گجرات کابینہ کی تشکیل نو کر دی گئی ہے۔ گاندھی نگر میں حلف برداری کی تقریب میں گورنر نے وزیر اعلیٰ اور 25 ایم ایل ایز کو بطور وزیر حلف دلایا، کابینہ میں انیس نئے چہرے شامل کیے گئے ہیں۔ حلف برداری کی تقریب میں بی جے پی صدر جے پی نڈا سمیت کئی سینئر لیڈران موجود تھے۔ واضح رہے کہ کل چیف منسٹر بھوپیندر پٹیل کی کابینہ میں شامل تمام 16 وزراء نے استعفیٰ دے دیا تھا۔
نئی کابینہ میں پٹیل برادری سے 7، ایس ٹی برادری کے 4 وزراء شامل ہیں:
نئی کابینہ میں وزیر اعلیٰ سمیت پٹیل برادری کے 7 وزراء شامل ہیں۔ اس کے علاوہ 8 وزراء دیگر پسماندہ طبقات (OBC) سے، 3 درج فہرست ذاتوں (SC) سے اور 4 درج فہرست قبائل (ST) سے ہیں۔ پچھلی کابینہ میں وزیر اعلیٰ سمیت 17 وزراء تھے، جن میں 8 کابینی وزراء اور 8 وزرائے مملکت (MoS) شامل تھے۔ گجرات اسمبلی میں 182 ایم ایل اے ہیں۔ اس کے مطابق کابینہ میں وزیر اعلیٰ سمیت زیادہ سے زیادہ 27 وزراء ہو سکتے ہیں۔
کابینہ میں توسیع کیوں کی گئی؟
گجرات میں 2027 میں اسمبلی انتخابات اور اگلے سال جنوری میں میونسپل کونسل کے انتخابات ہونے والے ہیں۔ اس اقدام کو انتخابی تیاری کے طور پر دیکھا جا رہا ہے۔ 2022 سے کابینہ میں کوئی تبدیلی نہیں ہوئی ہے۔ اسے نوجوانوں کے ساتھ ساتھ تجربہ کار لیڈروں کو موقع دینے کی کوشش کے طور پر دیکھا جا رہا ہے۔ جون میں ویساوادر ضمنی انتخاب میں بی جے پی کی شکست کو بھی کابینہ میں ردوبدل سے جوڑا جا رہا ہے۔
بھوپیندر پٹیل کی کابینہ 3.0 میں کون ۔کون؟
پرفل پنساریا
کنورجی بھائی باولیا
ہرشکیش پٹیل
کانو ڈیسائی
پرسوتم سولنکی
ہرش سنگھوی
پردیومنا وج
نریش پٹیل
پی سی برنڈا
ارجن موڈھواڈیا
کانتی امرتیا
کوشک ویکریا
درشنابین واگھیلا
جیتو بھائی واگھانی
ریوا با جڈیجہ
ڈاکٹر جے رام گامیت
تریکمبائی چھانگا
ایشور سنگھ پٹیل
منیشا وکیل
پروین مالی
سوروپ جی ٹھاکر
سنجے سنگھ مہیدا
کملیش پٹیل
رمن سولنکی
رمیش کٹارا
