کو تیز کرنا اور جاری رکھنا۔ دوسرا - عوام کی امیدوں کو پورا کرنا اور انہیں ملک کی ترقی میں شریک بنانا۔ تیسرا - سب کا ساتھ، سب کا وکاس کے فارمولے کے ساتھ سب کو مواقع فراہم کرنا۔
بائیو فارماسیوٹیکل پالیسی، سیمی کنڈکٹرز، اور نایاب معدنیات سے متعلق اہم اعلانات
وزیر خزانہ نے کہا کہ علم، ٹیکنالوجی اور جدت کے ذریعے صحت کے شعبے کو آگے بڑھانے والی بائیو فارما پالیسی سے بھارت کا ہیلتھ کیئر ڈیجیٹل ایکو سسٹم مضبوط ہو گا۔ حکومت نے بائیو فارما سیکٹر کے لیے 10,000 کروڑ روپے مختص کیے ہیں۔
وزیر خزانہ نے سیمکنڈکٹر مشن کا اعلان کیا۔ الیکٹرانک آلات کی تیاری کے لیے 40,000 کروڑ روپے کا انتظام کیا گیا ہے۔ انہوں نے نایاب معدنیات کے لیے تمل ناڈو، اڈیشہ، آندھرا پردیش اور کیرالہ میں نایاب معدنیات کوریڈور بنانے کا تجویز پیش کیا۔
بجٹ سے جڑے تکنیکی الفاظ کو آسان زبان میں سمجھیں:
جی ڈی پی (GDP): ملک میں ایک مخصوص مدت میں پیدا ہونے والی اشیاء اور خدمات کی مارکیٹ ویلیو۔
مالیاتی خسارہ(Fiscal Deficit): حکومت کی آمدنی اور اخراجات کے درمیان فرق۔
عام اور عبوری بجٹ: عام بجٹ پورے مالی سال کے لیے ہوتا ہے، جبکہ عبوری بجٹ انتخابات کے سال میں پیش کیا جاتا ہے۔
براہ راست ٹیکس (Direct Tax): وہ ٹیکس جو شہری حکومت کو براہ راست دیتے ہیں، جیسے انکم ٹیکس، ویلتھ ٹیکس اور کارپوریٹ ٹیکس۔
بالواسطہ ٹیکس (Indirect Tax): یہ اشیاء اور خدمات پر لگتا ہے، جن میں پروڈکٹ، سی ما، سروس ٹیکس، جی ایس ٹی وغیرہ شامل ہیں۔
خیال رہے کہ بجٹ حکومت کی آمدنی اور اخراجات کی تفصیل ہوتا ہے۔ بجٹ پیش کرنے سے پہلے ایک سروے کرایا جاتا ہے، جس میں حکومت اندازہ لگاتی ہے کہ اسے براہ راست ٹیکس، بالواسطہ ٹیکس، ریلوے کے کرایوں اور مختلف وزارتوں کے ذریعے کتنی کمائی ہو گی۔ یہ بھی سامنے آتا ہے کہ آنے والے سال میں حکومت کا کتنا اندازہ شدہ خرچ ہو گا۔
