سنکرانتی تہوار سے پہلے،حیدرآباد سٹی پولیس نے ممنوعہ 'چائنیز مانجہ ' (مصنوعی/نائیلون پتنگ کی تار) کے خلاف کاروائی کو تیز کر دیا ہے تاکہ شہر بھر میں اس کی فروخت، ذخیرہ کرنے اور نقل و حمل کو روکا جا سکے۔
حیدرآباد پولیس کی خصوصی مہم
حیدرآباد پولیس کی خصوصی مہم کے نتیجے میں بڑے پیمانے پر ضبط اور گرفتاریاں ہوئیں۔جاری مہم کے ایک حصے کے طور پر، حیدرآباد سٹی پولیس نے 103 مقدمات درج کیے ہیں اور 143 افراد کو گرفتار کیا ہے۔ ممنوعہ چینی مانجا کے کل 6,226 بوبن ضبط کیے گئے ہیں جن کی مارکیٹ قیمت 1,24,52,000 روپے ہے۔
تہوار کےموقع پرجان کا خطرہ کیوں؟
پولیس کمشنر، وی سی سجنار، آئی پی ایس، نے کہا کہ سنکرانتی خوشی اور پتنگ بازی کا تہوار ہے، لیکن منانے سے جانوں کو خطرہ نہیں ہونا چاہیے۔ انہوں نے اس بات کا اعادہ کیا کہ حکومت نے چینی مانجہ پر مکمل پابندی عائد کی ہے کیونکہ اس سے انسانوں، پرندوں اور ماحولیات کو لاحق سنگین خطرہ ہے۔انہوں نے کہا کہ "پابندی کے باوجود، غیر قانونی فروخت چھپے چھپے کی جا رہی ہے۔ اس میں کسی بھی صورت برداشت نہیں کی جائے گی۔ جو بھی چینی مانجہ فروخت کرتے، ذخیرہ کرتے ہوئے یا منتقل کرتے ہوئے پا ئے جائیں گے، اس کے خلاف فوری فوجداری کاروائی کی جائے گی۔ شہر بھر میں خصوصی ٹیمیں تعینات کر دی گئی ہیں۔"
آن لائن فروخت پر بھی نگرانی
کمشنر نے اس بات کی بھی نشاندہی کی کہ کچھ تاجر نفاذ سے بچنے کے لیے آن لائن پلیٹ فارمز پر چلے گئے ہیں۔انہوں نے خبردار کیا۔"ہم نے ای کامرس پلیٹ فارمز اور سوشل میڈیا پر چوبیس گھنٹے نگرانی رکھی ہے۔ چینی مانجہ کی آن لائن فروخت یا خریداری میں ملوث افراد کے خلاف سخت قانونی کاروائی کی جائے گی،"
انہوں نے والدین کو چینی مانجہ پر دھاتی کوٹنگ کے خطرات کے بارے میں مزید خبردار کیا، جو خاص طور پر بچوں کو شدید زخمی اور بجلی کے جھٹکے بھی لگ سکتے ہیں۔
پولیس کا عوام کو مشورہ
شہریوں سے گزارش کی گئی ہے کہ وہ صرف روایتی سوتی پتنگ کی ڈور استعمال کریں اور خلاف ورزی کی اطلاع 100 ڈائل کرکے یا 94906 16555 پر واٹس ایپ کے ذریعے دیں ۔
حیدرآباد بھر میں گرفتاریاں اورضبطگیاں
ساؤتھ ویسٹ زون میں سب سے زیادہ خلاف ورزیاں ہوئیں، جن میں 34 مقدمات درج کیے گئے اور 46 گرفتاریاں ہوئیں، جس کے نتیجے میں 65لاکھ30, ہزار روپے مالیت کے 3,265 بوبن ضبط کیے گئے۔اس کے بعد ساؤتھ زون تھا، جہاں 27 مقدمات درج کیے گئے اور 35 افراد کو گرفتار کیا گیا، جس کے نتیجے میں 37لاکھ 22،ہزار روپے مالیت کے 1,861 بوبن ضبط کیے گئے۔
کس زون میں کی گئی کاروائیاں
ایسٹ زون میں 29 افراد کے خلاف 18 مقدمات درج کیے گئے جن کی مالیت 6,02,000 روپے ضبط کی گئی۔ ساؤتھ ایسٹ زون نے نو مقدمات اور 10 گرفتاریوں کی اطلاع دی۔ وسطی، شمالی اور مغربی زون میں بالترتیب چھ، پانچ اور چار کیس رپورٹ ہوئے۔کمشنر کی ٹاسک فورس نے انفورسمنٹ مہم میں کلیدی کردار ادا کیا، جس میں 67 مقدمات، 87 گرفتاریاں، اور 68,78,000 روپے مالیت کا ممنوعہ مانجا ضبط کیا گیا۔
ایڈیشنل سی پی (کرائمز اینڈ ایس آئی ٹی) ایم سری نواسولو، آئی پی ایس؛ ڈی سی پی شری کھرے کرن پربھاکر، آئی پی ایس، جی چندر موہن، آئی پی ایس، گایکواڑ ویبھو رگھوناتھ، آئی پی ایس؛ ایڈینشل ڈی سی پی (ٹاسک فورس) اینڈے سرینواس راؤ اور دیگر عہدیداروں نے اس تقریب میں شرکت کی۔ اس موقع پر کمشنر آف پولیس نے افسران، ان کی ٹیم کے ارکان اور عملے کو مبارکباد دی اور انہیں نقد انعامات سے نوازا۔
