آندھرا پردیش میں جمعہ کی علی الصبح دو الگ الگ سڑک حادثات میں سات افراد ہلاک اور پانچ دیگر زخمی ہو گئے۔گنٹور ضلع میں ایک پرائیویٹ ٹریول بس سے ٹکرا جانے سے تین افراد ہلاک اور تین زخمی ہو گئے جس میں وہ سفر کر رہے تھے۔یہ حادثہ نالہ پاڈو پولیس اسٹیشن کی حدود میں انکی ریڈی پلیم کے قریب اس وقت پیش آیا جب کار ڈرائیور نے گاڑی کو سڑک کے کنارے روکا۔ نجی ٹریول کی بس پیچھے سے کار سے ٹکرا گئی۔متوفی کا تعلق تلنگانہ کے سوریا پیٹ ضلع سے تھا۔ ان کی شناخت وینکیا (70)، سشیلا (64) اور مہیش (28) کے طور پر ہوئی ہے۔ زخمیوں کو قریبی اسپتال میں داخل کرایا گیا۔متاثرین تروپتی سے سوریا پیٹ واپس آرہے تھے۔
نندیال میں 4 افراد ہلاک
ایک اور حادثے میں آ ندھرا پر دیش کے ضلع نندیال میں چار افراد ہلاک ہو گئے۔ یہ حادثہ علاگڈہ منڈل کے نالہ گٹلا کے قریب اس وقت پیش آیا جب ایک تیز رفتار کار ڈیوائیڈر سے ٹکرا گئی اور مخالف سمت سے آنے والی ایک پرائیویٹ ٹریول بس سے ٹکرا گئی۔کار میں سوار چار افراد موقع پر ہی جاں بحق جبکہ دو زخمی ہوگئے۔ زخمیوں کو نندیال کے سرکاری اسپتال میں داخل کرایا گیا ہے۔ پولیس نے اس معا ملے میں کیس درج کرلیا اور مزیدتحقیقات جاری ہیں ۔
حیدرآباد سے پڈوچیری جارہی تھی بس
ٹریول بس حیدرآباد سے پڈوچیری جارہی تھی۔ تمام مسافر محفوظ رہے۔ حکام نے بس کے مسافروں کے لیے متبادل سفری انتظامات کیے ہیں۔جاں بحق ہونے والے تمام افراد حیدرآباد کے رہنے والے تھے۔ ان کی شناخت گنڈے راؤ، شراون، نرسمہا اور بنی کے طور پر ہوئی ہے۔ سائی اور سدھارتھ نندیال اسپتال میں زیر علاج تھے۔پولیس کے مطابق وہ تروپتی سے حیدرآباد واپس آرہے تھے۔ گنڈے راؤ اور دیگر حیدرآباد کے نظام پیٹ علاقے میں کیٹرنگ سروس چلا رہے تھے۔
ریاستی وزرا کا اظہار افسوس
آندھرا پردیش کے وزیر ٹرانسپورٹ منڈی پلی رام پرساد ریڈی نے حادثات پر صدمے کا اظہار کیا ہے۔ انہوں نے سوگوار خاندانوں سے تعزیت کا اظہار کیا اور حکام کو ہدایت کی کہ وہ حادثے کا بہترین علاج فراہم کریں۔وزیر نے گاڑی چلانے والوں کو مشورہ دیا ہے کہ وہ قوانین پر عمل کریں اور حادثات سے بچنے کے لیے تمام احتیاطی تدابیر اختیار کریں۔ انہوں نے کہا کہ حکومت روڈ سیفٹی آگاہی پروگرام کو مزید مضبوط کرے گی۔وزیر زراعت کے آچنائیڈو اور وزیر برائے سڑک و عمارات بی سی جناردھن ریڈی نے بھی حادثات پر غم کا اظہار کیا ہے۔
ٹرین سے کٹ کر جسم دو حصوں میں تقسیم
نندیال میں سرکاری ملازم وائی سری راملو نے ٹرین کے نیچے آکر خودکشی کرلی۔ اس کا جسم کٹ کر دو حصوں میں تقسیم ہو گیا بتا یا جا رہا ہےکہ راملو شہر کے ایک شخص سے قرض لیا تھا۔ قرض دینے والے نے راملو کے بیٹے کو رقم کےسلسلے میں اسٹیشن طلب کیا۔ راملو نے اس عمل کو اپنی بے عزتی محسوس کرتے ہوئے ٹرین کےنیچے آکر خودکشی کرلی ۔ متعلقہ پولیس نے معاملہ درج کرلیا ہے۔ جانچ جاری ہے۔
