کینیڈا میں ایک 21 سالہ بھارتی طالبہ کو گولی مار کر قتل کر دیا گیا،یہ قتل واقعہ اس وقت پیش آیا،جب وہ کام پر جانے کے لیے بس اسٹاپ پر انتظار کر رہی تھی۔ اس دوران ایک کار کے سے اندھا دھند فائرنگ کی گئی جس میں ایک گولی لڑکی کو جا لگی۔ جس کی وجہ سے اسکی موت ہو گئی۔ مقتول لڑکی کی شناخت ہرسمرت رندھاوا کے نام سے ہوئی ہے۔ وہ ہیملٹن، اونٹاریو میں موہاک کالج کی طالبہ تھیں۔
مقتول طالب علم بے قصور :
ہیملٹن پولیس بدھ کو ہونے والے قتل کی تحقیقات کر رہی ہے۔پولیس نے بتایا کہ انہیں مقامی وقت کے مطابق شام 7.30 بجے کے قریب ہیملٹن میں اپر جیمز اور ساؤتھ بینڈ سڑکوں کے قریب فائرنگ کی اطلاع ملی۔ جب پولیس وہاں پہنچی تو انہوں نے رندھاوا کو سینے میں گولی لگنے سے زخمی پایا۔ اسے ہسپتال لے جایا گیا، لیکن وہ جان کی بازی ہار گئی۔ ٹورنٹو میں ہندوستان کے قونصلیٹ جنرل نے جمعہ کو ایک سوشل میڈیا پلیٹ فارم پر ایک پوسٹ میں کہا، ہم سب کو اونٹاریو کے ہیملٹن میں ہندوستانی طالبہ ہرسمرت رندھاوا کی المناک موت سے بہت دکھ ہوا ہے۔
دو گاڑیوں میں فائرنگ:
مقامی پولیس کے مطابق، وہ ایک معصوم طالبہ تھی جو دو گاڑیوں کی فائرنگ کے واقعے کا شکار ہوئی۔ پولیس قتل کی تحقیقات کر رہی ہے۔ پولیس اہلکار متوفی لڑکی کے اہل خانہ سے رابطے میں ہیں۔ متوفی کے لواحقین کو تمام ضروری مدد فراہم کی جائے گی۔ پولیس ٹیم اس واقعے سے متعلق مزید شواہد اکٹھے کر رہی ہے۔ پولیس شام 7.15 سے 7.45 کے درمیان ڈیش کیم یا سی سی ٹی وی فوٹیج کی جانچ کر رہی ہے۔ فائرنگ کی کوئی اور ویڈیو ملنے سے پولیس کو تفتیش کو آگے بڑھانے میں مدد مل سکتی ہے۔
