تلنگانہ حکومت نے محکمہ اقلیتی بہبود کے تحت تلنگانہ مینارٹیز اسٹڈی سرکل کے ذریعے اقلیتی نوجوانوں کے لیے بینکنگ اور مالیات میں ایک ماہ کی مفت ٹریننگ و ایمپلائمنٹ پروگرام شروع کیا ہے۔ یہ غیررہائشی پروگرام حیدرآباد میں منعقد کیا جائے گا۔ اس کے لئے درخواستیں آن لائن18 جولائی سے داخل کی جا سکتی ہیں۔
درخواست دینے کی اہلیت
تلنگانہ کے اقلیتی امیدواروں (مسلم، عیسائی، سکھ، جین، پارسی، اور بودھ) درخواستیں داخل کرسکتے ہیں۔
تعلیمی قابلیت،عمر اور آمدنی حد
درخواست دہندگان کو کم از کم 50% نمبروں کے ساتھ گریجویٹ یا پوسٹ گریجویٹ ہونا چاہیے۔ اور ان عمر 26 سال سے کم ہو۔ اور ساتھ ہی امیدواروں کے والدین کی سالانہ آمدنی5 لاکھ روپئے سے کم ہو۔
درخواستیں کیسے داخل کریں
درخواستیں 18 جولائی سے 18 اگست 2025 تک آن لائن رجسٹریشن یا ضلعی بہبود کے دفاتر میں داخل کی جا سکتی ہیں۔ امیدوار مزید تفصیلات کے لیے فون نمبر 040-23236112 پر رابطہ کریں یا Directormscccctelangana@gmail.com پر ای میل کریں۔
