ریلوے اور جل شکتی کے مرکزی وزیر مملکت وی سومنّا نے ہفتہ کے روز ان مذہبی مقامات پر عقیدت مندوں کے لئے پانی کے پائیدار انتظام اور ماحولیاتی تحفظ کی ضرورت پر زور دیا جہاں سال بھر لوگوں کی آمدورفت ہوتی ہے۔سومنا کٹرا میں شری ماتا ویشنو دیوی شرائن بورڈ کے ذریعہ شروع کئے گئے پانی کے تحفظ اور ماحولیاتی پائیداری کے مختلف اقدامات کا جائزہ لینے کے لئے بلائی گئی ایک میٹنگ میں کہا، جو ریاسی ضلع میں تریکوٹہ پہاڑیوں پر واقع ماتا ویشنو دیوی جانے والے یاتریوں کے لئے بیس کیمپ ہے۔ایک سرکاری ترجمان نے بتایا کہ جائزہ میٹنگ کے بعد مرکزی وزیر نے اپنی شریک حیات کے ہمراہ ماتا ویشنو دیوی پر حاضری دی۔
قبل ازیں، شری ماتا ویشنو دیوی شرائن بورڈ کے ایڈیشنل چیف ایگزیکٹیو آفیسر آلوک کے موریہ نے وزیر کو آبی وسائل کے تحفظ اور مزار کے علاقے میں اور اس کے آس پاس ماحولیاتی استحکام کو فروغ دینے کے لیے بورڈ کی طرف سے نافذ کیے جانے والے اقدامات کے بارے میں بتایا۔
ترجمان نے کہا کہ موریہ نے وزیر کو بورڈ کے ان اقدامات سے آگاہ کیا جن کا مقصد بارش کے پانی کو جمع کرنا اور زمینی پانی کے ریچارج کی سہولت فراہم کرنا ہے، اس طرح پانی کے وسائل کے تحفظ میں تعاون کرنا ہے۔
انہوں نے کہا کہ وزیر کو بورڈ کی طرف سے کئے جانے والے مائع سیوریج ٹریٹمنٹ کے اقدامات اور خطے میں ماحولیاتی تحفظ میں معاونت میں شجرکاری کے کردار کے بارے میں بھی بریفنگ دی گئی۔سومنا نے شرائن بورڈ کی طرف سے پانی کے تحفظ، گندے پانی کے انتظام اور جنگلات کے لیے کیے گئے اقدامات کی تعریف کی۔وزیر نے پانی کے پائیدار انتظام اور ماحولیاتی تحفظ کی اہمیت پر زور دیا، خاص طور پر ان علاقوں میں جہاں سال بھر بڑی تعداد میں عقیدت مند آتے ہیں۔
ریلوے کے مرکزی وزیر مملکت وی سومنا نے جموں و کشمیر میں یو ایس بی آر ایل ریل پروجیکٹ کے حصے کے طور پر چناب پل سائٹ کا دورہ کیا،مرکزی وزیر نے اپنی اہلیہ، محترمہ شیلجا سومنا کے ہمراہ جموں میں انجینئرنگ کے شاہکار 'چناب برج' کا بھی دورہ کیا ۔ ڈویژنل ریلوے مینیجر وویک کمار اور سی اے او آلوک کمار کے ساتھ پیش رفت کا جائزہ لیا۔ریاسی کے ایم ایل اے کلدیپ دوبے اور DY.CE Jayasimha کے ساتھ، گروپ نے ایک انڈور بریفنگ کے دوران چناب پل اور وسیع تر جموں کشمیر ریل نیٹ ورک کے تفصیلی پریزنٹیشن اور صف بندی کے نقشے دیکھے۔
ترجمان نے کہا کہ بریفنگ کے دوران جن اقدامات پر روشنی ڈالی گئی ان میں چھتوں پر بارش کے پانی کی ذخیرہ اندوزی، زمینی پانی کی ریچارج، مائع سیوریج ٹریٹمنٹ اور جنگلات شامل ہیں۔انہوں نے کہا کہ یہ اقدامات علاقے کے ماحولیاتی توازن کو برقرار رکھتے ہوئے آبی وسائل کے پائیدار استعمال اور تحفظ کو فروغ دینے کے لیے شرائن بورڈ کی کوششوں کا حصہ ہیں۔
