سنگر پلاش مچھل گزشتہ چند مہینوں سے سرخیوں میں ہیں۔ ان پر کرکٹر اسمرتی مندھاناکو دھوکہ دینے کا الزام لگا تھا، جس کے بعد ان کی شادی ٹوٹ گئی تھی۔ اب ان پر اداکار-پروڈیوسر 'ودھان مانے 'نے کئی سنگین الزامات لگائے ہیں۔ انڈین کرکٹر اسمرتی مندھاناکے دوست مانے نے دعویٰ کیا ہے کہ پلاش نے انڈین کرکٹر کو دھوکہ دیا اور ایک غیر ریلیزڈ فلم کے سلسلے میں ان سے 40 لاکھ روپے سے زیادہ کی ٹھگی کی ۔ودھان مانے نے مہاراشٹر کے سانگلی میں ایک شکایت بھی درج کرائی ہے۔ مانے کا دعویٰ ہے کہ وہ اسمرتی مندھاناکے بچپن کے دوست ہیں،اور انہی کے ذریعے وہ پلاش سے ملے تھے۔
'ہندوستان ٹائمز' کے مطابق کرکٹر کے دوست نے الزام لگایا کہ نومبر 2025 میں شادی کے فنکشن کے دوران پلاش کو دوسری خاتون کے ساتھ پکڑا گیا تھا۔ ان کے مطابق، انہوں نے کہا کہ؛میں 23 نومبر کو شادی میں شرکت کے لیے گیا تھا۔ وہاں پلاش کو دوسری خاتون کے ساتھ بستر میں رنگے ہاتھوں پکڑا گیا تھا۔ یہ ایک خوفناک منظر تھا۔ اسے انڈین ویمن کرکٹرز نے پیٹا بھی تھا۔ اس کا پورا خاندان چور ہے۔ مجھے لگا تھا کہ وہ شادی کر کے سانگلی میں سیٹل ہو جائے گا۔ لیکن یہ سب میرے ہی اوپر الٹ پڑ گیا۔
پلاش مچھل کی ماں سے سمریتی کے دوست کی بات:
ودھان نے آگے دعویٰ کیا کہ انہوں نے پلاش اور اس کے خاندان کے ساتھ مل کر ایک فلم بنانے کے لیے 40 لاکھ روپے انویسٹ کیے تھے۔ لیکن بعد میں ان پر اور روپے لگانے کا دباؤ بنایا جانے لگا۔ جب میں گزشتہ ماہ امیتا مچھل سے ملا تھا تو انہوں نے کہا کہ فلم کو ریلیز کرنے کا بجٹ اب 1.5 کروڑ روپے تک بڑھ گیا ہے۔
پلاش مچھل پر سمریتی کے دوست کا الزام:
انہوں نے دعویٰ کیا، وہ لوگ مجھ سے کہنے لگے کہ 10 لاکھ روپے اور انویسٹ کرو ورنہ مجھے ایک بھی روپیہ واپس نہیں ملے گا۔ ان لوگوں نے مجھے بلیک میل کرنا اور مجھے فلم سے نکالنے کی دھمکی دینا شروع کر دی تھی اور پھر مجھے مجبوراً شکایت درج کروانی پڑی۔ سمریتی کے دوست نے بتایا کہ شادی ٹوٹنے کے بعد سے ان کا پلاش سے رابطہ منقطع ہو گیا تھا۔ شادی ٹوٹنے کے بعد، اس کے خاندان والوں نے مجھے ہر جگہ سے بلاک کر دیا تھا۔ بعد میں یہ بھی معلوم ہوا کہ فلم کے آرٹسٹس کو بھی جو پیسے ملنے تھے، وہ نہیں ملے۔ فلم انڈسٹری میں تو سنا تھا کہ پروڈیوسرز کو ڈائریکٹرز ٹھگتے ہیں لیکن یہ تو مکمل چوری ہے۔
پلاش مچھل کے خاندان کے خلاف ثبوت:
وجنان نے بتایا کہ وہ بس مچھل فیملی کی سچائی دنیا کو بتانا چاہتے تھے۔ انہوں نے الزام لگایا کہ انہیں دھمکیاں مل رہی ہیں اور فلم ریلیز کے لیے تیار ہے لیکن اس میں کوئی پیش رفت نہیں دکھ رہی۔ میرے پاس فون پر ہونے والی بات چیت کی ریکارڈنگ اور چیٹس سب سیو ہیں۔ اسے میں پولیس اور میڈیا کے ساتھ شیئر کرنے کے لیے تیار ہوں۔
پلاش مچھل کا الزامات پر ردعمل:
ادھر، پلاش مچھل نے الزامات پر ردعمل دیا ہے۔ انہوں نے انسٹاگرام سٹوری پر لکھا کہ سانگلی کے ودھانا نے جو الزامات لگائے ہیں، وہ مکمل طور پر بے بنیاد اور حقائق کے خلاف ہیں۔ انہوں نے کہا کہ ان کی شبیہ کو خراب کرنے کے ارادے سے یہ الزامات لگائے گئے ہیں۔ سنگر کے مطابق، وہ اس پر قانونی کاروائی کریں گے اور انہوں نے بتایا کہ ان کے وکیل شریانش مٹھارے اس پر کام بھی کر رہے ہیں۔
