ہندوستانی کرکٹ ٹیم کے فاسٹ باؤلر محمد شامی کی اہلیہ حسین جہاں ایک بار پھر تنازع میں آگئی ہیں۔اس بار معاملہ کرکٹر سے نہیں، ان کے پڑوسیوں سے جڑا ہے۔ معلومات کے مطابق حسین جہاں اور ان کی بیٹی عرشی جہاں کے خلاف پڑوسی کے ساتھ جھگڑے اور مارپیٹ کی وجہ سے قتل کی کوشش کا مقدمہ درج کیا گیا ہے۔ یہ ایف آئی آر حسین جہاں اور ان کے پڑوسیوں کے درمیان جھگڑے کے حوالے سے درج کی گئی ہے۔ اس واقعے کی ایک ویڈیو بھی سوشل میڈیا پر وائرل ہو رہی ہے۔
کیا ہے سارا معاملہ؟
رپورٹ کے مطابق حسین جہاں کا اپنے پڑوسیوں سے زمین کے ایک ٹکڑے پر جھگڑا ہوا ۔میڈیا رپورٹ کے مطابق مغربی بنگال کے بیر بھوم ضلع میں یہ زمین مبینہ طور پر ان کی بیٹی کے نام ہے ۔اور اس پر تعمیرات کو لے کر تنازع کھڑا ہو گیا ۔ الزام ہے کہ جب حسین جہاں نے تعمیراتی کام شروع کیا تو پڑوسی دلیہ خاتون نے اس کی مخالفت کی جس کے بعد لڑائی پرتشدد ہو گئی،اور دعویٰ کیا جا رہا ہے کہ حسین جہاں زمین پر ناجائز قبضہ کرنے کی کوشش کر رہی تھی۔ واقعے کی ویڈیو وائرل ہونے کے بعد پولیس نے قتل کی کوشش کا مقدمہ درج کرلیا ہے۔
واقعے کی ویڈیو وائرل:
An attempt to murder FIR under BNS sections 126(2), 115(2), 117(2), 109, 351(3) and 3(5) has lodged against Hasin Jahan, the estranged wife of Mohammed Shami and Arshi Jahan, her daughter from her first marriage by her neighbour Dalia Khatun in Suri town of Birbhum district in… pic.twitter.com/2dnqXUKMdK
— NCMIndia Council For Men Affairs (@NCMIndiaa) July 16, 2025
این سی ایم انڈیا کی جانب سے ٹوئٹر پر شیئر کی گئی ایک ویڈیو میں کہا گیا ہے کہ حسین جہاں اور ان کی بیٹی کے خلاف آئی پی سی کی دفعہ 126(2)، 115(2)، 117(2)، 109، 351(3) اور 3(5) کے تحت مقدمہ درج کیا گیا ہے۔ متاثرہ لڑکی دلیہ خاتون نے سنگین الزام عائد کیا ہے کہ ماں بیٹی کی جوڑی نے اسے وحشیانہ تشدد کا نشانہ بنایا۔ حسین جہاں نے سوری کے وارڈ نمبر 5 میں ایک متنازع پلاٹ پر تعمیر شروع کی تھی، جو مبینہ طور پر ان کی بیٹی عرشی جہاں کے نام پر ہے۔ یہ الزام ہے کہ جب اس نے تعمیر روکنے کی کوشش کی تو حسین اور ان کی بیٹی نے دلیہ خاتون کے ساتھ وحشیانہ حملہ کیا۔
بتا دیں کہ محمد شامی اور حسین جہاں کی شادی 2014 میں ہوئی، دونوں کی ایک بیٹی ہے۔ تاہم، شامی اور حسین جہاں کا رشتہ زیادہ دیر تک نہیں چل سکا اور دونوں 2018 میں الگ ہو گئے، تب سے بیٹی ماں حسین جہاں کے ساتھ رہتی ہے۔ دونوں کا طلاق کا کیس عدالت میں چل رہا ہے۔ حال ہی میں، کلکتہ ہائی کورٹ نے شامی کو حکم دیا ہے کہ وہ حسین جہاں اور بیٹی آئرہ دونوں کو بھتہ ادا کریں۔
