انڈین آئل کارپوریشن لمیٹڈ (آئی او سی ایل) نے ایل پی جی صارفین کے لیے ایک نئی سروس شروع کی ہے۔ اس نے 'Indane XTRALITE NOW' کے نام سے ہلکا 10 کلو گرام کا کمپوزٹ گیس سلنڈر متعارف کرایا ہے اور بکنگ کے چار گھنٹے کے اندر ہوم ڈیلیوری سروس شروع کر دی ہے۔ کمپنی نے اعلان کیا ہے کہ یہ سروس اب چار منتخب شہروں میں شروع کر دی گئی ہے۔
چار گھنٹوں کےاندر سلنڈر آپ کی دہلیز پر
انڈین آئل نے کہا کہ نیا 10 کلو گرام کا سلنڈر روایتی اسٹیل سلنڈروں سے ہلکا ہے، جس سے اسے لے جانے، منتقل کرنے اور استعمال میں آسانی ہوتی ہے۔ یہ گھریلو استعمال اور چھوٹے کاروباری ضروریات کے لیے بھی موزوں ہے۔ کمپنی نے ایک نئی سروس شروع کی ہے جو بکنگ کے چار گھنٹے کے اندر سلنڈر آپ کی دہلیز پر پہنچائے گی۔
ڈیلیوری ٹائم کے بھی انتخاب کی سہولت
یہ سروس صارفین کو کچھ اور سہولیات بھی فراہم کرتی ہے۔ انہیں ڈیلیوری کے وقت کا انتخاب کرنے کا موقع دیا گیا ہے جو ان کے مطابق ہو۔ ڈیجیٹل طریقے سے آسان بکنگ کی سہولت بھی دستیاب ہے۔ کمپنی نے کہا کہ اس سے گیس بکنگ کا عمل مزید شفاف اور تیز تر ہو جائے گا۔ یہ نئی سروس فی الحال پونے، گروگرام، اندور اور کوئمبٹور شہروں میں دستیاب ہے۔
مزید شہروں تک خدمات کو توسیع دینے کا اعلان
انڈین آئل نے انکشاف کیا ہے کہ وہ جلد ہی صارفین کے ردعمل کی بنیاد پر مزید شہروں میں پھیلے گی۔ اگست 2026 کے وسط تک 25 اضافی شہروں تک اور اکتوبر 2026 کے آخر تک ملک بھر کے بڑے شہروں تک توسیع کی جائے گی ۔
چھوٹو سلنڈر(5کلو) ایکسپریس ہوم ڈیلیوری سروس
تقریب کے دوران، چیئرمین، انڈین آئل نے مقبول 5 کلوگرام چھوٹو سلنڈر کے لیے ایکسپریس ہوم ڈیلیوری سروس کا بھی آغاز کیا، جو اب بکنگ کے چار گھنٹے کے اندر فراہم کی جائے گی۔ یہ اقدام شہری گھرانوں، پیشہ ور افراد اور چھوٹے خاندانوں کی ضروریات کے مطابق لچکدار، آسان ایل پی جی حل فراہم کرنے کے لیے انڈین آئل کے عزم کو مزید تقویت دیتا ہے۔ اس نے 5 کلوگرام کے انڈین چھوٹو سلنڈر کی ڈیلیوری سروس کو بھی چار گھنٹے کے اندر بڑھا دیا ہے۔ اس نے اس بات کو یقینی بنانے کے لیے اقدامات کیے ہیں کہ یہ سلنڈر، جو زیادہ تر چھوٹے خاندانوں، طلبہ اور چھوٹے تاجروں کے زیر استعمال ہوتا ہے، بھی جلد پہنچایا جائے۔
چیئرمین، انڈین آئل اے ایس سہنی کا بیان
چیئرمین، انڈین آئل اے ایس سہنی نے اس موقع پر خطاب کرتے ہوئےنے کہا کہ ،"جدت تبھی معنی خیز ہے جب یہ ہمارے صارفین کی زندگیوں کو بہتر بناتی ہے۔ Indane XTRALITE NOW جدید کمپوزٹ سلنڈر ٹکنالوجی کو ہموار اور بہتر سروس ماڈل کے ساتھ جوڑتا ہے تاکہ ایک بہتر، محفوظ اور زیادہ آسان LPG تجربہ پیش کیا جا سکے۔ لانچ انڈین آئل کے مستقبل کے لیے تیار توانائی کے نئے حل کے ساتھ ساتھ صارفین کی خدمت کے نئے نشانات کی فراہمی کے عزم کی تصدیق کرتا ہے۔"
ڈائریکٹر (مارکیٹنگ)، انڈین آئل کا بیان
ڈائریکٹر (مارکیٹنگ)، انڈین آئل سومترا پی سریواستو، نے مزید کہا کہ "صارفین آج رفتار، سہولت اور ہموار تجربے کی توقع کرتے ہیں۔ Indane XTRALITE NOW تیز، قابل بھروسہ ڈیلیوری کے ساتھ جدید ٹیکنالوجی کو جوڑ کر انڈین آئل کے کسٹمر سینٹرک اپروچ کی عکاسی کرتا ہے۔ یہ گھریلو ایل پی جی کے تجربے کی نئی تعریف کرنے میں ایک اور اہم قدم کی نشاندہی کرتا ہے۔"
گیس کیسے بْک کریں
یہ پیشکش ابتدائی طور پر پونے، گروگرام، اندور اور کوئمبتور میں دستیاب ہوگی،۔صارفین انڈین آئل ون ایپ اور انڈین آئل کسٹمر ویب سائٹ (https://cx.indianoil.in) کے ذریعے نئے کنکشنز اور بک ریفلز کے لیے رجسٹر کر سکتے ہیں، جس میں WhatsApp (7588888824) بکنگ کی سہولت جلد ہی متعارف کرائی جائے گی۔ نئی پیشکش انڈین آئل کے وسیع انڈین ڈسٹری بیوٹر نیٹ ورک اور منتخب انڈین آئل ریٹیل آؤٹ لیٹس کے ذریعے دستیاب ہوگی، جس سے وسیع رسائی اور بے مثال سہولت کو یقینی بنایا جائے گا۔
