جھارکھنڈ کے ضلع گڑھوا میں میٹرک کے واحد امیدوار کے لیے نہ صرف ایک امتحانی مرکز قائم کیا گیا۔ بلکہ اس مرکز پرمکمل انتظامات اور حفاظتی نظم کیا گیا۔ بورڈ امتحانات کے دوران بڑے پیمانے پر کئے گئے انتظامات نے توجہ مبذول کرائی تھی۔ واحد امتحان تحریر کرنےوالے امیدوار کےلئے 40 سے زائد اہلکار تعینات کئے گئے۔ یہ غیر معمولی انتظامات شنکر کمار سنگھ نامی 10ویں جماعت کے طالب علم کےلئے تھے۔ جنہوں نے اپنے امتحان کے لئے مضمون کے طور پر موسیقی کو منتخب کیا تھا۔ ان کا امتحانی مرکز رامکنڈہ بلاک کے تحت ہرہے کے اپ گریڈڈ مڈل اسکول میں قائم کیا گیا تھا۔
جب سنگھ اپنے امتحان کے لیے حاضر ہوئے، تو انتظامات ایک اعلیٰ حساسیت کے مرکز کے لیے کیے گئے تھے۔ امتحانی ہال کو سی سی ٹی وی نگرانی کے تحت رکھا گیا تھا، ایک مجسٹریٹ کو ڈیوٹی پر تعینات کیا گیا تھا، 18 مانیٹرنگ اہلکار تعینات کیے گئے تھے، اور 12 پولیس اہلکار مرکز پر تعینات تھے۔
ایک امتحان تحریر کرنے والے کے لیے بڑے پیمانے کئے گئے انتظامات پورے ضلع میں بحث کا موضوع بن گئے ہیں۔ خاص طور پر چونکہ میٹرک اور انٹرمیڈیٹ دونوں طلبہ کے لیے بورڈ کے امتحانات فی الحال پورے جھارکھنڈ میں سخت نگرانی میں جاری ہیں۔
ایک مرکز ایسا بھی
ہرھےمرکز کو کئی علاقوں کے 406 امیدواروں اور رامکنڈہ میں درج فہرست ذات کے رہائشی اسکول اور کستوربا گاندھی بالیکا ودیالیہ کے طلباء کے لیے نامزد کیا گیا ہے۔عہدیداروں نے بتایا کہ اس سنٹر میں پورے امتحانی عرصے کے دوران صرف تین طلبہ غیر حاضر رہے۔ سینٹر کے سپرنٹنڈنٹ ہرش جیوتی شکلا نے کہا کہ طلباء کے لیے پینے کے پانی اور صفائی کی سہولیات سمیت تمام ضروری انتظامات کیے گئے ہیں۔ انہوں نے مزید کہا کہ امتحان کا پورا عمل سی سی ٹی وی کی نگرانی میں کیا گیا۔پیر کے سنسکرت امتحان کے ساتھ، مرکز میں تمام مضامین کے پرچے اب ختم ہو چکے ہیں۔تاہم، ایک امیدوار کے لیے غیر معمولی تعیناتی ضلع میں اس سال کے امتحان کا سب سے زیادہ زیر بحث پہلو ہے۔
8c9d0874-53ee-41a9-bfb3-82d2d58440e81822026164531.jpg)