ملک بھر میں آج سے پولیس یادگار شہیداں پروگراموں کا اہتمام کیاجا رہاہے۔ اس سلسلہ میں دہلی میں بھی ایک تقریب کا انعقاد عمل میں آیا۔ اس پروگرام میں مرکزی وزیر دفاع راج ناتھ سنگھ اور دیگر نے بھی شرکت کی۔ واضح رہے کہ 1959 میں آج ہی کے دن دس بہار پولیس عہدیاروں نے لداخ میں بھاری ہتھیاروں سے لیس چینی فوجیوں کی طرف سے گھات لگائے گئے حملے میں اپنی جانیں قربان کی تھیں۔ تب سے ہر سال 21 اکتوبر کو پولیس یادگاری دن کے طور پر منایا جاتا ہے۔ آج وزیر دفاع راج ناتھ سنگھ نے نئی دہلی میں نیشنل پولیس میموریل پر پھول چڑھائے۔
اس موقع پر راجناتھ سنگھ نے کہاکہ نکسل ازم ہماری داخلی سلامتی کے لیے طویل عرصے سے ایک مسئلہ رہا ہے لیکن ہم اس مسئلے کو بڑھنے نہیں دیں گے۔ ہماری پولیس، سی آر پی ایف، بی ایس ایف، تمام نیم فوجی دستوں اور مقامی انتظامیہ کا مشترکہ کام قابل ستائش ہے۔ راجناتھ سنگھ نے کہاکہ آئندہ سال پورے ملک میں یہ مسئلہ قابل ستائش ہوگا۔
مہاراشٹرا کے پونے میں ڈپٹی چیف منسٹر اجیت پوار نے پولیس میموریل میں منعقدہ یوم پولیس یادگاری پروگرام میں پولیس شہداء کو خراج عقیدت پیش کیا۔ اس موقع پر اجیت پوار نے کہاکہ ہم اپنے بہادر سپاہیوں کی شہات کو کبھی فراموش نہیں کرسکتے جنہوں نے ہماری حفاظت کیلئے اپنی جانیں قربان کیں۔ اجیت پوار نے کہاکہ بہادر سپاہیوں کی یاد ہمیشہ ہمارے دلوں میں رہے گی۔
گجرات کے ڈپٹی سی ایم ہرش سنگھوی نے پولیس شہداء کو خراج عقیدت پیش کیا۔ اس موقع پر پولیس کمشنر انوپم سنگھ گہلوٹ نے کہاکہ آج ہم ان پولیس افسران کو خراج تحسین پیش کررہے ہیں جنہوں نے قوم کیلئے اپنی جانیں قربان کیں۔ اس تقریب نے مختلف ریاستوں کے متعدد پولیس افسران کو تسلیم کیا جنہوں نے اپنی جانوں کی قربانی دی تھی جس میں آندھرا پردیش، اروناچل پردیش، آسام اور گجرات کے کانسٹیبل اور دیگر شامل ہیں۔
بی جے پی لیڈر برج بھوشن شرن سنگھ نے ایس پی لیڈر اور سابق چیف منسٹر اکھلیش یادو کی جانب سے ریاست میں کئے گئے ترقیاتی کاموں سے متعلق حکومت پر کی گئی تنقید کا جواب دیا۔ برج بھوشن شرن سنگھ نے کہاکہ یوپی حکومت ترقیاتی منصوبوں پر مسلسل پیسہ خرچ کررہی ہے اور نئے نئے پروگرام منعقد کررہی ہے۔ انہوں نے میڈیا کو اس سلسلہ میں تفصیلات سے واقف کرایا۔
