آندھراپردیش کے ضلع الوری سیتا راما راجو کے راؤ ڈا ڈیم میں ایک کشتی الٹ گئی۔ اس حادثہ میں تین افراد کے موت کی خبر ہے۔ بتایا جا رہا ہےکہ ساحل پر واپس آتے ہوئے کشتی الٹ گئی جس سے ایک شخص ہلاک اور دو لاپتہ ہوگئے۔ یہ حادثہ ضلع کے اننتاگری منڈل کے جینا پاڈو میں رائواڑہ ریزروائر پر پیش آیا۔
مقامی لوگوں کی اطلاع پر پولیس اور غوطہ خور موقع پر پہنچ گئے۔اتوار کے روز دیوراپلی پولیس اسٹیشن کی حدود میں رائواڑہ ریزروائر میں مبینہ طور پر کشتی الٹنے سے دو افراد بشمول ایک فارسٹ پروٹیکٹیو واچر لاپتہ ہوگئے اور ایک شخص ڈوب گیا۔دیوراپلی پولیس کے مطابق، جنگلات کے تحفظ کے نگران جی اپلراجو لکڑی کی مبینہ غیر قانونی اسمگلنگ کے بارے میں اطلاع ملنے پر ایک دوسرے شخص جے پرساد کے ساتھ جین آبادو سے آبی ذخائر میں داخل ہوئے تھے۔
دوسری طرف پہنچنے کے بعد، وہ اسی کشتی میں واپس آ رہے تھے جن کے ساتھ دو دیگر افراد جی جیون اور ڈی رمیش تھے، جب مبینہ طور پر کشتی پانی کے بیچ میں الٹ گئی۔ جب کہ مقامی لوگوں نے پرساد کو بچانے میں کامیابی حاصل کی جبکہ جیون کی لاش بعد میں ماہی گیری کے جالوں سے برآمد ہوئی۔
ایس ڈی آر ایف، این ڈی آرایف اور فائر ڈپارٹمنٹ کی وسیع تلاشی کاروائیوں اپلراجو اور رمیش کی لاشیں ۔ گہری تلاش کے بعد نکال لی گئیں۔ مرنے والوں کی شناخت ادھیکاری گووندانائیڈو، اراسدا پردیپ اور رائےگڈا سرتھ کے طور پر ہوئی ہے۔ ان سب کا تعلق سیوینی گاؤں سے بتایا جاتا ہے۔ اس واقعہ سے مقامی طور پر کافی ہنگامہ برپا ہے۔دیوراپلی پولیس نے معاملہ درج کرلیا ہے، اور تحقیقات جاری ہے۔
پاروتی پورم مانیام ضلع میں ایک اور حادثے میں تین نوجوان لاپتہ ہوگئے۔ وہ کمارڈا منڈل کے جنجھاوتی ربڑ ڈیم میں اپنے رشتہ داروں کے ساتھ تیراکی کرنے گئے تھے۔ یہ نوجوان ڈیم میں گرنے والے لڑکے کو بچانے کی کوشش میں لاپتہ ہو گئے۔ اس معاملے کی جانکاری حاصل کرنے کے بعد وزیر اتچنا نائیڈو نے حادثے کی تحقیقات کی۔ لاپتہ نوجوانوں کی شناخت کوماراڈا منڈل کے رہنے والے کے طور پر ہوئی ہے۔
