feb64700-0c3b-41c3-9402-53d3364dc9a544202694957.jpg)
تمل ناڈو اسمبلی انتخابات کے پیش نظر ریاست میں تمام سیاسی جماعتوں کی سرگرمیوں میں تیزی آگئی ہے۔ حکمراں ڈی ایم کے نے بھی اپنی انتخابی مہم کو مزید مؤثر بناتے ہوئے عوامی رابطہ مہم تیز کردی ہے۔
ریاست کے چیف منسٹر ایم کے اسٹالن نے آج کنیا کماری کے ساحل پر صبح کی سیر کے دوران عوام سے ملاقات کی اور ان سے براہ راست بات چیت کی۔ اس موقع پر انہوں نے ووٹروں سے اپیل کی کہ وہ حکومت کی کارکردگی کو مدنظر رکھتے ہوئے اپنے ووٹ کا فیصلہ کریں۔
انہوں نے کہا کہ ان کی حکومت عوامی فلاح و بہبود کو اولین ترجیح دے رہی ہے اور مختلف اسکیموں کے ذریعہ عوام کو فائدہ پہنچایا جا رہا ہے۔ اسٹالن نے بھارتیہ جنتا پارٹی (بی جے پی) کو نشانہ بناتے ہوئے الزام لگایا کہ یہ جماعت فرقہ وارانہ سیاست کے ذریعے ریاست کے ماحول کو خراب کرنے کی کوشش کر رہی ہے۔
دوسری جانب الیکشن کمیشن آف انڈیا نے آسام، کیرالہ، پڈوچیری، تمل ناڈو اور مغربی بنگال میں ہونے والے اسمبلی انتخابات کے پیش نظر اہم ہدایات جاری کی ہیں۔ کمیشن نے تمام متعلقہ ریاستوں اور مرکز کے زیر انتظام علاقوں کو ہدایت دی ہے کہ پولنگ کے دن تمام اہل ووٹروں کو تنخواہ کے ساتھ چھٹی فراہم کی جائے۔
کمیشن کے مطابق یہ سہولت ہر اس شخص کے لیے ہوگی جو کسی کاروبار، صنعتی ادارے یا دیگر تنظیم میں ملازم ہے اور ووٹ دینے کا حق رکھتا ہے۔ اس کے ساتھ یہ بھی واضح کیا گیا ہے کہ اس چھٹی کے باعث ملازمین کی اجرت میں کوئی کٹوتی نہیں کی جائے گی، اور خلاف ورزی کرنے والے آجر جرمانے کے مستحق ہوں گے۔
مزید برآں، یومیہ اجرت پر کام کرنے والے اور عارضی ملازمین بھی اس سہولت کے حقدار ہوں گے۔ الیکشن کمیشن نے ریاستی حکومتوں کو ہدایت دی ہے کہ وہ ان احکامات پر سختی سے عمل درآمد کو یقینی بنائیں تاکہ تمام ووٹرز اپنے حق رائے دہی کا آزادانہ استعمال کر سکیں۔
 (4)6b93b520-ab47-4b8f-9a98-a558943c5533442026104935.jpg)
 (2)1345b980-05c0-420f-9b2d-4d2c838f6d0f442026103434.jpg)
 (1)04785f20-173a-4ac0-b029-627d9e0c224044202610517.jpg)