مرکز برائے توانائی و صاف ہوا تحقیق (CREA) کی ماہانہ تجزیاتی رپورٹ کے مطابق بھارت نے اکتوبر 2026 میں روسی حیاتی ایندھن کی خریداری کو نمایاں طور پر بڑھا دیا، جس سے روس کی برآمدی آمدنی دسمبر 2022 کے بعد اپنی بلند ترین ماہانہ سطح پر پہنچ گئی۔ رپورٹ کہتی ہے کہ بھارت نے اکتوبر میں روسی ہائیڈروکاربنز پر مجموعی طور پر 6.4 ارب یورو خرچ کیے، جو جنوری 2022 سے دستیاب اعدادوشمار میں سب سے زیادہ ہے، اور اس اضافے کی بڑی وجہ خام تیل کی درآمدات میں تیزی رہی۔
سینٹر فار ریسرچ آن انرجی اینڈ کلین ایئر(سی آر ای اے)کے مطابق بھارت اکتوبر 2026 میں روسی حیاتی ایندھن کا دوسرا بڑا خریدار رہا جبکہ چین بدستور سب سے آگے ہے۔ بھارت کی خریداری میں خام تیل کا حصہ 91 فیصد یعنی 5.8 ارب یورو رہا، جب کہ کوئلے پر 333 ملین یورو اور تیل کی مصنوعات پر 232 ملین یورو خرچ ہوئے۔ رپورٹ میں بتایا گیا کہ اسی ماہ چین نے روسی حیاتی ایندھن 10.7 ارب یورو مالیت تک خریدا، جو سرفہرست پانچ خریداروں میں روس کی آمدنی کا 51 فیصد بنتا ہے۔
سی آر ای اےنے کہا کہ اکتوبر میں بھارت کی روسی خام تیل کی درآمدات ماہ بہ ماہ 10 فیصد بڑھیں، اور ملک کی تین بڑی ریفائنریوں — نایارا انرجی کی ودینار، ریلائنس انڈسٹریز کی جام نگر، اور انڈین آئل کارپوریشن کی پڑدیپ — تینوں میں روسی خام کی وصولی میں اضافہ ہوا۔ ودینار میں وصولیاں 12 فیصد، جام نگر میں 22 فیصد اور پڑدیپ میں 28 فیصد بڑھیں، جس کے نتیجے میں جام نگر ایک بار پھر بحری راستے سے روسی خام کا سب سے بڑا درآمدی مرکز بن گیا۔
یورپی یونین اکتوبر 2026 میں روسی حیاتی ایندھن کا تیسرا بڑا خریدار رہا اور سرفہرست پانچ خریداروں میں روس کی آمدنی کا 11 فیصد یعنی 2.2 ارب یورو اسی سے آیا۔ اسی دوران بھارت، ترکیہ اور برونائی کی وہ ریفائنریاں جو روسی خام استعمال کرتی ہیں، انہوں نے اکتوبر میں 1.6 ارب یورو مالیت کی تیل مصنوعات ان ملکوں کو برآمد کیں جنہوں نے یوکرین پر فروری 2022 کے حملے کے بعد روس پر پابندیاں عائد کر رکھی ہیں۔ ان کی منزلوں میں یورپی یونین 1.2 ارب یورو، آسٹریلیا 271 ملین یورو، امریکہ 94 ملین یورو اور نیوزی لینڈ 23 ملین یورو شامل رہے۔ کریا کا اندازہ ہے کہ ان مصنوعات میں سے 389 ملین یورو روسی خام سے تیار کی گئیں۔
رپورٹ کے مطابق اکتوبر میں مجموعی برآمدی حجم تقریباً مستحکم رہنے کے باوجود عالمی قیمتوں میں اضافے نے روس کی توانائی آمدن کو سہارا دیا۔ روس کی حیاتی ایندھن برآمدی آمدنی ماہ بہ ماہ 14 فیصد بڑھ کر یومیہ 754 ملین یورو تک پہنچ گئی، جب کہ خام تیل کی برآمدی آمدنی 19 فیصد بڑھ کر یومیہ 449 ملین یورو ہوئی اور حجم 6 فیصد بڑھا۔ بحری خام تیل کی کمائی 23 فیصد بڑھ کر یومیہ 352 ملین یورو رہی، جو جنوری 2022 سے کریا کے ریکارڈ میں بلند ترین ماہانہ سطح ہے، جب کہ پائپ لائن خام کی آمدنی 6 فیصد بڑھی۔
