تلنگانہ میں آگلے دس دنوں کےدوران موسم گرما شباب پررہےگا۔ ماہرین موسمیات نے 12-22 اپریل کے لیے ہیٹ ویو الرٹ جاری کیا ہے۔ اور ساتھ ہی ریاست بھر میں درجہ حرارت 40 ° C سے زیادہ ہونے کی پیشن گوئی کی گئی ہے۔ تلنگانہ کے شمالی اور مشرقی اضلاع ممکنہ طور پر 44 ° C سے تجاوز کر سکتے ہیں اور حیدرآباد میں 10 دنوں کے لیے 40-41 ° C پر برقرار رہے گا۔
44گری رہےگا درجہ حرارت
اور پر دئے گئے نقشہ میں ریاست کے بیشتر حصوں میں 42-44 ° C زون کے لیے سرخ، 39-42 ° C علاقوں کے لیے نارنجی/پیلا، کم سے کم بارش پر زور دیتا ہے اور ہائیڈریشن کے علاوہ محدود دوپہر کے سفر پر زور دیتا ہے۔ آئی ایم ڈی کی پیشین گوئیاں اپریل کے دوران تلنگانہ میں گرمی کے بلند خطرات کی حمایت کرتی ہیں، متعدد اضلاع میں 41-44°C کے لیے حالیہ الرٹس پوسٹ کے توسیع شدہ آؤٹ لک اور اسکول کے اوقات اور کمزور گروپوں کے بارے میں عوامی خدشات کے مطابق ہیں۔
محکمہ صحت کا عوام کومشورہ
دوسری جانب تلنگانہ کےمحکمہ صحت نے عوام کے لیے احتیاطی ہدایات جاری کی ہیں۔ ڈائریکٹر پبلک ہیلتھ ڈاکٹر بی رویندر نائک نے شہریوں کو مشورہ دیا ہے کہ وہ زیادہ سے زیادہ گھروں میں رہیں اور خاص طور پر دوپہر 12 بجے سے 3 بجے کے درمیان باہر نکلنے سے گریز کریں۔
ہیٹ اسڑوک اور دیگر بیماریوں کا خطرہ
ماہرین کے مطابق دھوپ میں زیادہ دیر رہنے یا سخت جسمانی مشقت کرنے والے افراد میں ہیٹ اسٹروک اور دیگر گرمی سے متعلق بیماریوں کا خطرہ بڑھ جاتا ہے، خاص طور پر بچوں، بزرگوں اور دائمی امراض میں مبتلا افراد کے لیے یہ صورتحال زیادہ خطرناک ہو سکتی ہے۔
ہیٹ اسٹروک کی علامات:
متلی، قے، جسم کا درجۂ حرارت 104 ڈگری سے زیادہ ہونا، جلد کا گرم اور خشک ہونا، شدید سر درد، تیز دل کی دھڑکن، سانس لینے میں دشواری، ذہنی الجھن اور دورے پڑنا شامل ہیں۔
گرمی سے بچاؤ کے لیے احتیاطی تدابیر:
- وافر مقدار میں پانی پئیں اور ORS کا استعمال کریں
- لیموں پانی، لسی اور پھلوں کے جوس کا استعمال کریں
- سفر کے دوران پانی ساتھ رکھیں
- تربوز، خربوزہ، سنگترہ، انگور اور کھیرے جیسے پانی سے بھرپور پھل کھائیں
- ہلکے رنگ کے ڈھیلے سوتی کپڑے پہنیں
- دھوپ سے بچنے کے لیے ٹوپی، چھتری یا رومال کا استعمال کریں
- دن کے وقت کھڑکیاں اور پردے بند رکھیں
شدید گرمی میں کیا نہ کریں:
- دوپہر کے وقت سخت جسمانی مشقت سے گریز کریں
- زیادہ گرمی میں کھانا پکانے سے پرہیز کریں
- الکحل، چائے، کافی اور سافٹ ڈرنکس کا استعمال کم کریں
- زیادہ مصالحے دار، نمکین اور چکنائی والی غذا سے پرہیز کریں
- حکام نے عوام سے اپیل کی ہے کہ وہ احتیاطی تدابیر اختیار کریں اور گرمی کی شدت کے دوران اپنی صحت کا خاص خیال رکھیں۔
محکمہ موسمیات کا الرٹ
پہلے ہی تلنگانہ کا محکمہ موسمیات 10 اپریل سے گرمی میں اضافہ کے پیش نظر آرنج الٹ جاری کیا ہے۔ تلنگانہ کے بیشتر اضلاع میں شدید گرمی کی لہر برقرار رہے گی اور درجہ حرارت 41 سے 44 ڈگری سیلسیس کے درمیان رہنے کا امکان ہے۔محکمہ موسمیات کے مطابق یادادری بھونگیر، ونپرتی، وقارآباد، سدی پیٹ، سنگاریڈی، راجنا سرسلہ، پداپلی، نظام آباد، نرمل ، نارائن پیٹ، ناگرکرنول، منچریال، محبوب نگر، کومرم بھیم آصف آباد، کھمم، کریم نگر، جوگولامبا گدوال، جنگاؤں، جگتیال، ہنمکنڈہ، بھدراچلم کتہ گوڈیم اور عادل آباد اضلاع شدید گرمی کی لپیٹ میں رہیں گے۔
