مدھیہ پردیش کے جبل پور میں ایران کے سپریم لیڈر خامنہ ای کے قتل کے خلاف شیعہ برادری بڑے پیمانہ پر احتجاج کیا۔ اس موقع پر اسرائیل اور امریکہ کے خلاف نعرے بازی کی گئی۔ اس مظاہرہ میں مرد۔خواتین اور بچوں نے حصہ لیا۔ اس موقع پر مظاہرین نے کہاکہ خامہ ای انسانیت کے رہبر تھے جنہیں غلط طریقہ سے ہلاک کیاگیا۔ اس مظاہرہ کی خاص بات یہ تھی کہ اس موقع پر شیعہ ۔ سنی بھائی بھائی کے نعرے لگاتے ہوئے اتحاد کا ثبوت دیاگیا۔
خیال رہے کہ اسرائیل اور امریکہ کی جانب سے ایران پر حملوں کی وجہ سے مشرق وسطیٰ میں پائی جانے والی کشیدگی کی وجہ سے کئی ہندوستانی عرب ممالک میں پھنس گئے ہیں۔ تاہم مرکزی حکومت انہیں بحفاظت واپس لانے کے اقدامات کررہی ہے۔ اس دوران دبئی سے متعدد ہندوستانیوں کو وطن واپس لایا گیاہے۔ وطن واپس آنے والوں نے دبئی کے حالات پر تبصرہ کرتے ہوئے کہاکہ دبئی اس وقت محفوظ ہے۔ زمین سے ٹکرانے سے پہلے ہی میزائلوں کو تباہ کیاجارہاہے۔ وہاں عام لوگوں کو کوئی مسئلہ درپیش نہیں ہے۔
ساتھ ہی بتاتے چلیں کہ ایئر انڈیا اور ایئر انڈیا ایکسپریس مشرق وسطیٰ کے شہروں کیلئے کل 60 پروازیں چلائیں گے جن میں متحدہ عرب امارات کو جوڑنے والی 32 غیر طے شدہ خدمات بھی شامل ہیں۔امریکہ، اسرائیل اور ایران کے درمیان بڑھتے ہوئے مشرق وسطیٰ کے تنازعات کے درمیان ایئر لائنز کیلیبریٹڈ انداز میں خدمات چلا رہی ہیں کیونکہ خطے میں فضائی حدود کی پابندیاں اور بندشیں ہیں۔
منگل کو ایئر انڈیا اور ایئر انڈیا ایکسپریس مل کر جدہ جانے والی 14 پروازیں چلائیں گے جبکہ ایئر انڈیا ایکسپریس مسقط کیلئے 14 پروازیں چلائیں گی۔شیڈول خدمات کے علاوہ ایئر انڈیا اور ایئر انڈیا ایکسپریس آج ہندوستانی شہروں اور متحدہ عرب امارات کے درمیان کل 32 اڈہاک نان شیڈول پروازیں چلائیں گی جو کہ اس وقت روانگی کے متعلقہ مقام پر موجود سلاٹس اور دیگر شرائط کی دستیابی سے مشروط ہیں۔
 (1)4aac76da-80d0-41b7-aeac-cca62bb68395103202612465.jpg)
