سی بی ایس ای بورڈ نے دسویں جماعت کے امتحانات میں بڑی تبدیلی کا اعلان کیا ہے۔ سال 2026 سےدسویں جماعت کے امتحانات سال میں دو بار ہوں گے۔ پہلے مرحلے کے امتحان فروری اور دوسرے مرحلے کے امتحان مئی میں امتحانات منعقد کئے جائیں گے۔ نتائج اپریل اور جون میں جاری کیے جائیں گے۔سنٹرل بورڈ آف سیکنڈری ایجوکیشن (سی بی ایس ای) نے 10ویں کلاس کے لیے سال میں دو بار بورڈ امتحانات منعقد کرنے کے اصولوں کو منظوری دے دی ہے، یہ اقدام نئی قومی تعلیمی پالیسی (این ای پی) کے تحت کیا گیا ہے۔
سی بی ایس ای کی طرف سے دی گئی معلومات کے مطابق دسویں جماعت کے طلبہ کے لیے پہلے مرحلے کے بورڈ امتحان میں شرکت کرنا لازمی ہو گا۔ جبکہ دوسرے مرحلے میں شامل ہونا اختیاری ہوگا۔ انٹرنل اسسمنٹ صرف ایک بار کیا جائے گا۔ اس فیصلے کے بعد طلبہ کو اپنے نمبر بہتر کرنے کا موقع ملے گا۔ اگر پہلے مرحلے میں کسی طالب علم کے نمبر کم ہوں گے تو وہ دوسرے مرحلے میں اچھی کارکردگی کا مظاہرہ کر کے بہتر ہو سکے گا۔ طلبہ کو سائنس، ریاضی، سماجی سائنس اور زبانوں میں سے کسی بھی تین مضامین میں اپنی کارکردگی کو بہتر بنانے کی اجازت ہوگی۔
طلباء کے لئے پہلے مرحلے کو لازمی قرار دینے کے پیچھے دلیل کی وضاحت کرتے ہوئے، سی بی ایس ای کے چیئرمین راہول سنگھ نے کہا کہ یہ اس بات کو یقینی بنانے کے لئے کیا جا رہا ہے کہ طلباء امتحانات کو سنجیدگی سے لیں اور بورڈ کے امتحانات کا تقدس برقرار رہے۔"اگر کوئی طالب علم پہلے امتحان میں تین یا اس سے زیادہ مضامین کے لیے حاضر نہیں ہوتا ہے، تو اسے دوسرے امتحان میں شامل ہونے کی اجازت نہیں دی جائے گی۔ ایسے طلبہ کو 'ضروری اعادہ' کے زمرے میں رکھا جائے گا اور وہ اگلے سال فروری میں ہونے والے مرکزی امتحان میں ہی شرکت کر سکتے ہیں۔"
انہوں نے مزید کہا، "جن طلباء کا پہلا امتحان کا نتیجہ کمپارٹمنٹ ہے، انہیں کمپارٹمنٹ کیٹیگری کے تحت دوسرے امتحان میں بیٹھنے کی اجازت ہوگی۔ دسویں کلاس پاس کرنے کے بعد اضافی مضامین کی اجازت نہیں ہوگی، طلباء کو الگ الگ مضامین میں اجازت نہیں دی جائے گی،" منظور شدہ اصولوں کے مطابق، موسم سرما میں بند اسکولوں کے کلاس دسویں کے طلباء کو دو مراحل میں سے کسی میں بھی بورڈ کے امتحانات میں شرکت کرنے کا اختیار ملے گا۔اسی طرح اسپورٹس کے طلباء کو دوسرے مرحلے میں ان مضامین میں شرکت کی اجازت ہوگی جو ان کے کھیلوں کے مقابلوں سے ہم آہنگ ہوں۔
سی بی ایس ای نے فروری2025 میں اصولوں کے مسودے کا اعلان کیا تھا، جنہیں اسٹیک ہولڈرز کی رائے کے لیے پبلک ڈومین میں رکھا گیا تھا، بشمول اسکولوں، اساتذہ، والدین، طلباء اور عوام نے تجویز پیش کی تھی۔نئے این سی پی نے سفارش کی ہے کہ بورڈ کے امتحانات کے "ہائی اسٹیک" والے پہلو کو ختم کرنے کے لیے، تمام طلباء کو کسی بھی تعلیمی سال کے دوران دو مواقع تک امتحان دینے کی اجازت ہوگی۔دونوں امتحانات پورے سال کے نصاب پر منعقد کیے جائیں گے اور مطالعہ کی اسکیم اور امتحانات کی اسکیم ایک ہی رہے گی۔
بورڈ نے واضح کیا ہے کہ اس نظام کے تحت کوئی علیحدہ سپلیمنٹری امتحان نہیں لیا جائے گا۔ اس کے بجائے، بورڈ امتحان کا دوسرا سیشن ان لوگوں کے لیے ضمنی امتحان کے طور پر کام کرے گا جو اپنے اسکور کو بہتر بنانا چاہتے ہیں۔اس وقت بھی طلباء کے پاس سپلیمنٹری امتحانات میں اپنے اسکور بہتر کرنے کا موقع ہے۔
"فی الحال، طلباء دو مضامین میں اسکور کو بہتر بنا سکتے ہیں اور بہتری کے امتحانات جولائی میں منعقد کیے جاتے ہیں، جن کے نتائج کا اعلان اگست میں کیا جاتا ہے۔"لہذا، نئے سیٹ اپ میں، امتحانات کا دوسرا مرحلہ مئی میں منعقد کیا جائے گا اور نتائج کا اعلان جون میں کیا جائے گا۔ اس کے علاوہ، طلباء دو کے بجائے تین مضامین میں اپنے اسکور کو بہتر بنانے کی کوشش کر سکتے ہیں۔
