وزیراعظم نریندر مودی نے فرانس میں منعقدہ جی 7 سربراہی اجلاس کے موقع پر متحدہ عرب امارات کے صدر شیخ محمد بن زاید النہیان سے ملاقات کی۔ اس ملاقات میں دونوں رہنماؤں نے مغربی ایشیا کی موجودہ صورتحال، خطے میں امن، سلامتی اور استحکام کے قیام پر تفصیلی تبادلہ خیال کیا۔
دونوں رہنماؤں نے اس بات پر زور دیا کہ خطے کے تنازعات کا مستقل حل بات چیت، سفارت کاری اور بین الاقوامی قانون کے احترام کے ذریعے ہی ممکن ہے۔
وزیراعظم مودی نے سوشل میڈیا پلیٹ فارم "ایکس" پر اپنی ملاقات کو انتہائی مثبت قرار دیتے ہوئے کہا کہ انہوں نے اپنے "بھائی" شیخ محمد بن زاید النہیان کے ساتھ ہندوستان اور متحدہ عرب امارات کے تعلقات کو مزید مضبوط بنانے اور جامع اسٹریٹجک شراکت داری کو آگے بڑھانے کے مختلف پہلوؤں پر گفتگو کی۔
مودی نے کہا کہ دونوں ممالک تجارت، سرمایہ کاری، ٹیکنالوجی، توانائی اور دیگر اہم شعبوں میں تعاون کو مزید وسعت دینے کے لیے پرعزم ہیں۔
وزیراعظم نے متحدہ عرب امارات کی حکومت اور صدر شیخ محمد بن زاید النہیان کا وہاں مقیم ہندوستانی برادری کی فلاح و بہبود، دیکھ بھال اور ان کے تحفظ کے لیے مسلسل تعاون پر شکریہ بھی ادا کیا۔
یہ ملاقات ایسے وقت میں ہوئی ہے جب مغربی ایشیا میں کشیدگی کے باعث عالمی برادری خطے میں امن و استحکام کے لیے سفارتی کوششوں پر زور دے رہی ہے۔
-Recovered-Recoveredb600dab3-cfab-45aa-a5a5-26503fe93626176202692410.png)
-Recovered-Recoverede0debb31-1a3c-4f8d-aa6a-cb4e624a40d317620269033.png)
