راجستھان اربن باڈی کے عام انتخابات 2026 میں دو مرحلوں میں ووٹنگ مکمل ہونے کے بعد آج صبح ووٹوں کی گنتی شروع ہوگئی ہے۔ گنتی کے ساتھ ہی ریاست کے مختلف شہری اداروں میں امیدواروں کی قسمت کا فیصلہ ہونا شروع ہوگیا ہے۔ توقع ہے کہ بیشتر نتائج کا قطعی اعلان شام تک کیا جا سکتا ہے۔ ان انتخابات میں ریاست کے 309 شہری اداروں کے 10,167 وارڈوں میں امیدوار میدان میں تھے۔ ان میں 10 میونسپل کارپوریشن، 47 میونسپل کونسل اور 252 میونسپلٹی شامل ہیں۔ آج ہونے والی ووٹوں کی گنتی کے بعد ان تمام شہری اداروں کے نتائج سامنے آئیں گے۔
دو مرحلوں میں منعقد ہونے والے انتخابات میں مجموعی طور پر 14 کروڑ 55 لاکھ 15 ہزار 873 ووٹرز میں سے 1 کروڑ 58 لاکھ 89 ہزار 718 ووٹرز نے اپنے حق رائے دہی کا استعمال کیا۔ ریاست میں مجموعی ووٹنگ فیصد 72.95 فیصد رہا۔ ووٹوں کی گنتی شروع ہوتے ہی سیاسی جماعتوں اور امیدواروں کی نظریں نتائج پر مرکوز ہوگئی ہیں۔ بلدیاتی انتخابات کے نتائج کو ریاست کی شہری سیاست کے لیے اہم سمجھا جا رہا ہے، کیونکہ ان کے ذریعے میونسپل کارپوریشنوں، میونسپل کونسلوں اور میونسپلٹیوں میں نئی قیادت اور سیاسی طاقت کا اندازہ ہوگا۔
آج اعلان ہونے والے نتائج میں ریاست کی تمام 10 میونسپل کارپوریشنوں کے نتائج شامل ہیں۔ اس کے علاوہ 47 میونسپل کونسلوں اور 252 میونسپلٹیوں کے نتائج بھی سامنے آئیں گے۔ نتائج کے بعد یہ واضح ہوجائے گا کہ شہری علاقوں میں کس سیاسی جماعت اور امیدواروں کو عوام کی حمایت حاصل ہوئی ہے اور کن جماعتوں کو بلدیاتی سطح پر اپنی حکمت عملی پر نظرثانی کی ضرورت پڑ سکتی ہے۔ ووٹوں کی گنتی کے ساتھ ہی امیدواروں اور سیاسی جماعتوں میں بھی نتیجوں کو لے کر بے چینی اور جوش بڑھ گیا ہے۔
