گوہاٹی میں کھیلے گئے دوسرے ٹیسٹ میں جنوبی افریقہ نے بھارت کو 408 رنز سے شکست دے دی۔549 رنز کے ہدف کا تعاقب کرتے ہوئے بھارت کی دوسری اننگز 140 رنز پر سمٹ گئی۔ اس ٹیسٹ میں بھارتی بلے بازوں کی کارکردگی نہایت مایوس کن رہی۔ پہلی اننگز میں صرف یشسوی جیسوال اور دوسری اننگز میں صرف رویندرا جڈیجا ہی نصف سنچری بنا سکے۔ پہلی اننگز میں بھی ٹیم انڈیا 201 رنز پر آل آؤٹ ہو گئی تھی۔ ٹیمبا باووما نے بطور کپتان اپنا ریکارڈ برقرار رکھتے ہوئے اس سیریز میں بھی کوئی ٹیسٹ نہیں ہارا۔ جنوبی افریقہ نے 2 ٹیسٹ میچوں کی سیریز 0-2 سے اپنے نام کی۔
جنوبی افریقہ نے پہلی اننگز میں 489 رنز بنائے
ٹیمبا باووما نے ٹاس جیت کر پہلے بلے بازی کا فیصلہ کیا۔ ایڈن مارکرم (38) اور ریان رکیلٹن (35) نے پہلے وکٹ کے لیے 82 رنز کی شاندار شراکت داری کر کے ٹیم کو مضبوط آغاز دیا۔ ٹرسٹن اسٹبس (49) اور ٹیمبا باووما (41) نے تیسرے وکٹ کے لیے 84 رنز کی پارٹنرشپ کی۔ بھارتی گیند باز پہلی اننگز میں بے اثر ثابت ہوئے۔ مارکو یانسن نے بھی تیز رفتار 93 رنز کی اننگز کھیلی، جس کے سہارے جنوبی افریقہ 489 کے بڑے مجموعے تک پہنچا۔
پہلی اننگز میں جنوبی افریقہ کی جانب سے سب سے زیادہ رنز متھوسامی نے بنائے۔ انہوں نے 2 چھکوں اور 10 چوکوں کی مدد سے 109 رنز کی شاندار اننگز کھیلی۔ یہ ان کا پہلا ٹیسٹ سنچری ہے۔ مارکو یانسن نے 93 رنز کی شاندار اننگز میں 7 چھکے لگا کر تاریخ رقم کی۔ وہ بھارت کے خلاف ایک ٹیسٹ اننگز میں سب سے زیادہ چھکے لگانے والے مشترکہ طور پر پہلے کھلاڑی بن گئے۔
بھارت کی طرف سے پہلی اننگز میں کلدیپ یادو نے سب سے زیادہ 4 وکٹیں حاصل کیں، مگر ان کی اکانومی 3.94 رہی اور انہوں نے 115 رنز دیے۔ بمرہ اور سراج نے بھی 2-2 وکٹیں لیں لیکن وہ بھی رنز روکنے میں ناکام رہے۔
201 رنز پر بھارت کی پہلی اننگز سمٹ گئی
جیسوال اور کے ایل راہول نے بھارت کو مثبت آغاز دلایا تھا اور دونوں نے پہلے وکٹ کے لیے 65 رنز کی پارٹنرشپ کی۔ مگر بھارتی مڈل آرڈر مکمل طور پر ناکام ہو گیا۔ راہول (22) کو مہاراج نے آؤٹ کیا، اس کے بعد جیسوال نے نصف سنچری مکمل کی، لیکن وہ بھی 58 رنز بنا کر ہارمر کے شکار ہو ئے۔ بھارت کا دوسرا وکٹ 95 پر گرا۔ اس کے بعد بھارت کا ساتواں وکٹ صرف 122 کے اسکور پر گر گیا، یعنی 27 رنز کے اندر 6 وکٹیں گر گئیں۔
سائی سُدرشن (15)، دھرو جریئل (0), رشبھ پنت (7), رویندرا جڈیجا (6), نیتیش کمار ریڈی (10) جلد ہی پویلین لوٹ گئے۔ مارکو یانسن نے اس اننگز میں 6 وکٹیں حاصل کیں۔ واشنگٹن سندر اور کلدیپ یادو کی شراکت نے کسی طرح بھارت کو 200 کے پار پہنچایا۔ سندر نے 48 رنز بنائے، جبکہ کلدیپ نے صرف 19 رنز بنائے لیکن 134 گیندیں کھیل کر ڈٹے رہے۔
بھارت کو جیت کے لیے 549 رنز کا ہدف ملا تھا
جنوبی افریقہ نے پہلی اننگز میں 288 رنز کی برتری حاصل کر لی تھی۔ مہمان ٹیم نے دوسری اننگز 260/5 پر ڈکلیئر کی اور بھارت کو 549 رنز کا انتہائی بڑا ہدف دیا۔ دوسری اننگز میں ٹرسٹن اسٹبس نے 93 رنز بنائے اور وہ اپنی سنچری بنانے سے پہلے آوٹ ہو گئے۔ ان کی وکٹ گر نے کے ساتھ ہی باووما نے اننگز ڈکلیئر کر دی۔
