حیدرآباد میں ایم ایل سی چنتاپانڈو نوین کمار کے دفتر میں کشیدگی دیکھی گئی۔ نوین کمار کو تین مار ملنّا کے نام سے بھی جانا جاتا ہے۔ اتوار کو تین مار ملنا کے گن مین نے مظاہرین کے ایک گروپ کو منتشر کرنے کے لیے فائرنگ کر دی۔ بتایا جا رہا ہےکہ بی آر ایس لیڈر، ایم ایل سی کویتا پر تین مار ملنّا کی جانب سے مبینہ اہانت آمیز ریمارکس کرنے پر تلنگانہ جاگروتی سے وابستہ مظاہرین نے حیدرآباد کے علاقہ میڈی پلی اْپل میں تین مار ملنّا کے دفتر کے باہر جمع ہوئے۔ اور کویتا کے خلاف ان کے حالیہ ریمارکس کی مذمت کی۔ اور ان کے دفتر پر حملہ کر دیا۔
تلنگانہ جاگروتی کے کارکنوں کا حملہ
پولیس ذرائع کے مطابق، صورتحال اس وقت بگڑ گئی جب جاگروتی کارکنوں نے مبینہ طور پر ملنا کے دفتر کے احاطے میں توڑ پھوڑ کی۔ جواب میں ملنّا کے گن مین نے ہجوم پر قابو پانے کے لیے ہوا میں انتباہی گولیاں چلائیں۔ایم ایل سی کویتا کے دفتر نے دعویٰ کیا ہے کہ ایک تلنگانہ جاگروتی کارکن، جس کی شناخت سائی کے طور پر ہوئی ہے، فائرنگ میں زخمی ہوا ہے۔ گن مین نے پانچ راونڈ فارئنگ کی۔ مظاہرین نے نعرے لگاتے ہوئے مبینہ طور پر عملے پر حملہ کیا اور ایم ایل سی کے چیمبر میں گھسنے کی کوشش کی۔ صورتحال نے سنگین رخ اختیار کرتے ہوئے ایم ایل سی کے گن مین نے ہوا میں پانچ گولیاں چلائیں۔حملے کے وقت ملنا دفتر میں موجود تھے اور ایک بندوق بردار نے انہیں بچانے کے لیے فائرنگ کر دی۔ مبینہ طور پر جھگڑے میں ایم ایل سی کے ہاتھ پر چوٹیں آئیں۔
క్యూ న్యూస్ కార్యాలయం వద్ద నిరసన తెలపడానికి వెళ్ళిన జాగృతి కార్యకర్తలపై కాల్పులు జరిపిన తీన్మార్ మల్లన్న గన్మెన్లు https://t.co/WRBTI4bIZI pic.twitter.com/MbxdKIN5AD
— Telugu Scribe (@TeluguScribe) July 13, 2025
کیا ہے معاملہ
کانگریس حکومت کی جانب سے حال ہی میں بی سی طبقہ کو 42 فیصدر ریرزویشن دینے کی منظوری دی گئی۔ بی سی طبقہ کو ریزرویشن دینے کی مانگ کو لیکر بی آر ایس لیڈر کویتا نے احتجاج کیا تھا۔ حکومت کی منظوری کےبعد کویتا نے جشن منایا۔ کویتا کا کہنا ہےکہ انکی جدوجہد کے بعد ہی حکومت ریزرویشن دینے پر مجبور ہوئی۔
تین مار ملنّا کا قابل اعتراض تبصرہ
کویتا کے جشن منانے اور اس کی کامیابی کا سہرا اپنی جدوجہد کو قرار دینے پر تین مار ملنّا نے اعتراض جتایا۔ کانگریس کے ایک سابق لیڈر تین مار ملنّا کے نازیبا بیان کے بعد احتجاج شروع ہوا۔ ملنّا کے بیان کو شدید قابل اعتراض سمجھا جاتا ہے۔ ایک حالیہ بیان میں ملنّا نے ایم ایل سی کویتا سے اشتعال انگیز الفاظ میں سوال کیا تھا۔"کیا ایک پلیٹ پر کوئی معاہدہ ہے؟ کیا ایک بستر پر کوئی معاہدہ ہے؟ آپ کو پسماندہ طبقات کے فوائد سے کیا لینا دینا ہے؟ کیا آپ خود بھی پسماندہ طبقے ہیں؟"۔
لفظ 'بیڈ' پر مشتمل تبصرے نے کویتا کے حامیوں کی طرف سے شدید ردعمل کو جنم دیا، جس کے نتیجے میں اتوار کو ملنا کے دفتر کے باہر ڈرامائی مناظر دیکھنے میں آئے۔پولیس صورتحال پر نظر رکھے ہوئے ہے اور سرکاری شکایت درج ہونے کے بعد مزید کارروائی کا امکان ہے۔ واضح رہے کہ تین ما ر ملنّا کومخالف پارٹی سرگرمیوں میں ملوث ہونے کا الزام لگا کر پارٹی سے معطل کر دیا گیا ہے۔
బీసీలతో నీకు మంచం పొత్తు ఉందా అంటూ ఎమ్మెల్సీ కవితపై అనుచిత వ్యాఖ్యలు చేసిన ఎమ్మెల్సీ తీన్మార్ మల్లన్న
— Telugu Scribe (@TeluguScribe) July 13, 2025
బీసీలకు ఏమొస్తే నీకెందుకు.. నువ్వేమన్న బీసీవా.. కంచం పొత్తు ఉందా.. మంచం పొత్తు ఉందా అంటూ ఎమ్మెల్సీ కవితపై ఎమ్మెల్సీ తీన్మార్ మల్లన్న చేసిన అనుచిత వ్యాఖ్యలతో చెలరేగిన వివాదం https://t.co/4ufUu50WVs pic.twitter.com/UCy5z8ewsJ
سیاسی مخالفین کو نشانہ بناتے ہیں ملنّا
ملنا، جو یوٹیوب چینل کیو نیوز چلاتے ہیں، جون 2024 میں کانگریس پارٹی کے امیدوار کے طور پر ورنگل-نلگنڈہ-کھمم گریجویٹ ایم ایل سی حلقہ سے ضمنی انتخاب میں ایم ایل سی کے طور پر منتخب ہوئے تھے۔ وہ سابق چیف منسٹر کے سی آر اور ان کے ارکان خاندان کے سخت ناقد رہے ہیں۔ایم ایل سی اپنے متنازعہ تبصروں اور سیاسی مخالفین کو نشانہ بناتے ہوئے جارحانہ زبان کے استعمال کے لیے جانا جاتا ہے۔ جب بی آر ایس کی حکومت تھی تو ان کے خلاف کئی مقدمات درج کیے گئے تھے۔
کانگریس سے پہلے بی جے پی میں تھے ملنا
وہ جیل سے رہا ہونے کے فوراً بعد دسمبر 2021 میں بی جے پی میں شامل ہو گئے تھے۔ ان کے خلاف کل 38 مقدمات درج کیے گئے تھے۔ ان کے خلاف درج کیے گئے کچھ مقدمات کے سی آر، ان کے بیٹے کے ٹی آر اور بیٹی کویتا کے خلاف توہین آمیز تبصرہ کرنے کے تھے۔2023 میں کانگریس پارٹی کے اقتدار میں آنے کے بعد، وہ پارٹی میں شامل ہوئے اور ایم ایل سی منتخب ہوئے۔اور اب کانگریس نے بھی انھیں معطل کر دیا ہے۔
