انڈین یونین مسلم لیگ (IUML) – تلنگانہ اسٹیٹ یونٹ نے آج ریاستی سیاست میں اپنے باضابطہ داخلے کا اعلان کیا۔ آنے والے بلدیاتی انتخابات (Local Bodies Elections) میں حصہ لینے کے لیے پارٹی کو تلنگانہ ریاستی الیکشن کمیشن (Telangana State Election Commission) میں سرکاری طور پر رجسٹر کر لیا گیا ہے۔ اور انتخابی نشان ملا ہے۔
تلنگانہ ریاست میں سماجی انصاف اور ترقی کیلئے جدوجہد
پارٹی قائدین نے خطاب کرتے ہوئے واضح کیا کہ دہائیوں پرانی تاریخ رکھنے والی IUML ملک میں سیکولر، جمہوری اور شمولیت پر مبنی سیاست (Inclusive Politics) کی علمبردار ہے۔ انہوں نے کہا کہ کیرالہ اور تمل ناڈو ریاستوں میں اختیار کی گئی خدمت پر مبنی اور عملی سیاست کو تلنگانہ میں بھی نافذ کرنے کا ہدف ہے۔تلنگانہ ریاست میں سماجی انصاف، عوامی نمائندگی اور مسلمانوں بااختیار بنانے کے ایک نئے دور کا آغاز ہو گا۔
IUML تلنگانہ کا ویژن (Vision for Telangana)
IUML تلنگانہ یونٹ خاص طور پر درج ذیل نکات پر توجہ مرکوز کرے گی:
سماجی انصاف: اقلیتیوں، دلتوں، پسماندہ طبقات (BCs) اور محروم و کمزور طبقوں کی جامع بااختیاریت کے لیے مکمل عزم کے ساتھ کام کرنا۔
شفاف حکمرانی: مقامی اداروں کی سطح پر مکمل شفافیت، جوابدہی اور ایمانداری لانا۔
بنیادی جمہوریت: زمینی سطح کی جمہوریت کو مضبوط بنانا اور ہر عام شہری کو حکومتی امور میں شراکت دار بنانا۔
ترقی: جدید شہری سہولیات اور بنیادی ڈھانچے کی فراہمی کے ذریعے وارڈز، ڈویژنز اور میونسپلٹیوں کو ترقی دینا۔
سیاست تجارت نہیں خدمت
پارٹی نے نوجوانوں کو خصوصی پیغام دیا۔ قائدین نے زور دیتے ہوئے کہا کہ: "تلنگانہ کا مستقبل تعمیر کرنے والے نوجوانوں کو اس تحریک میں فعال طور پر حصہ لینا چاہیے۔ انڈین یونین مسلم لیگ تلنگانہ یونٹ کےصدرمحمد شکیل نےکہاکہ کچھ پارٹیاں سیاست کو تجارت سمجھتی ہے۔ لیکن انڈین یونین مسلم لیگ سیاست کو خدمت خلق سمجھتی ہے۔
عوامی امنگ کو پورا کرےگی مسلم لیگ
انھوں نےقوم و ملت کی تعمیر کےلئے مسلم لیگ کا ساتھ دینے کی اپیل کی گئی ہے۔ انھوں نے ریاست میں تعلیم کو فروغ دینے اورتعلیمی معیارکو بہتر کرنے کی کوشش کرنے، معیشت کو سدھارنے،اور سماجی انصاف کے لئے جدوجہد کر نے کا اعلان کیا۔ پارٹی کارکنوں سے مسلم لیگ کا پرچم تلنگانہ میں لہرانے کی پارٹی کارکنوں سے اپیل کی۔ شکیل نے کہا۔ ہم تنقید کے بجائے، تعمیری کام کے ذریعے عوام کی امنگوں کو پورا کریں گے۔"IUML تلنگانہ میں تقسیم کی سیاست کو مسترد کرتے ہوئے، لوگوں کے تمام طبقات کو ساتھ لے کر چلنے کے لیے تیار ہے۔
