عالمی منڈی میں قیمتی دھاتوں کے لیے بڑھتی ہوئی امریکی ییلڈز اور امریکہ۔ایران کشیدگی کے باعث غیر یقینی صورتحال کے درمیان منگل کو سونے اور چاندی کی قیمتوں میں کمی دیکھی گئی۔ دونوں قیمتی دھاتوں میں ایک فیصد تک گراوٹ ریکارڈ کی گئی۔ملٹی کموڈیٹی ایکسچینج (MCX) پر دسمبر کے لیے سونے کے فیوچرز 1لاکھ48ہزار 410 روپئےفی 10 گرام پر ٹریڈ کر رہے تھے، جو گزشتہ سطح کے مقابلے میں 487 یا 0.33 فیصد کم ہے۔
کاروبار کے دوران سونے کی قیمت میں زیادہ سے زیادہ 0.50 فیصد یعنی 747 روپئےکی کمی ہوئی اور یہ گر کر 1,48,150 فی 10 گرام کی انٹرا ڈے کم ترین سطح پر پہنچ گیا۔ صبح 10:34 بجے تک سونے نے 1لاکھ49ہزار 034 روپئےکی بلند ترین سطح بھی چھوئی، جو 0.09 فیصد یا 137 روپئےکا اضافہ تھا۔
دوسری جانب دسمبر کے چاندی کے فیوچرز میں زیادہ دباؤ دیکھا گیا۔ چاندی کی قیمت 1.29 فیصد یا 2,942 روپئےتک گر کر 2لاکھ24ہزار 500 روپئےفی کلوگرام کی انٹرا ڈے کم ترین سطح پر پہنچ گئی۔
بعد میں چاندی 2لاکھ25ہزار 338 فی کلوگرام پر ٹریڈ کرتی دیکھی گئی، جو 2,104 روپئےیا 0.93 فیصد کی کمی ہے۔ کاروبار کے دوران چاندی نے 2,26,359 کی انٹرا ڈے بلند ترین سطح بھی چھوئی، جو گزشتہ سطح کے مقابلے میں 0.47 فیصد یا 1,083 روپئےکم تھی۔
امریکہ۔ایران کشیدگی سے دباؤ
قیمتی دھاتوں میں فروخت کا دباؤ آبنائے ہرمز کے معاملے پر امریکہ اور ایران کے درمیان بڑھتی ہوئی کشیدگی کے درمیان دیکھا گیا۔ اس صورتحال نے توانائی کی قیمتوں کو بلند رکھنے میں کردار ادا کیا ہے۔اسپاٹ گولڈ میں بھی مندی کا رجحان برقرار رہا۔ گزشتہ سیشن میں تقریباً 4 فیصد کی بڑی گراوٹ کے بعد سونا سات ہفتوں کی کم ترین سطح پر پہنچ گیا تھا۔
رپورٹس کے مطابق ایرانی حکام نے نجی طور پر نومبر میں ہونے والے امریکی وسط مدتی انتخابات سے قبل واشنگٹن کے ساتھ دشمنی ختم کرنے کے لیے کسی معاہدے تک پہنچنے کے امکانات پر مایوسی کا اظہار کیا ہے۔یہ پیش رفت اس وقت سامنے آئی جب امریکی صدر ڈونلڈ ٹرمپ نے آبنائے ہرمز کو سات دن کے اندر دوبارہ کھولنے سے متعلق ایران کی تازہ تجویز مسترد کردی۔
امریکہ اور ایران کے درمیان جاری غیر یقینی صورتحال نے توانائی کی قیمتوں کو بلند رکھا ہے، جبکہ امریکی ییلڈز میں اضافہ سونے اور چاندی جیسی ایسی اثاثہ جاتی اقسام پر دباؤ ڈال رہا ہے جو باقاعدہ منافع یا ییلڈ فراہم نہیں کرتیں۔
سونے کے لیے اہم سپورٹ اور ریزسٹنس
کموڈیٹی ماہرین کے مطابق، قلیل مدتی بنیاد پر سونے کے لیے 1لاکھ50, ہزار، روپئےسے 1,50,700 کی سطح ابتدائی مزاحمتی سطح (Resistance) ہے۔ اس کے بعد 1,52,000 سے 1,52,600 اہم مزاحمتی زون ہوسکتا ہے۔
دوسری جانب سونے کے لیے فوری سپورٹ 1,48,000 سے 1,47,300 کے درمیان دیکھی جا رہی ہے، جبکہ اس کے نیچے 1,46,000 سے 1,45,300 کی سطح اہم سپورٹ بن سکتی ہے۔
ماہرین کے مطابق قلیل مدت میں سونے کا رجحان محتاط رہنے کا امکان ہے۔ 1,50,000 سے اوپر مسلسل مضبوطی ریکوری کی تصدیق کے لیے اہم ہوگی، جبکہ 1,48,000 سے نیچے فیصلہ کن گراوٹ قیمت میں مزید کمی کا باعث بن سکتی ہے۔
چاندی میں بھی محتاط رجحان
ماہرین کے مطابق چاندی نے منگل کو تقریباً 2,26,000 کے قریب کم سطح پر کاروبار شروع کیا اور 2,27,000 سے 2,28,000 کے زون سے نیچے رہی۔ پیر کی شدید گراوٹ کے بعد یہ زون اب چاندی کے لیے مزاحمتی سطح بن گیا ہے۔چاندی کے لیے فوری مزاحمت 2,27,000 سے 2,28,000 کے درمیان ہے، جبکہ اس کے بعد2,32,000 سے 2,33,000 کا زون اہم ہوگا۔
دوسری جانب چاندی کے لیے ابتدائی سپورٹ 2,24,000 سے 2,23,000 کے درمیان ہے، جبکہ اس کے نیچے 2,20,000 سے 2,19,000 کی سطح دیکھی جا رہی ہے۔ماہرین کے مطابق چاندی کے لیے قلیل مدتی رجحان محتاط سے منفی ہے۔ 2,28,000 سے اوپر مسلسل مضبوطی صورت حال کو مستحکم کرنے کے لیے ضروری ہوگی، جبکہ 2,24,000 سے نیچے فیصلہ کن گراوٹ چاندی کو تقریباً 2,20,000 کے علاقے تک لے جا سکتی ہے۔
