بھارت کےوزیر تعلیم کےاستعفیٰ اور پیپر لیک معاملے پرملک بھر میں طلبا کے احتجاج کا سلسلہ جاری ہے۔ شہرحیدرآباد میں تاریخی چار مینار کے دامن میں طلبا تنظیم اسٹوڈنٹس اسلامک آرگنائزیشن آف انڈیا (ایس آئی او) تلنگانہ نے جمعہ کو احتجاج کیا۔ احتجاجیوں نے دہلی میں پرامن طلبہ مظاہرین کے پر پولیس کی مبینہ کاروائی کی مذمت کی گئی۔ انہوں نے مرکزی وزیر تعلیم دھرمیندر پردھان کے استعفیٰ اورساتھ ہی نیشنل ٹیسٹنگ ایجنسی (NTA) کو ختم کرنے کا مطالبہ کیا۔
طلبا کا ملک بھر میں احتجاج
حیدر آباد میں اسٹوڈنٹس اسلامک آرگنائزیشن آف انڈیا، نے جمعہ کی نماز کے بعد چارمینار کے قریب مکہ مسجد کے باہر مظاہرہ منظم کیا۔ ان مظاہرین نے دہلی کے جنتر منتر پر اور ملک بھر میں احتجاج کرنے والے طلبہ سے یکجہتی کا اظہار کیا۔احتجاجی مظاہرین نے دہلی میں پولیس کاروائیوں کی مذمت کی ۔اور ذمہ داروں کے خلاف کاروائی کا مطالبہ کیا۔احتجاج کے دوران شرکاء نے طلبہ کے ساتھ انصاف کو یقینی بنانے کا مطالبہ کیا۔
احتساب اور جمہوری حقوق کا مطالبہ
تنظیم کی طرف سے جاری کردہ پریس ریلیز کے مطابق، اجتماع میں طلباء اور نوجوانوں کی بڑی تعداد نے شرکت کی، جس میں ملک بھر کے طلباء کے ساتھ اظہار یکجہتی کیا گیا اور انصاف، احتساب اور جمہوری حقوق کے تحفظ کا مطالبہ کیا۔
طلباء اور والدین کا اعتماد ختم
اجتماع سے خطاب کرتے ہوئے ایس آئی او تلنگانہ ریاستی صدر محمد۔ فراز احمد نے الزام لگایا کہ بار بار امتحان میں ناکامی، پیپر لیک، بدعنوانی اور قومی سطح کے داخلہ امتحانات میں انتظامی غلطیوں نے طلباء اور والدین کا اعتماد ختم کر دیا ہے۔
'ناقص امتحانی نظام'
انہوں نے کہا کہ امتحانی نظام کے ناقص ہونے کی وجہ سے لاکھوں امیدواروں کا مستقبل خطرے میں نہیں پڑنا چاہئے۔فراز احمد نے مرکزی وزیر تعلیم دھرمیندر پردھان کے فوری استعفیٰ کا مطالبہ کیا اور نیشنل ٹیسٹنگ ایجنسی کو ختم کرنے کا مطالبہ کیا، یہ الزام لگاتے ہوئے کہ وہ بار بار امتحانات کو منصفانہ، شفاف اور معتبر طریقے سے کرانے میں ناکام رہی ہے۔
طلباء میں بے چینی اور ذہنی تناؤ
انہوں نے یہ بھی الزام لگایا کہ بار بار امتحانات کی بے قاعدگیوں سے مسابقتی امتحانات کی تیاری کرنے والے طلباء میں غیر یقینی، بے چینی اور ذہنی تناؤ پیدا ہوا ہے۔
'پرامن احتجاج کے حق کا تحفظ'
پرامن مظاہرین کے خلاف طاقت کے مبینہ استعمال کی مذمت کرتے ہوئے انہوں نے کہا کہ جمہوری آوازوں کو دبانے کے بجائے سنا جانا چاہیے۔
قصورواروں پر سخت کاروائی کا مطالبہ
ایس آئی او تلنگانہ نے امتحان میں بے قاعدگیوں اور پیپر لیک ہونے کے ذمہ داروں کے خلاف سخت کاروائی کرنے کے اپنے مطالبہ کو دہرایا۔ تنظیم نے مرکز پر یہ بھی زور دیا کہ وہ پرامن احتجاج کے شہریوں کے جمہوری حق کے تحفظ کو یقینی بناتے ہوئے شفاف، جوابدہ، بدعنوانی سے پاک اور طلبہ کے لیے دوستانہ امتحانی نظام قائم کرے۔
