جموں کشمیرکو ریاست کا درجہ دینے کا مطالبہ طول پکڑتا جارہا ہے۔ "ہماری ریاست، ہمارا حق" کے شاندار نعرے کے ساتھ کانگریس کا دہلی چلو مارچ منعقد کیا۔یہ مارچ جموں و کشمیر کو مکمل ریاست کا درجہ بحال کرنے کے مطالبے کے لیے کانگریس پارٹی کی جاری مہم کا اہم حصہ ہے۔ منگل کو جموں کشمیر کانگریس پارٹی کے لیڈروں اور کارکنوں نے دارالحکومت دہلی میں جم کر احتجاج کیا ۔
"ہماری ریاست، ہمارا حق"
اس دوران کانگریس پارٹی کے لیڈروں اور کارکنوں نے جموں و کشمیر کا ریاست کا درجہ دینے کی مرکز سے مانگ کی ۔ احتجاجی کانگریس پارٹی کے کارکنوں نے کہا کہ ریاست کا درجہ ان کا حق ہے اور اس کو وہ لے کر رہیں گے۔ کانگریس کے سینئر لیڈران اور پارٹی کے متعدد کارکنان جموں سے بسوں میں سوار ہوئے کر دہلی میں احتجاج کیا اور قومی راجدھانی میں پارلیمنٹ کا گھیراؤ کرنے کر نے کوشش کی۔ انھون نے بتایا کہ اس احتجاج کا مقصد علاقے کے لوگوں کے جمہوری اور آئینی حقوق کا دوبارہ دعویٰ کرنا ہے۔ واضح رہے کہ پچھلے چند دنوں سے کانگریس پارٹی جموں و کشمیر کو ریاست کا درجہ دینے کی مانگ کرتے ہوے احتجاج کررہی ہے ۔
Today, AICC GS (Org.) Shri @kcvenugopalmp and Rajya Sabha MP @NasirHussainINC joined J&K Congress' protest at📍Jantar Mantar, demanding full statehood for Jammu & Kashmir.
— Indian Youth Congress (@IYC) July 22, 2025
The people of J&K want their voice, their vote, and their statehood back; and the Modi government must act.… pic.twitter.com/ZAyOhEbXey
بی جے پی کی تنقید
نئی دہلی جنترمنتر پر جموں کشمیر کانگریس کے لیڈران نے احتجاج کیا ۔ یہ احتجاج جموں کشمیر کے ریاستی درجہ بحال کرنے کے حوالے سے کیا گیا تھا ۔ کانگریس کے اس اقدام پر جموں کشمیر میں سیاست تیز ہو گئی ہے۔ بی جے پی نے کانگریس کے اس احتجاج کو حریت کی چلو کال سے تعبیر کیا وہیں پی ڈی پی نے کہا کہ بہتر ہوتا اگر این سی بھی اس طرح کوئی قدم اٹھاتی۔
