سپریم کورٹ نے دَل بدلی معاملے میں اہم فیصلہ سنایا ہے۔ سپریم کورٹ نے بی آرایس پارٹی سے منحرف ہو کر کانگریس پارٹی میں شامل ہوئے ایم ایل ایز کو نا اہل قرار دینے کے معاملے پر اہم فیصلہ دیا ہے۔ عدالت نے تلنگانہ قانون ساز اسمبلی کے اسپیکر کو حکم دیا ہے کہ وہ تین ماہ کے اندر پارٹی تبدیل کرنے والے ایم ایل اے کے بارے میں فیصلہ لیں۔ اسپیکر کو 31 اکتوبر تک انحراف کی درخواستوں پر فیصلہ کرنا ہوگا۔
ملک کی اعلیٰ ترین عدالت، نے تلنگانہ اسمبلی اسپیکر کے فیصلے کے لیے وقت کی حد مقرر کی ہے۔ عدالت نے کہا کہ انحراف کی درخواستوں کو برسوں تک زیر التوا رکھنا درست نہیں ہے۔ سپریم کورٹ کے چیف جسٹس جسٹس گوائی کی سربراہی میں اعلیٰ بنچ نے عدالت ہی کو نااہل قرار دینے کی درخواست مسترد کر دی۔بنچ نے اس معاملے میں ہائی کورٹ ڈویژن بنچ کے فیصلے کو ایک طرف رکھ دیا۔ اس نے رائے دی کہ ایوان کو خود ان ایم ایل اے کے بارے میں قانون لانا چاہئے جنہوں نے پارٹیاں تبدیل کی ہیں۔
واضح رہےکہ نومبر 2023 میں تلنگانہ قانون ساز اسمبلی کے انتخابات میں کار کے نشان پر جیتنے والے دس بی آر ایس ، ایم ایل ایز، کانگریس میں شامل ہو گئے ہیں۔ بتایا جا رہاہے کہ بی آر ایس پارٹی کے ممبران اسمبلی کے پی وویکانند گوڈ اور پاڈی کوشک ریڈی کی طرف سے داخل کردہ خصوصی چھٹی کی عرضی اور بی آر ایس پارٹی کے کارگزار صدر کے ٹی آر کی طرف سے دائر رٹ پٹیشن میں کانگریس میں شامل ہوئے ممبران دانم ناگیندر، تیلم وینکٹ راؤ، کڈیم سری ہری، پوچارم سرینواس ریڈی، اریکا پوڈی گاندھی، کرشنا بینڈلی، گوڈیل مہا گاندھی، رام دیو رام ریڈی، ڈاکٹر سنجے اور پرکاش گوڑ۔کو نااہل قرار دینے کا مطالبہ کیا گیا ہے۔
. @RahulGandhi Can you practice what you preach?
— Harish Rao Thanneeru (@BRSHarish) July 31, 2025
Will you urge the Telangana Speaker to act as per the anti-defection law, introduced by your father, the late Rajiv Gandhi, through the 52nd Constitutional Amendment?
Or is carrying the Constitution in hand just an electoral… pic.twitter.com/mCxX8dYbZC
عدالت کےفیصلہ پر ہریش راؤ کا ردعمل
ادھرسینئر بی آرایس لیڈر، ٹی ہریش راؤ نے پارٹی وفاداری بدلنے کے معاملے پر سپریم کورٹ کے فیصلہ کا خیرمقدم کرتےہوئے اپنا رد عمل ظاہرکیا۔ سابق وزیر نےکانگریس لیڈر راہل گاندھی سے سوال کیاکہ، کیا آپ اس بات پر عمل کر سکتے ہیں جس کوآپ کہتے ہیں؟
ہریش راؤ نے سوال کیا کہ آپ تلنگانہ اسمبلی کے اسپیکر سے درخواست کریں گے کہ وہ آپ کے والد مرحوم راجیو گاندھی کے ذریعہ 52ویں آئینی ترمیم کے ذریعہ متعارف کرائے گئے انسداد انحراف قانون کے مطابق عمل کریں؟
یا آئین کی کتاب کو ہاتھ میں لینا محض ایک انتخابی دھوکہ ہے؟
