مرکزی پارلیمانی امور کے وزیر کرن رجیجو نے آج ایک آل پارٹی میٹنگ بلائی ہے تاکہ بجٹ سیشن سے پہلے اہم قومی مسائل اور قانون سازی کے کاموں پر تبادلہ خیال کیا جا سکے۔ یہ میٹنگ مرکزی کمیٹی روم میں منعقد ہوگی اور اس کا مقصد قانون سازی کے کاروبار کو ہموار کرنا اور اہم قومی امور کا انتظام کرنا ہے جو سیشن کے دوران متوقع ہے۔ پارلیمنٹ کا آئندہ سیشن کل سے شروع ہوگا جو 2 اپریل تک چلے گا۔اجلاس کا پہلا مرحلہ 28 جنوری سے 13 فروری تک مقرر ہے جبکہ دوسرا مرحلہ 9 مارچ سے 2 اپریل تک چلے گا۔ بجٹ سیشن کی 30 نشستیں ہوں گی جس میں مرکزی بجٹ 2026-27 یکم فروری کو پیش کیا جائے گا۔ صدر جمہوریہ دروپدی مرمو ۔لوک سبھا اور راجیہ سبھا سے خطاب کرتے ہوئے سیشن کا باقاعدہ آغاز کریں گے۔
ساتھ ہی بتا تے چلیں کہ مرکزی بجٹ 2026-27 سے پہلے آٹوموبائل انڈسٹری عوامی چارجنگ انفراسٹرکچر کیلئے مختص میں اضافہ اور گھریلو الیکٹرک گاڑیوں کی تیاری کو فروغ دینے کیلئے مضبوط پالیسیوں کا مطالبہ کیا جا رہاہے۔صنعتی ماہرین کا کہنا ہے کہ چارجنگ اسٹیشنز کی توسیع اور حکومتی تعاون ضروری ہے۔ گاڑیوں کی رینج، خاص طور پر اندرون شہر سفر کیلئے بڑھائی جائے۔ یہ ملک میں الیکٹرک گاڑیوں کی ترقی کو تیز کرنے کیلئے بہت اہم ہیں۔مینوفیکچرنگ سیکٹر میں صنعت اور پالیسی ماہرین نے بجٹ میں پیداوار کی بنیاد پر مراعات کی فراہمی کا مطالبہ کیا ہے۔ اس کا مقصد مزید آٹوموبائل مینوفیکچررز اور پرزہ تیار کرنے والوں کی حوصلہ افزائی کرنا ہے۔
آٹوموبائل مینوفیکچررز نے الیکٹرک گاڑیوں، جیسے بیٹریاں، پاور الیکٹرانکس اور سیمی کنڈکٹرز کیلئے اہم اجزاء کی مقامی پیداوار کیلئے دفعات کی بھی اپیل کی ہے۔ ان کا کہنا ہے کہ اس سے لاگت کم کرنے اور درآمدات پر انحصار کم کرنے میں مدد ملے گی۔فی الحال حکومت پی ایم ای ڈرائیو اسکیم کے ذریعے ای وی سیکٹر کی مدد کر رہی ہے۔ اس میں الیکٹرک دو پہیہ گاڑیوں، مسافر گاڑیوں اور بسوں کیلئے سبسڈی کے علاوہ آٹوموبائل اور اے سی سی بیٹری مینوفیکچرنگ کیلئے مراعات شامل ہیں۔
