جاپان کے آئیچی-ناگویا میں ایشین گیمز 2026 کے مقابلے جاری ہیں۔ 20 ستمبرکو بھارتی کھلاڑی شوٹنگ، ہاکی، کرکٹ، ٹیک بال اور مکسڈ مارشل آرٹس سمیت مختلف کھیلوں میں اپنے کھیل کا جادو دکھایا ۔ بھارت کی خواتین کی کرکٹ ٹیم سیمی فائنل میں بنگلہ دیش کوشکست دی، جبکہ مردوں اور خواتین کی ہاکی ٹیمیں بھی اپنی مہم جاری رکھے ہوئے ہیں۔
بھارت کیلئے پہلا میڈل
بھارت نے ایشین گیمز 2026 میں اپنا پہلا میڈل جیت لیا ہے۔ ایلاوینل ولاریوان، سونم مسکر اور ودارسا ونود پر مشتمل بھارتی ٹیم نے خواتین کے 10 میٹر ایئر رائفل ٹیم ایونٹ میں چاندی کا تمغہ حاصل کیا۔ بھارتی ٹیم دوسرے نمبر پر رہی، جبکہ چین نے سونے کا تمغہ جیتا اور جاپان تیسرے نمبر پر رہا۔
شوٹنگ میں سونم مسکر نے خواتین کے 10 میٹر ایئر رائفل کے کوالیفکیشن راؤنڈ میں 634.1 کا اسکور کیا، جبکہ ودارسا ونود نے 630.4 کا اسکور حاصل کیا اور نویں پوزیشن پر رہیں۔ خواتین کے 10 میٹر ایئر رائفل کا انفرادی فائنل صبح 11 بجے مقرر تھا، جس کے لیے کوالیفکیشن راؤنڈ کے بعد کھلاڑیوں کا فیصلہ ہونا تھا۔
دوسری جانب بھارتی خواتین کی ہاکی ٹیم نے بھی ایشین گیمز میں اپنی مہم کا شاندار آغاز کیا۔ پول بی کے میچ میں بھارت نے ازبکستان کو 19-0 سے شکست دی۔ بھارت نے میچ کے آغاز سے ہی برتری قائم رکھی اور کھیل کے دوران مسلسل گول کرتے ہوئے بڑی کامیابی حاصل کی۔
ٹیک بال میں بھارت کو مایوسی کا سامنا کرنا پڑا۔ Quimcy Dsouza کو خواتین کے سنگلز کے کانسی کے تمغے کے مقابلے میں جاپان کی Yuina Sakamoto نے 11-12، 11-12 سے شکست دی۔ Dsouza محمد انس بیگ کے ساتھ مکسڈ ڈبلز کے کانسی کے تمغے کے مقابلے میں بھی شامل تھیں۔ 20 ستمبر کو ٹیک بال میں بھارت کے دونوں کانسی کے مقابلے شیڈول تھے۔
مکسڈ مارشل آرٹس میں بھارت کی Suchika Tariyal نے خواتین کے ٹریڈیشنل 60 کلوگرام زمرے کے کوارٹر فائنل میں منگولیا کی التانچیمیگ بائگالما کو شکست دے کر سیمی فائنل میں جگہ بنا لی۔ سیمی فائنل میں پہنچنے کے ساتھ ہی بھارت کا اس ایونٹ میں کم از کم کانسی کا تمغہ یقینی ہوگیا۔
کرکٹ میں بھارتی خواتین ٹیم سیمی فائنل میں بنگلہ دیش کے خلاف میدان شاندار جیت حاصل کی۔ سیمی فائنل میں بنگلہ دیش کو 114 رنز سے شکست دیدی۔ہندوستانی ٹیم ایشین گیمز ویمن کرکٹ کے فائنل میں پہنچ گئی ہے۔ نوجوان اوپنر شفالی ورما کی شاندار سنچری کی بدولت بھارت نے سیمی فائنل میں بنگلہ دیش کو 114 رنز کے بڑے مارجن سے شکست دی۔ اس فتح کے ساتھ ہی انہوں نے گولڈ میڈل میچ کے لیے کوالیفائی کر لیا اور تمغہ حاصل کر لیا۔ بیٹنگ اور باؤلنگ دونوں میں مکمل غلبہ دکھانے والی ہندوستانی ٹیم نے بنگلہ دیش کو زبردست شکست دی۔
ہاکی میں خواتین کی ٹیم کے ازبکستان کے خلاف میچ کے بعد بھارتی مردوں کی ٹیم انڈونیشیا کے خلاف پول اے میں اپنی مہم شروع کی۔ بھارتی مردوں کی ہاکی ٹیم ایشین گیمز کی دفاعی چیمپئن کے طور پر ٹورنامنٹ میں شریک ہے۔
